صيانة تكييف كويس في مصر الجديدة

**abdelmessih67** · 04-03-2009 08:39 AM

الاخوة الافاضل

أمامي حاليا سيارةا معروضة للبيع و انوي فحصها فحص شامل و لكن تكييفها ضعيف بعض الشئ فهل أفحص التكييف في محطة بنزين أم عند فني تكييف ؟؟؟؟؟؟؟؟؟؟؟؟؟؟؟

بالمناسبة انا من سكان مصر الجديدة و كذا الشخص الذي يريد بيع السيارة لي فمن فضلكم مين أحسن واحد أو أحسن بنزينة لعمل فحص التكييف أو التكييف و السيارة في مصر الجديدة ؟؟؟؟؟؟؟؟؟؟

رجاء الافادة

**Samir Elshahawy** · 04-03-2009 09:04 AM

أنا كنت أعرف ورشة متخصصة في تكييفات السيارات في كوبري القبة أسمها "ديافيا مصر" و هما كانوا توكيل تكييفات السيارات الأوبل و السويفت

ممكن تروح هناك , في شارع متفرع من الخليفة المأمون ياقبل أو بعد الكوبري اللي عند جامع جمال عبد الناصر , و موجودين ورا محطة البنزين , معلش أنا بقالي فترة كبيرة ماروحتش هناك بس الوصف ده علي قد ماقدرت

**aYaBooY** · 04-03-2009 11:28 AM

بص المفروض يكون في البنزين الي هاتفحص فيها متخصص تكييف و عموما لو هاتفحص العربية عندك بنزينة موبيل الي ادام جامع رابعة العدوية
و اسمع عن شل بتاعت زاكر حسين انها كويسة و فيه كالتكس طريق المطار بس معندهمش جهاز الموتور عندهم جهاز تاني بتاع العادم و ده ممكن التحايل عليه
و عموما خطوات الكشف اول حاجة بتترفع العربية و بينزل العامل تحتها يبص على اللحامات و البنط بتاعت الفبريكة و المفروض يكون شكلها ثابت زي بعضها و متماثلة على جوانب العربية
و بعد كدة اطلب منه يفرجك و يشرحلك و بعد كدة يبص على القوليم و الدواخل و عندهم جهاز شبه يعرف بيه البوية فبريكة و لا مرشوشة من برا و من جوا
و بعد كدة يقيس الموتور و هنا مربط الفرس فيه بنزينات عندها جهاز قياس العادم وده بيحط حاجة في الشكمان و يكبس و ده طبعا مش مقياس لحالة الموتور المفروض يقيس
الموتور بستم بستم يعني يفك البوجيهات واحد واحد و يقيس بس و بعد كدة لو حالة العربية كويسة و هاتكمل اطلب منه بتاع التكييف يشيك على تكييف العربية و لو محتاجة شحن ممكن يعملهالك و انت واقف
علشان تتاكد
و نصيحة متسترخش في الكشف علشان انا بسبب الاسترخاص في الكشف لبست عربية ابل كدة خسرت بسببها 9000 جنيه في اقل من سنه

**Islam Amer** · 04-03-2009 12:46 PM

المشاركة الأصلية كتبت بواسطة SE_coralsea

أنا كنت أعرف ورشة متخصصة في تكييفات السيارات في كوبري القبة أسمها "ديافيا مصر" و هما كانوا توكيل تكييفات السيارات الأوبل و السويفت

ممكن تروح هناك , في شارع متفرع من الخليفة المأمون ياقبل أو بعد الكوبري اللي عند جامع جمال عبد الناصر , و موجودين ورا محطة البنزين , معلش أنا بقالي فترة كبيرة ماروحتش هناك بس الوصف ده علي قد ماقدرت

كلامه مظبوط 100 في 100 انا ساكن جنب التوكيل ده وعنوانه بظبط لو حبيت تروحوه وهو شارع اسماعيل بيك بجوار محل (الشيشينجي لملابس العسكريه )كوبري القبه

وممكن كمان في مركز محترم في اول جسر السويس اما مصر والسودان بجوار سوبر ماركت المحمل

**abdelmessih67** · 04-03-2009 01:32 PM

كل الشكر للاخوة الافاضل على مساهماتهم

شكرا لكورال سي و اسلام و ايا بوي أنا استفدت جدا من كلامكم

دي على فكرة أول مرة في حياتي اشتري عربية لاني ببساطة ورثت عربية والدي 125 بولندي و هي كانت معانا زيرو منذ عام 1977 و لم نركب غيرها و لكني بعتها من شهرين و منضم للحملة و لما لاقيت الاسعار نزلت قلت اشتري حاجة استعمال حتى عشرة سنوات و عيني على التمبرا و هي التي انوي فحصها غدا و هي نفسها أم تابلوه مكسور و الذي طرحت عنه موضوع منفصل .

