سؤال بخصوص الاستيكرز و المرور

**Solom507** · 03-03-2009 07:01 PM

أرجو المساعدة بخصوص الاستيكر الكربون والاسود المط الى ممكن يتعمل على السقف و الكبوت.....هل هو ممنوع..؟
مع العلم ان عربيتى سودا أصلا...كمان فين أحسن و أرخص حد بيعملة (على فكرة أنا عارف إبراهيم فى ش دمشق هو كويس أه بس غالى أوى) عايز المساعدة يارجالة خصوصا في موضوع المرور ربنا يكفينا شرهم....

**yuyu0000yuyu** · 03-03-2009 07:12 PM

الصراحه اى انا اعرفو ان اى حاجه ممنوعه فى اليومين دول وكل حاجه عليه مخلفات عشان يجيبو فلوس هههههههه
بس بدام العربيه سوده اصلا مش هيفرق لو عملته استيكر كاربن واو عملته معتقدش ان فى حد ممكن يوقفك عليه بس على فكره الكمين الى عاوز يتراخم هيتراخم حتى لو كنت واقف ومغطى العربيه او حتى بعت العربي ههههههههههههههه

**MohaMed_Refaat** · 03-03-2009 11:25 PM

طبعا هو ممنوع ولو غلسوا فى كمين حيقوللك ملصقات
بس ممكن علشان العربية سودا مش حيبان اوى وممكن مش يخدوا بالهم .

**magyver** · 04-03-2009 02:14 AM

المشاركة الأصلية كتبت بواسطة mooody2007

طبعا هو ممنوع ولو غلسوا فى كمين حيقوللك ملصقات
بس ممكن علشان العربية سودا مش حيبان اوى وممكن مش يخدوا بالهم .

+111111111

**Haitham10** · 04-03-2009 08:51 AM

اعتقد هتكون غير اي واحد عنده عربيه لون وعليها الوان تانية !!

بمعني اصح انت وحظك وتقول للظابط انه لحمايه دهان العربيه من النقل والكلام دة والعربيه كدة كدة سودا فالموضوع معاك هيبقي سهل بكتير عن اي قصة تانية

ولا ايه ؟

**ابوهاشم** · 05-03-2009 12:13 PM

طيب السؤال بس لما هى العربيه سوداء انت ليه عاوز تعمل ملصقات غامقه مش هتبان بس هتخليك فى قلق من المرور

**samoevil911** · 05-03-2009 05:11 PM

انا اللي اعرفوا ان انا قريبي مدير مرور(......) وسألتوا عن حوار المستريكات والاستيكرز.. قالي أي ملصقات علي العربية مخالفة.. وأي تغيير في الشكل الجوهري مخالفة.. والفيميه مخالفة وقال السبب عشان بيخافوا من اللي بيحصل جوا العربيات(حجج بقى)

بس انا هقولك حاجة .. لو عندك ضهر امشي زي منتا عايز.. بس ياريت لو في الحورات دي يكون الضهر جامد شوي

**n_nabil76** · 11-03-2009 04:24 PM

المشاركة الأصلية كتبت بواسطة samoevil911

بس انا هقولك حاجة .. لو عندك ضهر امشي زي منتا عايز.. بس ياريت لو في الحورات دي يكون الضهر جامد شوي

+99999999999999999999999999

**sasatony** · 11-03-2009 08:18 PM

انا كنت عامل استيكرات ومحدش كان بيكلمني نهائي في اي لجنة
لحد ماكنت في مرة في وسط البلد عند سينما مترو شديت مع الظابط الي هناك راح عاملي مخالفة استيكرات