اريد دروس قياده بأجر فى المنصورة

**lordnykon** · 12-03-2009 09:26 PM

مادام فيه ناس حلوة من المنصورة , ايه رايكو نعمل مقابلة لشباب المنصورة ؟؟؟؟
انا كمان من المنصورة و نفسى أتعرف على الناس الحلوة بتوع المنصورة علشان انا عارف ان احنا من اكتر البلاد اللى بتحب العربيات ولا ايه رأيكوا ؟؟؟؟؟؟؟؟؟؟؟؟؟؟؟؟؟؟

**M.Osman** · 12-03-2009 09:43 PM

و الله فكرة ممتازة بس انا عن نفسي مشغول جدا في الدراسة ...

انا شايف ان في الأجازة هيكون الوقت مناسب ... ولا أية ؟

**lordnykon** · 13-03-2009 03:39 PM

يا باشا مش هيحصل حاجة من كام ساعة من غير مذاكرة ,كمان هيبقى اكيد يوم جمعة .
ايه يا شباب ؟ مفيش حد عجبه الفكرة ؟

**M.Osman** · 13-03-2009 04:35 PM

lordnykon

راجع صندوق الرسائل الخاصة :)

**ehabbasha30** · 14-03-2009 10:51 AM

طبعا فكرة ممتازة
بس صعب اوى تلاقى استجابة كبيرة من هنا
حاول تكتب موضوع جديد تحت عنوان مقابلة شباب المنصورة مثلا
ممكن تلاقى استجابة كبيرة جدا من شباب كتير
انا لو كنت شباب زيكم كنت جيت بس انا خلاص كبرت ... داخل على الاربعين اهه

**lordnykon** · 15-03-2009 10:01 AM

المشاركة الأصلية كتبت بواسطة ehabbasha30

طبعا فكرة ممتازة
بس صعب اوى تلاقى استجابة كبيرة من هنا
حاول تكتب موضوع جديد تحت عنوان مقابلة شباب المنصورة مثلا
ممكن تلاقى استجابة كبيرة جدا من شباب كتير
انا لو كنت شباب زيكم كنت جيت بس انا خلاص كبرت ... داخل على الاربعين اهه

يا باشا انت بتكبر نفسك ليه بس ؟ انت لسه شباب برضه ... و كمان اهم حاجة فى المقابلة ان احنا نتعرف على بعض و كمان نعرف الناس المحترمة بتوع المنتدى الرائع ده , يعنى حضور حضرتك مهم جدااااااااااااااااااااا .

**ehabbasha30** · 15-03-2009 10:39 AM

ربنا يخليك متشكر جدا على ذوقك
دة شرف ليا انا انى اتعرف بناس محترمين زيكم.... انا بس كنت بتكلم على ظروف الشغل والبيت يعنى
بس ان شاء الله هحاول اجى طبعا

**hosine_eg** · 15-03-2009 05:53 PM

والله فكره ممتازه وانا اول المشاركين وممكن نعمل رابطه على المنتدى لكل ناس المنصورة اللى عاوز يتعلم السواقه او يشترى عربيه او اكسسوارات او يصلح عربيته نرشحله ناس ثقه من الرابطه يتعامل معاهم ويكون واثق من جوده الخدمه وان فيه امانه وعدم غش وكل اللى هايعجبه الرابطه يبقى منها ويساعد الاعضاء الاخرين وهكذا ايه رايكم

**hosine_eg** · 17-03-2009 12:08 PM

ايه يا جماعه ماحدش عاوز يكون فرد من افراد الرابطه ولا ايه لما بدأ الموضوع فى الجد كله سكت احنا محتاجين مثل هذا النوع من الروابط يعيد الثقه للناس ببعض وبالحياه صدقونى خلينا نجرب

**motasem** · 20-03-2009 04:41 PM

المشاركة الأصلية كتبت بواسطة hosine_eg

انا اخذت اول حصه وبصراحه الراجل ده رائع والسيارة ماشاء الله فوق اللمتازه وافضل من مدارس التعليم مليار مره وبجد كل اللى عاوز يتعلم فى المنصوره الراجل ده رائع ومالوش حل

بالتوفيق ياباشا
وعقبال الرخصة والعربية
ان شاء الله.
بس كنت عاوز اعرف نظام الاتفاق
يعنى القرص كام ساعة؟؟
والمكان اللى بتتعلم فيه فين فى المنصورة؟؟
واكون شاكر جدا.