اطلع على فرع ابو رواش ...
واكتب فى التوبيك دا الاول على مشكلتك -
وتابع مع المهندس . امـــر
وان شاء الله كل حاجه تتضبط وتبقى تمـــام
تحيـــــــــــــــاتـــــ ــىhttp://i122.photobucket.com/albums/o.../th_eclown.gif
اطلع على فرع ابو رواش ...
واكتب فى التوبيك دا الاول على مشكلتك -
وتابع مع المهندس . امـــر
وان شاء الله كل حاجه تتضبط وتبقى تمـــام
تحيـــــــــــــــاتـــــ ــىhttp://i122.photobucket.com/albums/o.../th_eclown.gif
استاذ ايمن
شاكر لاهتمام حضرتك..انا من اسكندريه وابو رواش بعيده شويتين عني
احب اطمنك انا ظبطت عفشه وفاضلي تغيير تيل الفرامل وكده ان شاء الله كل المشاكل اتحلت
صيانة ال5000
السلام عليكم جميعا
أنا قلت طالما دي الورشة الي دشنها أ/ مهاب يبقى ممكن نحكي فيها عن تجربة الصيانات عشان الناس تستفيد :
إتصلت وحجزت يوم الأربعاء الماضي وأخدت ميعاد الساعة 9:20 وروحت وكنت تالت عربية , جات لي مهندسة إيمان (زي صيانة الألف بردو) كتبت أمر الشغل وسألتني في حاجة في العربية قلتلها عندي أربع ملحوظات :
1- مكنة الإزاز بتاعة الباب اليمين بتعمل صوت مع الفتح والقفل و أحيانا الباب الشمال
قالتلي نشوفها
2- أحيانا السنتر بيعلق خاصة البابين اللي قدام بس قلتلها إن ده مش على طول يمكن حصل مرة أو مرتين
لقيتها بتقولي بس دي مشكلة عشان دا محتاج كتاوت ومافيش حاليا في التوكيل , قلتلها طب شوفوها بردو ممكن تكون حاجة تانية وكتبتها بردو
3-أحيانا بسمع صوت من الدريكسيون لما أكون ماشي في حته مكسرة وأكون كاسر الدريكسيون
قالتلي بردو نبص عليه
4- العربية بتسقف على التاني والتالت لو كبست لها وكنت كاتب الحاجة اللي قال عليها أ / مهاب إنها تتظبط ووريتها لها , مافهمتش إيه ده وقالتلي هما هيشوفوا ده ولو فيه حاجة هيعملوها
,اخدت ميعاد على الساعة 3 والصراحة هما مواعيدهم معايا في المرتين كانت مظبوطة جدا , روحت وكنت مستعجل , إستلمت العربية بسرعة بس سألتها إيه اللي تم قالتلي , بالنسبة للسنتر لقوا مافيش حاجة وشغال تمام , ومكنة الإزاز عملوها , وصوت الدريكسيون إتعمل , وبالنسبة للتسقيف , نضفوا فلتر البنزين
خرجت من التوكيل ووأنا ماشي قلت أجرب بقى الحاجات دي إتعملت ولا إيه وكانت النتيجة كالتالي
1- مكنة الإزاز لسة بتعمل صوت .......يعني مافيش حاجة إتعملت علما بإني كنت معدي مرة من عند واحد بيركب مكن إزاز وسمعته الصوت قاللي دا غالبا تراب على المكنة محتاج يتنضف وعرض عليا يعملها قلتله عشان العربية لسة في الضمان هعملها في التوكيل بس للأسف حتى ما فكوش الباب عشان يبصوا على المكنة !!! وكاتبين في أمر الشغل تم عمل صيانة مش عارف إيه كده في المكنة ...ولا تعليق
2- السنتر ماعلقش تاني وغالبا مش عشان هما عملوا حاجة لكن من نفسه ......يمكن عشان أصيل :ma:
3- صوت علبة الدريكسيون ماحصلش معايا يومها خالص بس بعد يومين ظهر تاني ....فا غالبا بردو هما لصموه كده أي حاجة عشان يخلصوا :_Alshmokh08[1]:
