يا جماعة انتو اية رايكو فى التجميع بتاع العربية دى ..يعنى انا الصراحة حاسس انها بعد ال 100
بتبقى هيا هيا قبل ال 100 التجميع واحد
دى حاجة غريبة بجد ..(طبعا بعد ال 160 التجميع بيقل بس انا بقول ان السرعة والتجميع تقريبا زى بعض)
ياريت اسمع اراء عموما عن العربية دى:Ob_mak1[1]:
أدعو الله أن لا يجعلك من عاشقى السرعات العاليه........لهدف فى نفس يعقوب..........:Copy of majd(4):
النوبيرا معروفة بقوتها وسرعت تجمعها وثباتها بغض النظر عن عفشتها
انا التجميع عندى بعد ال160 عادى مش تقيل بعد ال180 بيبقى تقيل شوية لكن هى من السهل عليها 200 وال220
ما أنا دعيتلك أهو......ومعنديش أحسن من كده دعوه ليك..........وربنا يستجيب لها يارباقتباس:
اقراه وهتدعيلى
ياربي.... علي مافي نفس يعقوب...اقتباس:
تصدق يا استاذ سمير انى متوقع فعلا انا الكلام دة هيتقالاقتباس:
المشاركة الأصلية كتبت بواسطة samirayad
والسرعات خطر وربنا يهديك ولا يجعلك من هواة السرعات
والله الكلام دة صح بنسبة 100 فى 100 وانا مبحبش اجرى ..انا لما جبت العربية قلت اشوف امكانيتها اية وخلاص ولايت ملاحظات قلت اكتبها
ياريت ياجماعة الموضوع ميتغيرش ويتقلب لنصايح الكل عارفها ..والناس تحسبنى ابن مجنونة ولا حاجة
انا جبان جدا على فكرة:C_laugh[1]:
خلاص سيبنا من دور المشيخه ...وخلينا فى الآراء الاستفتائيه......._ عن نفسى آخر سرعه وصلتلها كانت 140 كم /ساعه ....ومش ناوى أعملها مره ثانيه........ليه_ قبل أن أقيم فى الأسماعيليه حاليا حدث معى موقف وكان الستار موجود....وهو كالآتى......._أثناء قيادتى لسيارتى الأولى من طنطا الى فايد ...وبالضبط على طريق مصر الأسماعيليه الصحراوى وكانت سرعة السياره فى أحد اللحظات وصلت الى 130 كم /ساعه وكان مع ثلاث أصدقاء .._ ومع تناوب الحديث وحدث أن سهوت لجزيىء من المللى ثانيه وأذا بى أجد السياره على حافه منعطف خطير للغايه ...وبفضل الله تمكنت من ألم الدريسكون (أسكترا عاديه مش باور )...والحمد لله أسطعت من ضبط أستقامة عمليه التوجيه....وعدت الأمور على خير........_ من يومها وعاهدت نفسى على عدم السهو مره أخرى أثناء القياده (لأننى حقيقى ساعة اللحظه اللى قولتلك عليها تجمد الدم عندى فى العروق (دمى نشف زى مابيقولوا ).......)**** فما بالــــــــــك لو كــــــانت عمليــــة التـــــــــــــــوجيه آنــــــــــذاك تعتمد على الـــــــــــ Power steering ).......أظن كان يبقى كل سنه وأنت طيب ......يــــــــــــــاراجل يــــــــــاطيب ....على رأى الشحروره صبــــــــــــــــاح.......... :C_laugh[1]:
.....أطمنت دلوقتى أنه دعاء عادى ولا يضمر صاحب هذا القول أى شىء ليك أو لأى أنسان على ظهر البسيطه (مش بيقولوا عليها كده برضوا )اقتباس:
ياربي.... علي مافي نفس يعقوب...