أنا لما بعت ال 125 من شهرين كشفت على الموتور بجهاز فك البوجيهات و أداني تسريب البساتم و كان 160 من 170 و ساعتها كان تقرير الموتور جيدا جدا لاني كنت عامل عمرة كاملة و محافظ على الموتور .

بالمناسبة موضوع الفحص شامل كل شئ بيكلف في حدود كام ؟؟؟؟؟؟؟؟؟؟ أنا فاكر الموتور كان ب 44 جنيه فكم تساوي باقي العناصر؟؟؟؟؟؟؟؟؟؟

رجاء الافادة

**aYaBooY** · 04-03-2009 04:14 PM

طيب محطة زاكر حسين كانوا بيوزعوا ورق بيقولو موتور و شاسيه 50 جنيه
و كالتكس طريق المطار الي شربت فيه الاختبار بتاع عربيتي كان 85 شامل كل حاجة
و محطة موبيل بتاعت رابعة المتور عندهم واحد صاحبي عملة كان ب 30 من سنتين بس ممكن مواصفات العربية

**XLANS** · 05-03-2009 08:22 AM

المشاركة الأصلية كتبت بواسطة abdelmessih67

الاخوة الافاضل

أمامي حاليا سيارةا معروضة للبيع و انوي فحصها فحص شامل و لكن تكييفها ضعيف بعض الشئ فهل أفحص التكييف في محطة بنزين أم عند فني تكييف ؟؟؟؟؟؟؟؟؟؟؟؟؟؟؟

بالمناسبة انا من سكان مصر الجديدة و كذا الشخص الذي يريد بيع السيارة لي فمن فضلكم مين أحسن واحد أو أحسن بنزينة لعمل فحص التكييف أو التكييف و السيارة في مصر الجديدة ؟؟؟؟؟؟؟؟؟؟

رجاء الافادة

فيه واحد مشهور أوى فى ميدان الجامع بس مش فاكر فين بالظبط. ممكن تسأل عليه

و عندك على العفريت اللى خلف محطة موبيل شارع الطيران.

وعندك امبراطور التكيفات فى مصر وأرخص واحد وأكتر واحد شفتة عنده ضمير فى الصنايعية

محمد العاقل...فى الحرفيين أخر الشارع اللى قدام سميرعلى ودة أنصحك بيه بس مترحلوش قبل 1 الظهر

المشاركة الأصلية كتبت بواسطة SE_coralsea

أنا كنت أعرف ورشة متخصصة في تكييفات السيارات في كوبري القبة أسمها "ديافيا مصر" و هما كانوا توكيل تكييفات السيارات الأوبل و السويفت

ممكن تروح هناك , في شارع متفرع من الخليفة المأمون ياقبل أو بعد الكوبري اللي عند جامع جمال عبد الناصر , و موجودين ورا محطة البنزين , معلش أنا بقالي فترة كبيرة ماروحتش هناك بس الوصف ده علي قد ماقدرت

شوف ياباشا مركز ديافيا دة من أكبر المراكز اللى معندهمش اى نوع من أنواع الضمير أنا ليا ناس حبايبى هناك بس للأسف زى مابقولك كدة

أول لما ترحلهم هيكشف على التكييف ويقولك عايز يتغير كله.والله زى مابقولك

أنا رحتلهم قبل كدة التكيف كان ضعيف عملوا فيلم وخدوا منى 1000 جنية والتكيف متعملش وعظل خالص ومشتغلش.وقالولى الكمبريسور عايز يتغير وخلونى حبت واحد استيراد ب 500 جنية وركبوه وقالى مش شغال بايز هات واحد جديد.

الراجل اللى اشتريت منه الكمبريسور قالى سيبك منهم دول أكبر حرامية فى مصر ووصفلى محمد العاقل بتاع الحرفيين دة بجد ربنا يباركلوه

لقى الفريون اللى هما حاطينوة بايزمضروب وغير الأبرة بتاعت الكمبريسور و غسلى دورة التكييف والمواسير والسربنتينة بالنتروجين طلعوا بلاوى أنصح الناس كلها تعمل كدة التكيف تسقيعوه هيبقى ثلج وهيرجع جديد وغير الفلتر طبعا

ودفعت فى دة كله 200 جنية أو 180 حاجة زى كدة والتكييف ماشاء الله زى الفل.وطبعا قعدت أدعى على بتوع ديافيا على الفلوس اللى اترمت فى الأرض وعلى العطلة. وعلى فكرة الحوارات بتاعتهم دية حصلت كذا مره مع أصحابى وجيرانى.

