إختبار قيادة جولف 2 (Golf II Test drive) موديل 1990 1300 cc

بسم الله الرحمن الرحيم

إختبار قيادة جولف 2 (Golf II Test drive) موديل 1990 1300 cc
النوع:ـــــــــــــــــــ� �ـــــــــــ جولف 2
الموديل: ـــــــــــــــــــــــــ 1990
الموتور: ـــــــــــــــــــــــــ 1300 cc
الفتيس: ـــــــــــــــــــــــــ ــ أربع سرعات يدوي
الكماليات: ـــــــــــــــــــــــــ ــ باور وسنتر وزجاج كهرباء

بداية السيارة من الخارج جميلة الشكل متناسقة الحجم
تفتح الأبواب سهلة الفتح والقفل
ندخل الصالون الصالون الداخلي أوسع صالون داخلي لسيارة هاتش باك ركبتها في هذه الفئة تقريبا الكراسي الأمامية مريحة وواسعة وكذلك الكنبة الخلفية واسعة ومريحة والحقيقة هذا أحد أهم الأسباب لشرائي لها (إتساع الصالون)
الشنطة الخلفية صغيرة نوعاً ما لكن مقارب لشنطة ال 128.
الإستبن الصغير عملي وخفيف وصغير الحجم
تركب السيارة وتقعد على كرسي السائق ممتاز مهما كان حجمك تقدم وترجع الكرسي براحتك ولو راسك في السقف في يد في الكرسي تشدها لفوق تلاقي الكرسي وطي من الخلف (تقدر تظبط وضعك مهما كان حجمك :D )
طارة الدركسيون فخمة وجميلة العدادات معقولة التابلوه جميل ومتناسق وتصميمه يعتمد على الزوايا وليس إنسيابي مثل الموديلات الحديثة ولكن معقول والكاسيت مكانه عالي شوية إضاءة التابلوه بتعلى وتوطى من بكرة في التابلوه
تدو العربية تدور من أول مرة وفي الصباح قبل أن تدور دوس بنزين ثلاث مرات ودور والتسخين الآلي هيشتغل أوتوماتيك
دورت العربية إطلع بيها حتى لو لسة بتسخن هي عارفة شغلها
في بداية الطلوع العربية الموتور 1300CC لكن هتلاقيها بتسحب معاك معقول في ال RPM الواطي لكن بعد 3000 RPM السحب بيكون ممتاز وقوي
نقلات العربية طويلة النفس جداً جداً لغاية 6000 RPM لكن القيادة الإقتصادية أنصحك متزودش عن 4000 RPM
صوت الموتور جميل والعزل كويس لكن مع RPM العالي الصوت يعلى بشكل معقول ومقبول
ثبات العربية ممتاز جداً (جنوط أصلية 14 عريضة وكاوتش عريض) وأنا مجرب العربية لغاية 160 مجربتش أكتر من كده
لما السرعة تكون على 140 كأنك ماشي بال 128 على 90 الخلاصة (الثبات ممتاز) (والدتي لما تكون معايا على سفر في 128 وأزود السرعة عن 90 تحس وتقولي هدي السرعة لكن في أول مشوار سفر بالجولف قالتلي هدي وأنا على 140)
المناورة بالعربية ممتازة وتشجعك على الغرز والدركسيون لفاته مرنة لأقصى درجة أثناء المناورة
حجم العربية وأبعادها رغم رحابتها من الداخل إلا أنها سهلة التعامل من الخارج
العربية مريحة في المطبات تحس إنها تقيلة وراسية
إستهلاكها في البنزين داخل المدينة حوالي 180 كيلومتر في الصفيحة وهذا معقول لأنها كربيراتير
البنزين المناسب لها 90 فما فوق لكن تقدر تحط 80 وتوطي الكهربا لتجنب التصفيق (وهذا ما سأفعله لزوم التوفير :D )
الموتور ال 1300 مناسب لها لكن العربية ثقيلة عليه لكن ال 1600 بيخليها روعة في السحب
سعرها يتراوح بين 35 ألف إلى 40 ألف حسب الحالة والكماليات
ونصيحة لمن يريد أن يشتري جولف أن يعلم أنها معشوقة الشباب والشباب مبهدلين أغلبها فلو عايز تشتري واحدة تكشفها عليها بدقة ويستحسن سمكري يشوفها لأنهم بيركبلها إنصاص وغيره
بالنسبة لأسعار قطع الغيار معقولة إلى مرتفعة لكن متوفرة ومعمرة بشدة والقطع المستوردة إستعمال الخارج كتيرة جداً
إلى هنا ينتهى إختبار القيادة
والإختبارات السابقة كانت عن الكابرس وال 128
http://www.nilemotors.net/Forum/viewtopic.php?t=4324
http://www.nilemotors.net/Forum/viewtopic.php?t=4110

