يا شباب افيدونى فى تجديد الرخصة ... ؟

**kewies** · 03-03-2009 12:16 PM

انا عربيتى اتوس برايم 1100 سس2008 , كنت عاوز اعرف اية المشاورير المطلوبة غير المرور زى ما سمعت البريد ، مرور الدراسة ، مرور بين السرايات واية حكاية شهادة المخالفات و شهادة تحويل بيانات .. ارجو الافادة بالتفصيل و اسف للاطالة .؟؟

**kimo-nubira** · 03-03-2009 12:56 PM

بص ياباشا شهادره البيانات هاتحتاجها علشان لما تيجي تفحص في المرور اللي حضرتتك تبعه

علشان المنهدس اللي هايفحص هايطلع من الشهاده ديه رقم الشاسيه ورقم الماتور علشان يطابقهم على الارقام الموجوده

فعلا في حوض العربيه ويتأكد ان اورقها سليمه وبتالي ينقلك ملكيتها

اما بالنسبه لشهاده المخالفات فا ديه بتخدها من صاحب العربيه اللي قابلك وديه بتفيدك في ان مافيش مخالفات على العربيه ديه

ولو كان فيه لازم هو يدفعها قبل مايديهالك ويجيبلك شهاده اسمها شهاده براءه زمه

وديه بارضو بتفيد ان العربيه المخالفات اللي عليها ادفعت ومافيش ولا مخالفه عليها

**kewies** · 03-03-2009 01:19 PM

[quote][بص ياباشا شهادره البيانات هاتحتاجها علشان لما تيجي تفحص في المرور اللي حضرتتك تبعه

علشان المنهدس اللي هايفحص هايطلع من الشهاده ديه رقم الشاسيه ورقم الماتور علشان يطابقهم على الارقام الموجوده

فعلا في حوض العربيه ويتأكد ان اورقها سليمه وبتالي ينقلك ملكيتها

اما بالنسبه لشهاده المخالفات فا ديه بتخدها من صاحب العربيه اللي قابلك وديه بتفيدك في ان مافيش مخالفات على العربيه ديه

ولو كان فيه لازم هو يدفعها قبل مايديهالك ويجيبلك شهاده اسمها شهاده براءه زمه

وديه بارضو بتفيد ان العربيه المخالفات اللي عليها ادفعت ومافيش ولا مخالفه عليها
__________________
/quote]
بس العربية انا شاريها زيرو و مستلم النمر دية من المرور ... ؟

**kimo-nubira** · 03-03-2009 01:50 PM

لو زيرو يبقي علي ما اعتقد انك مش هاتحتاج شهاده مخالفات

والمفروض المعرض اللي انت اشتريته منه يطلع معاك حد يخلصلك الورق بتاع العربيه لحد ماتستلم الرخصه في ايدك

وربنا يوفقك ان شاء الله والف مبروك على العربيه وربنا يحفظهالك ويديلك خيرها ويكفيك شرها

**عزيز محمد** · 03-03-2009 02:18 PM

المشاركة الأصلية كتبت بواسطة kewies

انا عربيتى اتوس برايم 1100 سس2008 , كنت عاوز اعرف اية المشاورير المطلوبة غير المرور زى ما سمعت البريد ، مرور الدراسة ، مرور بين السرايات واية حكاية شهادة المخالفات و شهادة تحويل بيانات .. ارجو الافادة بالتفصيل و اسف للاطالة .؟؟

يا أخى الفاضل واضح إن عربيتك إنت شاريها زيرو ودى أول مرة تجدد الرخصة. صح؟؟

بمنتهى البساطة حضرتك تروح المرور اللى انت تبعه وتطلع بيان لوحات زى ما العضو mramzy قالك فى موضوعك الآخر علشان يبان فيها تاريخ استلامك للوحات

وبعدين تستخرج شهادة مخالفات من الشبالك المختص من نفس المرور، ولو لقيت مخالفة السرعة اللى قلت عليها فى الموضوع التانى يبقى تروح نيابة المرور (فى نفس إدارة المرور) علشان يحلوا لك المشكلة دى

وتكمل باقى إجراءات التجديد المعتادة اللى هيقولولك عليها هناك.

بس كده ولا بريد ولاتحويل بيانات ولا الكلام ده خالص ليك أى دعوة بيه

**kewies** · 03-03-2009 02:26 PM

الف شكر على الرد يا ا/عزيز ... على فكرة انا تابع لمرور مدينة نصر.
يعنى كدة ان شاء الله تجديد الرخصة يخلص فى يوم واحد ؟؟ و ممكن يوم السبت عشان اجازة من الشغل ؟

**عزيز محمد** · 03-03-2009 02:34 PM

المشاركة الأصلية كتبت بواسطة kewies

الف شكر على الرد يا ا/عزيز ... على فكرة انا تابع لمرور مدينة نصر.
يعنى كدة ان شاء الله تجديد الرخصة يخلص فى يوم واحد ؟؟ و ممكن يوم السبت عشان اجازة من الشغل ؟

بإذن الله التجديد يخلص فى يوم واحد، ومرور مدينة نصر بيشتغل يوم السبت كمان.

بس إعمل حسابك فى الفلوس وإنت رايح، من كام أسبوع أحد الأعضاء رخص بونتو 2002 لمدة سنة واحدة ودفع حوالى 500 جنيه.