4- موضوع التسقيف دا الحسنة الوحيدة اللي طلعت بيها منهم لإن العربية إتظبطت معايا تما بعد تنضيف فلتر البنزين
الخلاصة إن التوكيل ده محتاج مهندسين أكتر يشرفوا بذمة وضمير -مع إحترامي للمهندسين المحترمين الموجودين في التوكيل حاليا- على الفنيين اللي غالبا بيشتغلوا كده تقضية وقت عشان كل واحد فيهم يخلص الساعة 4 ويطلع على ورشته الخاصة , ده إنطباعي الشخصي وخاصة إن المصنعية اللي بياخدوها مش قليلة , 140 جنيه مش قليل وأنا أدفعهم مش مشكلة بس الشغل يتعمل بذمة
إيه اللي نويت أعمله ؟ وللأسف إن الأمور تمشي بالطريقة ديه
في صيانة ال10000 إن شاء الله يا إما هكلم مهندس آمر يا إما هبعتله ميل قبل الصيانة وأقوله على أي حاجة ناقصة من الصيانات اللي فاتت كلها(وأنا معايا كل أوامر الشغل اللي مسجل فيها كل الحاجات ديه) وما إتعملتش عشان غالبا ساعتها هيبقى في إهتمام شوية وهفضي نفسي يومها وأقعد لهم في التوكيل مع العربية وأشرف بنفسي على كل اللي بيتعمل
معلش على الإطالة وأرجو إن أكون فيدتكم بالتجربة ديه :36_1_1[1]:
الصراحه مش فاهم ... اى فلتر بنزين الى بيتنظف فى عربيه زيرو عامله 5000 كيلو ؟ + ان فلتر البنزين بيتغير .. ماينفعش فيه التنظيف . اعتقد ان حل المشكله كان فى حاجه بعيد عن موضوع الفلتر ......ممكن المانفول ... او نسبه خلط الهواء مع البنزين , او يمكن حاجه تانيه الله اعلم .
2- صوت النقر الى فى الدركسون بيبقى فى الغالب عيب كلوك سبرينك و الحل التغير , لانها مش بتتصلح .
الف مبروك يا استاذ احمد على صيانه ال5 ..... و عقبال ال100 الف , انتا كلامك صح حاول دايما بعد كل صيانه انك تتم على كل حاجه بنفسك . و خلى صياناتك كل 10,000 اريح و اوفر.
امبارح كنت بغير زيت فى البنزينه ... و كالعاده فى كل مره بنزل تحت العربيه ابص على الكبالن ..المقصات ..العفشه ككل .
لاحظت حاجه مهمه كاوتشه علبه الدركسيون ( Steering Boot ) او " بيسموها كاوتشه المزيكا على اساس انها عامله زى الاكورديون :) " مقطوعه ...... المهم روحت دمشق و فكيتها عند ميكانيكى هناك و جبت زيها بالمقاس و طلعت لموديل من موديلات هيونداى ... تمنها 20 جنيه تايلاندى و اسم المصنع OSAKO .
فى ناس كتير مش عارفه اهميه الكاوتشه ديه او يقولو باستهتار بتحمى من التراب !!! .... و مش عارفه ان كاوتشه ب 20 جنيه .... ممكن تبوظ علبه دركسيون تمنها 4500 جنيه !!!
الكاوتشه ديه مهمتها انها تمنع التراب و الرمل من الدخول ل عمود الاداره الRack , و بتحمى ال اويلسيلات و الراك من التلف .
رجاء خاص فى كل غيار زيت لازم نبص بصه تحت العربيه و نشوف اذا كان فى شى مش طبيعى ... كاوتشات مقطوعه .." خصوصا كاوتش الكوبلن و الدركسيون " ... خراطيم الفرامل ... المساعدين .... تسريب زيت مش طبيعى ...الخ , الفحص السريع ممكن يحمى عربيتك من اضرار تصليهحا مكلف جدا .
