الحمد لله اخيرا جبت الميجان

**heema78** · 04-03-2009 06:43 PM

الحمد لله لسه النهاردة مخلص في الميجان 2006 الي كنت سالتكم عنها

بجد علي قد ما انا مبسوط علي اد ما انا كنت متوتر وقلقان لان ديه اول عربية هكون مسئول عنها وعن صيانتها مسئولية كاملة

وطبعا مقارنة بال 128 الي انا كنت بستخدمها كل حاجة مختلفة يعني الواحد اصلا مش عارف فين فاتحة الزيت ولا مش عارف ايه كله مستخبي
الفرق في الحجم والابعاد والامكانيات كبير جدا فزي متقولو كده سايق وانا عندي رهبة جامده مغطية علي الفرحة اللي المفروض اكون فيها

يعني اول مطلعت جبت العربية علي الوضع المانويل بدل ال D فحسيت مع الوقت ان صوت الموتور عالي مش زي ما انا جربته قبل كده وبدات اقلق :)))) وبعدين خدت بالي الحمد لله

ان شاء الله مع الوقت والتعود انا متاكد ان الرهبة هتروح بسرعة لان العربية بجد جميلة

شكرا لكل الناس المحترمة والجدعة الي هنا الي كانت بتجاوب علي كل استفسار واكيد فيه اسئلة كتير هحتاجكم فيها مع الوقت
انتم فعلا كنتم من اهم الاسباب اللي خلتني اقتنع بالميجان

فياريت متبخلوش علي بالدعاء وبالنصيحة

سلام