المشاركة الأصلية كتبت بواسطة Islam Amer

كلامه مظبوط 100 في 100 انا ساكن جنب التوكيل ده وعنوانه بظبط لو حبيت تروحوه وهو شارع اسماعيل بيك بجوار محل (الشيشينجي لملابس العسكريه )كوبري القبه

وممكن كمان في مركز محترم في اول جسر السويس اما مصر والسودان بجوار سوبر ماركت المحمل

منين بالظبط ياباشا احنا طلعنا جيران

أنا ساكن فى أخر شارع مصطفى كامل اللى بعد الكوبرى على اليمين

**abdelmessih67** · 05-03-2009 08:35 AM

المشاركة الأصلية كتبت بواسطة XLANS

و عندك على العفريت اللى خلف محطة موبيل شارع الطيران.

وعندك امبراطور التكيفات فى مصر وأرخص واحد وأكتر واحد شفتة عنده ضمير فى الصنايعية

محمد العاقل...فى الحرفيين أخر الشارع اللى قدام سميرعلى ودة أنصحك بيه بس مترحلوش قبل 1 الظهر

شكرا يا اكسلانس على المعلومات المفيدة و أدعيلي تكون عربية كويسة

**Samir Elshahawy** · 05-03-2009 10:30 AM

شوف ياباشا مركز ديافيا دة من أكبر المراكز اللى معندهمش اى نوع من أنواع الضمير أنا ليا ناس حبايبى هناك بس للأسف زى مابقولك كدة

أول لما ترحلهم هيكشف على التكييف ويقولك عايز يتغير كله.والله زى مابقولك

أنا رحتلهم قبل كدة التكيف كان ضعيف عملوا فيلم وخدوا منى 1000 جنية والتكيف متعملش وعظل خالص ومشتغلش.وقالولى الكمبريسور عايز يتغير وخلونى حبت واحد استيراد ب 500 جنية وركبوه وقالى مش شغال بايز هات واحد جديد.

الراجل اللى اشتريت منه الكمبريسور قالى سيبك منهم دول أكبر حرامية فى مصر ووصفلى محمد العاقل بتاع الحرفيين دة بجد ربنا يباركلوه

لقى الفريون اللى هما حاطينوة بايزمضروب وغير الأبرة بتاعت الكمبريسور و غسلى دورة التكييف والمواسير والسربنتينة بالنتروجين طلعوا بلاوى أنصح الناس كلها تعمل كدة التكيف تسقيعوه هيبقى ثلج وهيرجع جديد وغير الفلتر طبعا

ودفعت فى دة كله 200 جنية أو 180 حاجة زى كدة والتكييف ماشاء الله زى الفل.وطبعا قعدت أدعى على بتوع ديافيا على الفلوس اللى اترمت فى الأرض وعلى العطلة. وعلى فكرة الحوارات بتاعتهم دية حصلت كذا مره مع أصحابى وجيرانى.

شكرا علي المعلومة , أنا كنت أتعاملت معاهم مرة من حوالي 12 سنة , و بصراحة كانوا كويسين جدا

علشان كده وصفتهم لصاحب الموضوع , حتي أنا ماكنتش فاكر العنوان بتاعهم بالظبط

بس للأسف دي طبيعة أي شئ في مصر يمشي كويس في الأول و بعد كده يبوظ

**Blackyaris** · 05-03-2009 01:00 PM

انا كنت عملت عند المراكبى فى جسر السويس امام فندق السلام جربته ثلاث مرات فى عربيات مختلفه محدش اشتكى منه خالص

الموضوع: صيانة تكييف كويس في مصر الجديدة

LinkBack

أدوات الموضوع

عرض

-

-

-

-

المواضيع المتشابهه

بتاع تكييف كويس و كهربائى كويس فى شبرا

مين بتاع تكييف كويس فى المنصوره ؟؟

مين بتاع تكييف كويس فى الاسكندرية

عايز محل موبيلات كويس في مصر الجديدة او مدينة نصر و يكون سعره كويس

هل تكييف السويفت بيسقع كويس ؟

الكلمات الدلالية لهذا الموضوع

المفضلات

المفضلات

ضوابط المشاركة