ربنا يكرمك يا أ. مهاب ويبارك فيك وشكرا عالنصيحة :S_thum1[1]:
الواحد فعلا لازم يبقى قاعدلهم فى التوكيل ويتمم عالشغل بنفسه ولو فى حاجة مش مظبوطة :dontudear:
يقوم عاملهم كده:khd:
الله يبارك فيك يا أ/ مهاب وأنا غالبا هخلي الصيانة كل 10000 أحسن
على كلام حضرتك يعني حتى ده ممكن يكونوا ما عملوش فيه حاجة وأكون أنا موهوم إن العربية إتظبطت , بس السؤال هل هما نصابيين وكمان عبط للدرجة دي في التوكيل إنهم يكتبوا في أمر الشغل إن تم تنضيف فلتر البنزين اللي هو أساسا مش بيتنضف ؟؟؟ دا على كدا أنا إشتغلوني أحلى إشتغالة :coool::coool: بس عمليا أنا جربت أكبس كتير على التاني والعربية مهديه وما سقفتش التسقيف اللي كان بيحصل معايا قبل الصيانة , وفعلا حاسس بتغيير للأحسن , يالا أي كان اللي عملوه
بالنسبة للدريكسيون النقر ده بيحصل عندي بس لما بكون ماشي في منطقة مكسرة ولافف الدريكيون يمين أو شمال لكن لو منطقة مكسرة والدريكسيون عدل مابيبقاش في أي صوت هل كده يبقى كلوك سبرينك بردو (أنا بس عاوز أبقى متأكد عشان أتكلم معاهم بقلب جامد)
شاكر لحضرتك نصايحك اللي بتفيدنا كلنا بيها
ربنا يخليك . بس صدقنى النظام ده فى تقريبا كل حاجه فى بلدنا .. الى القليل .... و انا مش قصدى بالكلام ده انى اسئ لحد او اتهم حد بالتقصير , لكن الحرص واجب . لان ممكن اقل عامل هناك بدون قصد او باهمال يتسبب فى مشكله و محدش ياخد باله منها ... فلازم احنا نتمم على عربياتنا قبل ماتدخل و بعد ماتخرج زياده فى الامان .
انا الى اعرفه ان فلتر البنزين فكره التنظيفه بالهواء المضغوط .. فكره غير مجديه لو هو فعلا بايظ او مسدود . و مافيش فى اى كتالوج فكره تنظيف فلتر البنزين ..... الحاجه التانيه العربيه لسه جديده يا أ احمد و مالحقتش http://www.nilemotors.net/Nile/images/icons/icon7.gif
عموما نضفو الفلتر .. غيروه المهم ان العيب اختفى .. لينا النتيجه .
بالنسبه للعيب التانى حضرتك بتحس بالنقر ده فى الدركسيون نفسه " زى مايكون فى حاجه مخلوعه فى الدركسيون و بتخبط " ؟
لو الصوت من الدركسيون يبقى كلوك اسبرينج بنسبه كبيره .
وقت ماتكون فاضى عدى على التوكيل و قلوهم على المشكله .
[info] تصحيح للمعلومه .... مشكله الصوت " النقر " فى الدركسيون مش سببها كلوك اسبرينج .... الكلوك سبرينج بيبقى ليها صوت مختلف , صوت " النقر " فى الدركسيون ليه اسباب مختلفه .... من خلال بحثى على النت لقيت اكتر من سبب ... خراطيم الباور .. صاموله رجلالش .. علبه دركسيون ........ . [/info]
ديه اجزاء من مشاركات مالكى الواجا من المنتديات الماليزيه و بيتكلمو عن نفس العيب .
---------------------------------------
....l knocking sound from the steering when taking corner on uneven road
-- Go to any SC and tell them the problem. They need to change your Power Steering Return Hose. Most of the WAJA owner here changed their Power Steering Hose and problem solved.
--------------------------------------------------
My steering wheel got sound..I've found out that all this while the rattling sound comes from the steering..Already change clock spring still the same.