وألقاكم في إختبار القيادة القادم إن شاء الله عن البيجو 504 ستيشن موديل 1980

هذا والله أعلم
سبحانك اللهم وبحمدك أشهد أن لا إله إلا أنت أستغفرك وأتوب إليك

________
تم تعديل حجم الخط

مشرف القسم.

الف مبروووووووووووك يا باشا على العربية و شكرا على التقيم الجميل دة

ربنا يباركلك فيها و يحفظها لك من كل سوء

في تصميمات كده بتبقي فلته بمعني انها بتبقي تصمميمات جميله و كل ما بتقدم برضه بتفضل حلوه برضه و الجولف 2 بالذات واحده من العربيات القليله دي

ربنا يبارك فيكم يا جماعة
ربنا يبلغنا رمضان ويعيننا على الصيام والقيام وقراءة القرآن

الف الف الف مبروك يا احمد على العربييه وربنا يباركلك فيها
ليا عندك طلب مهم اوى بالنسبه ليا وعاجل يا ريت ترد عليا فيه بسرعه إنت واى حد يقدر ينصحنى
انا كنت بتكلم على طول على الابيزا والبولو
لكن معروض عليا جولف 2 موديل 94
جميع الكماليات حاله فوق الممتازه
اغلب او قصدى قطع غيارها كان صاحبها بيحبها من المانيا عشان اخوه مقيم هناك
متسقطلها موتور 2800 سى سى
العربيه اوتوماتيك فرش جلد بجد فوق الوصف
جنوط 17 بى بى إس وبيقول إن فاتوره الجنط لوحده 15000 ومعاه طبعا الفاتوره
وكمان بيقول إن معاه فاتوره الموتور ب 25000
طبعا فرش جلد ومركبلها اير باج
وكاسيت سى دى يعنى من الاخر بجد تحفه العربيه فوق الممتازه
يا ترى من رايك إنت او اى حد يقدر ينصحنى تيجب فى السعر كام
طبعا هو قالى على سعر بس عايز اسمع منكم إنتوا الاول وبعدين اقولكم هو قالى كام
او بمعنى اصح اشتريها بكام يعنى اخرها عشان اقول إنى مش اتخميت
ويا ترى اشتريها من اصله ولا لا
ميروك مره تانيه يا احمد
بجد يار يت تنصحونى وبضمير وسامحونى على كلمخ بضمير بس بجد انا مزبزب وتعبان جدا
وبخاف إن يضحك عليا او اتخم
وطبعا ان اخوكم
وطبعا اتمنالكم الخير
كيوبيد

اقتباس:

---

لكن معروض عليا جولف 2 موديل 94

---

جولف 2 اخر موديل منها 1991 و بعد كده جولف 3.

اقتباس:

---

يا ترى من رايك إنت او اى حد يقدر ينصحنى تيجب فى السعر كام

---

باللي عامله كده ما تزيدش باي حال من الاحوالعن 50 الف او 55 الف بالكتير لكن نصيحه ابعد عن العربيه دي علشان مش حتعرف تعمل صيانه ليها و حتتعبك احلي تعب لو بدات تفتح بوقها.

