ان شاء الله قريبا جدا سوف انتهى من النيف الوحيدة فى مصر محرك 2000 سى سى 16 صباب اشعال الكترونى وسوبر تربو تشارجر
وسوف اقوم بوضع صورها بالتفصيل وحكايتها هنا ان شاء الله
ادعولى بالتوفيق ان شاء الله
ان شاء الله قريبا جدا سوف انتهى من النيف الوحيدة فى مصر محرك 2000 سى سى 16 صباب اشعال الكترونى وسوبر تربو تشارجر
وسوف اقوم بوضع صورها بالتفصيل وحكايتها هنا ان شاء الله
ادعولى بالتوفيق ان شاء الله
ربنا يوفقك ان شاء الله
مستني بفارغ الصبر العربية دي و أي عربية تطلع من تحت إيدك :)
بسم الله ما شاء الله
ربنا يوفقك
ييا مسهيل يا باشا مستنين الصور ان شاء الله و تقولنا علي الاختبارات العملتها كمان اذا امكن
مستنين الصور والفديوهاااااات
الحمد لله يا جماعه تم ترخيص السيارة اليوم فى مرور مدينة نصر لمدة 4 أشهر مؤقت لحين ورود الإفراج الجمركى بتاع المحرك المذكور
وأحنا الأن بنركب الأكصدام بالونش بالدرع الأمامى
وكذلك الشكمان ال Bmw
أدعولنا
مش عايز أقولكم انى جبت بيها 140 كيلومتر ساعه على السرعه الخامسة بس على الغرز البطىء
مش عارف لو على العادى هتجيب كام
للمعلوماتية ان فيها 12 غيار 6 العالى و6البطىء
10 غيارات امامية
2 خلفية
انا مش عايز اقولكم كانى راكب دبابه بس بورش
أرجوووووووككككككك تفاصيل أكتر ...
شكلك عامل شغل جامد ...
ربنا يوفقك و يحميهالك يا رب ..
شغل جامد ربنا يخليك
مش جامد اوى
بس عثرت على محرك الفا روميوا 2000 سى سى 16 صباب اشعال الكترونى به سوبر تشارجر
فدبيته فيها
والحمد لله ما اخدش تسقيطة شغل كتير ولا تغييرات كتير غير فى الكهرباء بس
وحطيت له طلمبة بنزين تيوتا كمان
وحطيت تانك اضافى فيها علشان ترتفع سعتها الى 70 لتر بنزين
وقويت العفشة شوية علشا الصحراء
وبس خلاص لحد ما تجهز وتنظف من اثار التعذيب وأصوارهالكم ان شاء الله
في إنتظار الصور
باشا حمد لله على السلامة بقالك كتير مش ظاهر فى المنتدى .بس شكلك راجع بأنجاز .مستنييين التفاصيل على احر من الجمر
سؤال :هو حضرتك كان عندك النيفا دى قبل كدة ولا شاريهااا قريب ؟؟؟؟
شكل التعديلاات دي جباره
وبالاخص موتور الوحش الايطالي
ربنا يوفقك وتورينا الصور الفظيعه
انا بقالى كتير مش ظاهر علشان كنت بأجهز لرالى كاس مصر والحمد لله ربنا وفقنا بالمركز الرابع بالتيجو
ومن الاسبوع اللى جى ان شاء الله هاتشغل عنكم تانى علشان بنحضر لرالى فيونوى اللى جى يوم 17 ابريل فاعزورونى
ان شاء الله اقدر ارفع لكم صور النيفا الوحيدة فى مصر بالتعديلات دى
اشكركم
مستنين يا باشا الصور
ممكن نتعرف بحضرتك بتشتغل ايه بالظبط
يا لهوى انا كانت معايا نيفا بمتورها كانت وحش امال بقى ب المتور دة هتكون عاملة ازاى ؟؟؟؟
مستنى بفارغ الصبر ..
أنا بأشتغل مهندس فى احد مصانع تصنيع السيارات فى مصر
انت فى كلية ايه وقسم ايه
احنا شكلنا فعلا هنتعبك بس حضرتك اللى جبته لنفسك ... :36_1_1[1]:
انا كنت عاوز اعرف الفتيس بتع ايه اصلا ؟ "بعد اذنك طبعا"
الفتيس جاى بالكرونة ولا حضرتك وفقتها ؟
انا فعلا كنت بفكر في تعديل نيفا او لادا , بس طبعا كان هيبقى بحاجات على قدى شوية .
اسف اذا كنت ازعجتك بس فعلا انا متحمس ان فيه حد بيحترم العربية دى ,, علشان هى دى اللى علمتنى السواقة .