الكلوك السبرينج مش السبب فى الصوت
Used to have this rattling sound (like some loose nut behind the steering wheel) when i go up or down those spiral parking. Complained to the SC. They also say, "This is the first time I hear Waja CPS got this problem." Then i just went home lor. They called me up another day coz got this guy from Shah Alam came to see my problem. Then said, very similiar with the old Waja problem and recommended changing the power steering hose n see. So went there another time to change. They replaced mine with a Gen2 power steering hose (Which is placed higher than the engine) and no more sound.
-----------------------------------------------------
drive a 10-month old manual Waja . Recently, I noticed that my steering wheel starts to vibrate when I hit 100kph. This is more prominent when turning at a very low speed (such as coming in/out of a car park). There is also an unusual humming noise on normal driving
conditions. I've complained to Proton Edar about it during a regular service visit and one of the mechanics told me that the power steering hose needs to be replaced due to faulty design (too many 90- degree elbows which do not allow ..
-----------------------------------------------------------------
Power steering noise. This is caused by wrong length of power steering high pressure hose and they are trying to use up the thousands of already manufactured hoses in their assembled cars. If customer's don't notice or hear the sound, then they don't change to the new hoses.
بس هنا في حاجة يا أستاذ مهاب :
هنا بيتكلموا عن الواجا سواء ال cps أو العادية وفي جزئية بيقولوا فيها
اقتباس:
They replaced mine with a Gen2 power steering hose (Which is placed higher than the engine) and no more sound
هل ده معناه إن العيب في البرسونا ممكن يكون من حاجة تانية على أساس إن البرسونا هيا هيا الجين تو يبقى غالبا خرطوم الباور بردو محطوط في نفس المكان زي الجين , بس الغريب إن الوصف اللي فوق ده هو نفس اللي عندي بالظبط
اقتباس:
l knocking sound from the steering when taking corner on uneven road
فعلا ممكن يكون العيب مختلف ...صاموله الرجلاش ... او علبه الدركسيون نفسها فيها مشكله ....او حتى من حاجه تانيه ...و ممكن يكون نفس المشكله خرطوم الباور , لازم حد بيفهم اوى اوى هو الى يكتشف العيب فين بالظبط ... علاشان مانغيرش حاجه و هى سليمه ... , او مثلا نقرط على الرجلاش و هو اصلا مبظبوط .... خصوصا ان بعدها الدركسيون بيبقى تقيل جدا .
الفكره ان الصوت ده بالظبط عندى و كان فى حد اقنعنى انه مشكله كلوك سبرينج ... و على اساس كده اقتنعت ان صوت النقر ده لو ظهر فى واجا او جين او بيرسونا يبقى نفس العيب .... لكن طبعا انا كنت غلطان . و المشكله ديه مش من الكلوك اسبرينج http://www.nilemotors.net/Nile/images/icons/icon9.gif سامحنى انى قولتك معلومه غلط :censored: .
انا كنت متعايش مع الصوت عادى من ساعه ما اشتريت العربيه , لكن الموضوع حطيته فى دماغى و ان شاء الله اشوفله حل .