على فكره نسيت اقول إن العربيه اول يد من الزيرو
اشترتها سيده واستعملها ابنها وهو إللى انا هشترى منه
كيوبيد

سورى مره تانيه احمد وسرى للكل هى فعلا جولف 3 لكن كل حاجه قولتها صحيحه
ومطبعا ميرسى ليك حازم على رايك ومشارتكتك بس يا ترى
ليه بتقول إنى مش اشتريها وليه ممكن تفتح بقها بدام العربيه حالتها فوق الممتازه
يا ريت توضح يا حازم
شكرا مره تانيه ومستنى بقيت الردود

طبعا متشكر جدا يا حازم على رايك
بس الظاهر إنى مش ليا نصيب فيها
لعربيه اتباعت إمبارح
ربنا يبارك للى اشتراها
بس اكيد برده هتقفوا جنبى فى اى عربيه تانيه
كيوبيد

اقتباس:

---

المشاركة الأصلية كتبت بواسطة qupid_forever

الف الف الف مبروك يا احمد على العربييه وربنا يباركلك فيها

---

الله يبارك فيك ويرزقك ويرزقني خيراً منها

اقتباس:

---

المشاركة الأصلية كتبت بواسطة qupid_forever

قطع غيارها كان صاحبها بيحبها من المانيا عشان اخوه مقيم هناك

---

عشان أخوه هناك وأكيد برضه عشان قطع غيارها مش متوفرة هنا بسهولة بسبب الموتور المتسقط

اقتباس:

---

المشاركة الأصلية كتبت بواسطة qupid_forever

متسقطلها موتور 2800 سى سى

---

:shock: موتور 2800 CC يا خبر حوت بنزين
ال 1300 CC اللي معايا بتعمل 180 كيلومتر في الصفيحة في أحسن الظروف داخل البلد
فلك أن تتوقع أن يكون الإستهلاك 120 كيلو في الصفيحة (بإختصار الإستهلاك هيكون فظيع)
أنا شايف إن الموتور ده كبير جداً جداً على الجولف بدون داعي (أعلى حاجة معقولة للجولف في نظري 1800 CC وأفضل موتور ليها 1600 CC إقتصادي وأداء جيد جداً)
وأنا عن نفسي بحب أجيب سيارة على أصلها مبحبذش حكاية تسقيط المواتير المختلفة عن الأصلي
وحكاية قطع غيار من ألمانياً تقلقني جداً لأن أظن في مصر مفيش سيارات جولف في مصر كتير 2800 CC وأكيد قطع الغيار هتكون نادرة جداً جداً جداً وغالية طبعاً
ولذلك مسألة الموتور ال 2800 عيب مش ميزة

اقتباس:

---

المشاركة الأصلية كتبت بواسطة qupid_forever

يا ترى من رايك إنت او اى حد يقدر ينصحنى تيجب فى السعر كام طبعا هو قالى على سعر بس عايز اسمع منكم إنتوا الاول وبعدين اقولكم هو قالى كام او بمعنى اصح اشتريها بكام يعنى اخرها عشان اقول إنى مش اتخميت
ويا ترى اشتريها من اصله ولا لا

---

أبدأ بآخر سؤال وأقول أنا لو مكانك لن أشتريها وهذا رأيي (نتيجة لتكلفة البنزين والصيانة العالية جداً)
مسألة تجيب كام معرفش بالضبط لأن السيارة فيها شغل كتير قوي
والجولف 3 موديل 94 سعرها لو 1600 مكيفة بيعدي الخمسين
ومرة شوفت جولف 2 موديل 92 تقريباً (الجولف 2 آخرها 92) متظبطة زي كلامك تقريباً وكان طالب 65 ألف تقريباً

وعلى فكرة حتى لو هو طلب سعر متهاود لا أنصحك بشراء هذه السيارة
إلا لو كنت هذا هو طلبك إنك تركب سيارة موتورها حوت بنزين ولو شديت بيها مع طيارة تسبقها

وبالمقابل عليك أن تتحمل مشقة وغلو صيانتها نتيجة لندرة موتورها
وكذلك إرتفاع أسعار قطع غيار موتورها نتيجة لندرة موتورها
وعليك أن تتحمل مصاريف بنزينها العالية جداً
ولما تيجي تبيعها مش هتلاقي حد يشتريها منك إلا بخسارة كبيرة