المفروض المتور يكون نفس نوع العربية ولا ايةعشان المرور
حضرتك انا طالب فيكليه الهندسة قسم ميكانيكا
و حاولت الصيف اللي فات اتدربفي احد مصانع تجميع السيارات
بس الدكاترة المسؤلين عني رفضوا و قالولي الاحسن اني اتدرب فيمراكز الخدمة
و تدربت في توكيل بيجو الصيف الليفات بس مستفدش اوي زي ما كنت متخيل
فايه راي حضرتك خصوصا انك شغال في المجال العملي
انا مستنيك بفارغ الصبر
انا بحب اللادا مع اننا معانا سيفيك و جيتز بس اللادا برضه ليها قيمتها
أسئلة كتيرة لكن تحت امركم
الفتيس هو فتيس النيفا الجديدة 6 غيار بس فسه 6 غيار كمان بطىء علشان الغرز
الموتور عادى من عائلة فيات وبيترخص عادى
هندسة قسم ميكانيكطا يتدرب فى مصنع سيارات عادى لانه تخصصة لكن الداكترة عندك ليهم راى تانى ما اعرفش ليه
مهندس كهرباء اعتقد صعب فى مصنع سيارات الا اذا كان للمنشأت الكهربائية زى املكينات والخطوط
أحب ابلغكم انها خلاص اتنظفت واتركب لها كل حاجه وان شاء الله بكرة بعد الظهر هاحط صورها بالفاتفوتة ان شاء الله
متشكرجدا على رايك
والف مبروك و بانتظار بفارغ الصبر
طب حضرتك بتشتغل فيمصنع ايه
و هل بيقبل طلاب في التدريب الصيفي
ولا ممنوع
انا مش هأقدر أقول بأشتغل فى مصنع أيه
لأكن ممكن أقول أن احنا بيجى لنا كل صيف أعداد كتير من طلبة هندسة للتدريب
بالنسبة للموتور أصلا مواتير الادا كلها فيات فشىء عادى جدا ان يركب عليها
الصور بقى هى المشكة العربية واقفة اهيه تحت البيت بس مش عارف أنزل أصورها الجو عاصفة رملية مهوله وخاصة انى ساكن فى 6 أكتوبر ما أقولكوش الرؤية تقريبا منعدمه فباعتزر عن الصور اليوم ألا اذا الجو اتحسن والسما امطرت الموضوع ده كله هيهدى وهانزل اصورهالكم ان شالله بالليل ما تقلقوش
اشكركم كلكم
الحمد لله الجو راق شوية ونزلت اخدت لكم كام لقطة لحد ما افضى واانظف العربية كلها والمحرك واوضب فيها شوية وابعت لكم تانى صور بعد التوضيب
http://www.postimage.org/Pq12Q83A.jpg
http://www.postimage.org/Pq12QB_i.jpg
http://www.postimage.org/Pq12R2qS.jpg
http://www.postimage.org/aV_BonS.jpg
http://www.postimage.org/aV_BFQS.jpg
http://www.postimage.org/Pq12R_ii.jpg
http://www.postimage.org/aV_D38S.jpg
http://www.postimage.org/Pq12Tq5r.jpg
http://www.postimage.org/aV_DYw9.jpg
http://www.postimage.org/Pq12UhYA.jpg
http://www.postimage.org/Pq12UEpS.jpg
مش ده نفس موتور الارجنتا الفولمكس ؟
تقريبا بس ده المحرك اللى بيركب على الالفا روميوا اسبيدر
حضرتك عاملها للرالي .. مش كنت ركبت فيها موتور ديزل احسن علشان يديك عزم ؟ :) )131 ديزل مثلاً ؟
لأ انا مش عاملها للرالى
انا عاملها لمزاجى انا علشان تدينى عزم اكبر وانا فى الصحراء
ده هيدينى امكانية اروح جوه الصحراء لاماكن ما اقدرش اوصلها بمحرك ضعيف
بس دى الحكاية
وبصراحة انا ما باحبش محركات الديزل كمان
ما شاء الله ربنا يباركلك فيها
عايز حد من عشاق النيف يساعدنى فى حاجة
عايز اجيب لها باكيتات الجنب العريضة اللى بتنزل على الموديل الجديد
حد يعرف منين وبكام
اشكركم
ايوة حد بينادى انا سامع ناس كتير بتقول نيفا
باكتات الجنب العريضة بتاعت مو 90 ودواير الرفارف موجودة عند حمدى لادا فى فيصل الطقم كامل الاصلى موجود عندة
ممكن اسالك عن السعر؟
أى خدمة يا باشا بصراحة مجهود رائع
ربنا يبارك لك فيها
يا ريت تسألى عن الطقم بدل ما اروح من اكتوبر لهناك اسأل عن السعر
اشكرك