أنا بردو كنت متعايش معاه على أساس إنه عادي بس لما بدأت أتابع الموضوع لقيت إنه عيب ما ينفعش السكوت عليه واللي مخليني متردد إني أروح التوكيل الكلام اللي حضرتك بتقوله , إن لازم حد فاهم أوي يقدر يحدد العيب فين وكمان مش عاوزهم في التوكيل يغيروا حاجة فبريكة سليمة .... شكرا يا ا/ مهاب على معلوماتك المفيدة ومتابع معاك وإن شاء الله نلاقي حل قريب :S_thum1[1]:اقتباس:
انا كنت متعايش مع الصوت عادى من ساعه ما اشتريت العربيه , لكن الموضوع حطيته فى دماغى و ان شاء الله اشوفله حل
انا كنت كتبك المشكلة ديه قبل كده و مطنش من ساعتها لان مفيش حد ادانى حل جذرى للمشلكة
المشلكة انى كل لما ادوس فرامل و العربية مشاية الاقى الدركسيون بيرج جامد
غير الطنابير مرتين
و التيل كل 10 الاف كيلو
و غيرت مكان العجل اكتر من مرة
و حطيت نيتروجسين
فيه حد قالى اكيد العيب فى الجنط
المهم روحت عند اشرفكوا اللى فى المطرية و عملت استعدال و ترصيص
و العيب زى ما هو
علشان مطولش عليكوا فيه حد من الاخوة هنا فى المنتدى نصحنى انى اغير الجنوط
و انا بصراحة خايف اشترى جنوط جديدة و ادفعلى بتاع 1500 جنيه و يطلع العيب مش من الجنوط
كنت بفكر اجرب مع حد يكون عربيتة جنوطها 14 زى العربية عندى ان نفك العجل من العربية التنية و نركبة عندى و نجرب لقينا العيب فى الجنوط يبقى اغيرهم و ارتاح
بس موش عارف بصراحه اى حد يقدر يفيدنى فى الموضوع ده
ممكن تنصحونى اعمل ايه؟؟؟؟؟؟؟؟
صحيح العربية ويرا 2004
الكاوتش 14/60/82
حاجة تانية انا عاوز اظبط موتور العربية هل لازم اروح عند التوكيل و لا ممكن اعملها عند لميانيكى
لانى كل لما اقول للميكانيكى اللى برحله فى الحرفيين يقولى لا الموتور تمام بلاش تلعب فيه
هو فيه هزه مضيقانى لما بتكون العربية فى السلانسية
عايز اضبط العربيه معاى ويرا 1300 موديل 99
العربيه حلوة وجميله وثابته لكن عايز اظبط العربيه كمتور وشكل خارجى ومساعدين وصالون يعنى اشدها شدة حلوة ومعرفش حد كويس لو من الممكن حد يعرف ورشه وميكانيكى كويس واستورجى كويس علشان اظبتها
حاجه تانيه اخيرة عايز اعرف ثمن الدركسيون الجديد كام وكمان علبه الدريكسيون ثمنها كام
وشكرا مقدما على اى مساعدة
وحوش الويرا فين يا شباب ؟؟؟؟
ياريت لو فى حد يعرف يساعد الناس مايبخلش بالمعلومه و النصيحه .
اول مشكله مش حعرف افيدك فيها لازم ميكانيكى " بيفهم " يعرف العيب منين بالظبط
بالنسبه للموتور و هو على للسلانسيه ال RPM بيكون على كام ؟
اهلا بيك يا باشا
ابدأ الاول بالاساسيات ... شوف الميكانيكا و العفشه ايه الى محتاج يتغير او يتصلح و خلى الصالون الرش اخر حاجه
حبعتلك على الخاص رقم تلفون ورشه فيصل ...
علبه الدركسيون حتلاقيها فى الحرفين .... فى هنا موضوع فيه كل عناوين و ارقام تلفونات محلات بيع قطع الغيار الجديد و المستعمل http://www.nilemotors.net/Nile/103347-a.html
السلام عليكم,