لأن اللي بيظبط عربيته بالطريقة دي بتبقى لنفسة فقط ومينتظرش من اللي هيشتريها يقدر التظبيط بتاعه

وممكن تقول إيه اللي مشجعك لهذه السيارة خصوصاً وإيه هو طلبك وإستعدادك في حدود كام
وإحنا نتناقش معاك وبإذن الله نوصل للرأي السديد

وقبل كل شيء لابد من صلاة الإستخارة

اقتباس:

---

ليه بتقول إنى مش اشتريها وليه ممكن تفتح بقها بدام العربيه حالتها فوق الممتازه
يا ريت توضح يا حازم

---

زي ما قال احمد باشا بالضبط .
دا واحد بيجيب قطع الغيار من المانيا تضمن منين انت بقي تجيب قطع غيار الموتور دا.
ابسط حاجه جوان تاكيهات سير كاتينه فلتر هوا ؟؟؟؟؟؟؟؟؟
تعالي بقي للاتقل الاوتوماتيك بتاع الاسبراتير او شاكوش في الاسبراتير؟؟؟ :?
نيجي للاتقل و الاتقل عاوز بستم او سبيكه او كرنك!!!!!
طب حتجيب الحاجات دي منين هيا اكيد موجوده بس نادره جدا جدا اكيد علشان مفيش تاجر حيستورد قطع غيار ل 10 او 15 موتور موجودين في مصر.
دا غير بقي ان اللي عامل الحاجات دي في العربيه عاملها علي دماغه و فاهمها كويس و لو روحت لصنيعي تاني او اي حد حيشتغل فيها اوك لكن مش حيبقي فاهم!!!! و ممكن يعمل شغل اي كلام......
من رايي انك تشوف حاجه علي وضعها فعلا زي ما احمد قالك يعني موتور 1600 او 1800 كويس جدا جدا .
يا راجل انا لقيت موتور للسويفت عندي بتاع ال جي تي آي و سعته 2000 سي سي تخيل موتور زي دا علي السويفت حيعمل فيها ايه و كان تمنه حوالي 2500 و موجود لحد النهارده بس اللي قلقني منه حكايه قطع الغغيار دي

طبعا مش عارف اقولكم إيه يا جماعه بس بجد مش قادر اوصفلكم بجد مدى فرحتى بكلامكم
بصرف النظر عن العربيه بس حاسس إنى بكلم اخواتى بجد
طبعا احمد انا اسف إنى بوظت موضوعك بجد ودى غلطه مش خدت بالى منها غير دلوقتى
وبعتذر مره تانيه
بس انا هعمل موضوع دلوقتى ويا ريت تشاركونى كلامى عشان بجد تعبان جدا من غير عربيه وفى نفس الوقت مش عايز اجيب اى حاجه وبرده مش عايز يدحك عليا
شكرا مره تانيه يا إخواتى
كيوبيد

اولا مبروك يابو حميد الجولف 2 و لو انها متأخرة شوية

ثانيا بخصوص العربية الجولف المعروضة على كيوبيد

دي جولف VR6 ودة في الاساس موتور فولكس فاجن كورادو بيبقى ستة سلندر علش شكل حرف V ضيقة يعني بيبقى البستم بالورب بين البستمين و بيولد 204 حصان على ما اذكر ودة واحد من أقوى مواتير الفولكس فاجن

http://en.wikipedia.org/wiki/VR6_engine

و اعتقد ممكن تلاقيلة قطع غيار في مصر عند فتح الباب بس يسحسن انك تسأل الأول

و انا رأيي ان العربية دي تعدي ال70 الف جنية
بس مافيش عربية تطلع منها و لا حتى BMW M3 و اللي يركب عربية زي دي مايبصش للبنزين
بس هي معمرة جدا في قطع الغيار يعني مش كل يوم يحتاج قطعه غيار و قطع الغيار اللي يحتاجها للصيانة الدورية زي سيور ة فلاتر و جوانات دي حايلاقيها و مقدور عليها بس غالية طبعا