زيت الجير بوكس

**hatem4000** · 05-03-2009 11:13 AM

السلام عليكم معلش يا جماعه انا عندى اسكودا فليشيا المشكله انى لقيت ان محدش عارف الجير بوكس بيتحط فيه زيت اد ايه مره ميكنيكى قال 2 لتر وواحد قال زى ما تاخد وفى بنزينة الامارات قعد يزود لحد ما الزيت طلع من الفتحه فى حد يعرف المفروض الجير بوكس احطله زيت اد ايه

**samirayad** · 05-03-2009 10:40 PM

طالما حطلك زيت كده بالكيلو لحد ماطلع من المقاس فده زيت زياده....ويفضل تظبط المقاس ....وأعتقد حتلاقى فيه زياده حوالى نصف لتر.....

**tmedhat** · 05-03-2009 11:09 PM

زيت الفتيس يتزود لغاية لمل يخرج من الفتحة اللى بيحط منها الزيت
وبعد كدة يقفل الطبة
وكدة بقى تمام مظبوط

**samirayad** · 05-03-2009 11:23 PM

عامة طالما ملى الزيت بالكيلو لحد مافاض منه ....الزياده حتطلع من طبة الفايز مع شغل الفتيس وحيخللى الفتيس يلم تراب ......طالما أنت بتقول كله تمام

**hatem4000** · 06-03-2009 05:16 PM

انا عايز اعرف يعنى هو بيتحطى لحد ما يتملى وخلاص وميسبش فراغ جوه الجير بوكس مش شرط كام لتر

**samirayad** · 06-03-2009 05:32 PM

الحمد لله أهو أنت جاوبت يا أستاذ/ حاتم

_ لازم يكون فيه حيز من الفراغ أعلى الجيربوكس ....يسمح بتمدد الزيت مع السخونه وأرتفاع الضغط وتكون أبخره والتى تخرج من طبة الفايظ العلويه للفتيس ....وكل اللى حيحصل حاليا نتيجة الشغل اللى بالكوم ده.......أن الزيت الزياده عندك حيخرج من طبة الفايظ مع عمل الفتيس وحيلوث المنطقه حول الفتيس بالأتربه اللى حتلتصق على الزيت الخارج من طبة الفايظ على جسم الفتيس............

_ والحل تروح لميكانيكى كويس ينزل جزء من الزيت الزائد (قول ربع لتر طالما مش عارفين السعه بالضبط )....ده لو عاوز تحافظ على نظافة الغرفه ....والخيار لك