يا جماعة انا عندى بروتون جين 2 موديل 2008 و حاليا حاسس انى راكب توك توك مش عربية من ثلاثة اسابيع عربيتى كانت عاملة 24 ألف كيلو روحت من توكيل الصحراوى أغير المقص الطولى الخلفى يمين (فخدة يمين) فوجئت بالتوكيل المحترم يخبرونى ان التيل الخلفى يحتاج إلى تغيير و تكلفته 340 على ما اتذكر و وافقت من غلبى , لقيتهم بعد كدة بينادوا عليا و يقولولى يا أستاذ فلان الطنابير (الديسكات ) عايزة تتغير تبع الضمان , قلت و ماله , قالولى انت خرجت برة الضمان علشان مش بتعمل الصيانة دوريا عندنا , اتخانقت معاهم و وصلنا لحل انى اعمل صيانة العشرين ألف (تغيير زيت و فيلتر و بوجيهات) ب 800 جنيه مقابل انى ادخل فى الضمان , وافقت , يعنى غيرت الفخدة اللى ورا و التيل الخلفى و الطنابير ( لاحظ كدة الطقم الخلفى كله اتغير) و قلت العربية حتبقى فل و حلال عليهم ال2500 اللى لهفوهم , بعد أربع أيام ماشى بالعربية لقيتها لما بدوس على الفرامل بتعمل صوت قطار ( افتكرت الصوت جاى من الأتوبيس الماشى جمبى , بعد كدة اكتشفت الحقيقة المرة إن الصوت جاى من عندى انا , صوت حقير يحسسك انك فعلا راكب ترماى توك توك قول للصبح , الفكرة يا جماعة ان الصوت دا ما ظهرش إلا لما سمعت كلام التوكيل و غيرولى التيل القديم الأصلى الجميل اللى كان ما بيصفرش, و بعد كذا مرة روحت التوكيل و قالولى حنغير التيل , بردو الصوت مبيروحش , و كل ما اروح الاقى اصوات جديدة فى العربية , دا مش صوت الصفارة اللى الناس بتتكلم عليه فى التيل , دا صوت ضخم زى صوت القطر , أرجو منكم يا أهل الخبرة تقولولى ايه السبب قبل ما اتجنن
لسلام عليكم يا عرب
انا معايا جين 2006
المشكله في الفرامل بتنزل لحد الاخر لحد ماسمع حكه جامده من تحت الدواسه نفسها انا بحسها تحت رجلي
رحت لمركز صيانه قالولي سيرفر عمومي
جيبته ب 600 جنيه
:( و برده زي ماهي
با جماعة انا عايز اشتري جين 2 موديل 2011 اوتوماتيك و قلقان بصراحة من كلام الناس علي العربية
ممكن تفيدوني بارائكم مع العلم اني معايا 94000 جنيه ومش لاقي احسن من الجين 2
متابع وجاهز للرد على ملاك الويرا
فينك يا مهاب باشا ؟؟؟؟؟
[gdwl] [/gdwl]
السلام عليكم
متزعلش نفسك قوي ده طبيعي في الجنتو إنك تسمع أصوات غريبة
بس عموما بالنسبة للموضوع بتاعك إنت لازم تتأكد الصوت ده من أي تيل الأمامي ولا الخلفي
إزاي ؟؟؟؟
بكل بساطة إمشي على سرعة 40 مثلا وإسحب الهاد بريك أول تكة أو تاني تكة بالكتير لو معت الصفارة يبقى الصفارة ده من التيل الخلفي فعلا
وإذا مسمعتش إذا الصفارة ده من التيل الأمامي وده إلي أنا برجحو
وسواء كان العيب من الأمامي أو الخلفي فملهاش حل إلا إنك تغير التيل بتيل أفضل
بس خلي بالك بعد كده التيل الخلفي بيعيش أكتر من 24000 ك أنا عندي لسة مغيرتوش وأنا عامل 29000ك
عذرا أنا لا أعلم انة موقوف و أنا جديد بالمنتديات عموما
و أريد أن أعلم كيفية المشاركة
شكرا جزيلا
الموضوع جميل بس للأسف أنا مش لاقى ناس كتيره مشاركه تفتكروا ليه
عامة أنا هشارك بمشكلة صغيره فى بيرسونا
صوت تخبيط عالى عند العجلة الخلفية اليسرى
تنزل تشوفه تلاقى زاوية ملحومة فى الشاسيه وشايله خرطوم الفرامل واقعه ولحامها مع الشاسيه. طاقق
تروح لمركز الصيانه المعتمد يربطهالك بقفيز بلاستيك وتبقى مدلدله وجنب علبة الشكمان !!!!!! وشكرا للمركز
تروح البيت وتشتغل انت ووالدك فيها وتثبتها بمسمار محترم وتبعدها عن الشكمان ويبقى حل محترم مخدش اكتر من نص ساعه ولا عزاء لمراكز الصيانه والاستسهال المصرى والكروته
سلام عليكو