:C_laugh[1]::C_laugh[1]::S_thum1[1]::S_thum1[1]:اقتباس:
المشاركة الأصلية كتبت بواسطة samirayad
:U_thin1[1]::U_thin1[1]::36_1_37[1]::U_thin1[1]::U_thin1[1]:اقتباس:
.....أطمنت دلوقتى أنه دعاء عادى ولا يضمر صاحب هذا القول أى شىء ليك أو لأى أنسان على ظهر البسيطه (مش بيقولوا عليها كده برضوا )
اقتباس:
المشاركة الأصلية كتبت بواسطة Ahmed20_08nubira
No comment........:B4_564:اقتباس:
المشاركة الأصلية كتبت بواسطة Drift_Lover
العربيه لحد 180 بتجمع بسرعه
لكن بعد كده ببطء شديد الا بقه لو بتحرق عليها كتير هتجمع اسرع
قوة فى الاداء - وثبات عالى - وسعر حنين - هى دى النوبيرا فى 3 كلمات
بصراحه النوبيرا عربيه جميله جدا وثابته وجودها لحد دلوقتى وانا كنت هاجبها قبل ما اجيب الانسر بس قولت اطلع على حاجه حلوه بالمره بقى .. بس هى جميله مفيهاش عيوب وموضوع العافشه دى عادى مش وحشه ولا حاجه زى ما الناس بتقول انا كانت معايا نوبيرا بتاعه واحد صحبى لمده سنتين وكانت زى الفل والله ومفيهاش اى مشاكل غير فى الفتيس الاوتوتيك شويه بسيطه
التجميع بتاع التوبيرا كويس على قد الماتور بتاعها وبتطلع على الطريق بتبقى ثابته لحد 140 تقربيا بعدها بتلاقى العربيه كلها بقت خفيفه شويه والسحب كويس لحد 140 وبعدها بتفضل شويه تجمع وتكمل معاك عادى يا باشا
فيه مقولة سمعتها هنا في المنتدي بتقول الكوري بيجري جامد جدااااااااااااااااااااااا ااا بس مفيش الامان :B4_048:
السلام عليكم
على ما اعتقد يا جماعة انكم بتكلموا على حاجة الكل عارفها
سرعة وثبات النوبيرا ومسمعتش حدا قال مشاكل فى النوبيرا خير العفشة وعلى ما اعتقد ان المشكلة مش فيها المشكلة فى شوارعنا الجميلة
اما عن تجربتى فى تجميع العربية وسرعتها تجمعها ممتاز لحد 140 وسحبها كويس جدا وبعد كدة السحب يقل نسبيا لحد ما وصلت 180 على الطريق الدائرى وللاسف اضطريت اهدى علشان كان فى منحتى وكانت زى الفل فى الثبات مع كثرة مطبات الهوا
وبصراحة كنت عايز اجيب اخر العربية والحمد لله تمام لانها كانت بتسحب معايا محستش ان دة اخرها
النوبيرا محترمة جدا وكانت معايا والتجميع بتاعها بعد 100 ممتاز جدا لغاية 190
بس فيه مشكلة كمان في الفرامل بتاع العربيه علي السرعات العاليه بمعني انها مش بتقف علي طول دا اخطر حاحجة في النوبيرا
علشان الطنابير مش اوي دايما مع السرعات العالية ما تفرملش فجاءة الا في الضرورة او تسقط غيارات احسن
:S_thum1[1]::S_thum1[1]::S_thum1[1]:اقتباس:
المشاركة الأصلية كتبت بواسطة mahfouz1983
بعيد عن النصايح : العربيه سحبها حلو جدا جدا بالنسبه لوزن العربيه و HP بتاعها يعني يبفي بنظلمها لو نقارنها مع سحب عربيه الـ HP بتاعها أعلي وعلى قد معلوماتي المتواضعه جدا بالنسبه لأغلب الموجودين موتور النوبيرا 2 كامه علويه وده يعني عزم أكبر على السرعات العاليهاقتباس:
المشاركة الأصلية كتبت بواسطة Ahmed20_08nubira
طيب لو سحبها ماهواش كافي لحضرتك " و محدش يقول بلاش جري لأني بتكلم عن السحب مش الجري و الي ممكن يفرق معانا في مواقف كتير " ممكن تطلع على طرق زيادة السحب سواء عن طريق :
* تغيير البوجيهات + سلوك البوجيهات بإسبليت فاير
* فلتر إسبورت + ماسوره استنلس أو PVC
* تعديل الشكمان
وعلشان مشكلة الفرامل لأنها من السهل تجري بس من السهل توقف وده معروف لأغلبنا فممكن تعمل تعديل للفرامل الخلفيه وتحولها لديسكات
تجميع النوبيرا في الاول و التاني سيء ولكن عند التالت العربيه بتتحول لوحش بغض النظر عن صوت شكمانها المزعج ...يوم الخميس اللي فات جبت بيها 190 على طريق اسكندريه وكان الار بي ام على 5,2 وكان ممكن اعدي ال 200 بسهوله والثبات كان هايل وعالفكره عربيتي اوتوماتيك
ما شاء اللهاقتباس:
المشاركة الأصلية كتبت بواسطة moudy88
مهو عشان اوتوماتك حتلاقى التجميع فى النقلات اللى تحت بيبقى ضعيف شوية... جرب نوبيرا مانيوال
MMamdouh
+1111111111اقتباس:
المشاركة الأصلية كتبت بواسطة MMamdouh
مع احترامي للجميع . . .
عمر الأوتوماتيك ما كان تجميعها في الأول والثاني أضعف من المانيوال ( انا عارف إني حأواجه هجوم ضاري وشديد )
بس معلهش واحده واحده كده وبراحة .
معظم الأوتوماتيك مضبوط على النقلات التالية :
الثاني على سرعة 20كم
الثالث على 40 كم
الرابع على 80 كم
يعني ببساطة نقول: 20 - 40 - 80 (تقريبا )
حلو الكلام ؟
في هذا الوضع لما الأوتوماتيك يجي يشد مع المانيوال طبعا لنفس المواصفات (أو لنفس الفئة أو نوع السيارة ) مع الوضع العادي ممكن المانيوال يعدي من الأوتوماتيك وبأقول ممكن مش أكيد لو سواق المانيوال سواق كويس وبيدي كل نقله سرعتها وبينقل بسرعة (يعني حركة رجله على الدبرياج متزامنة جدا مع نقل الفتيس ومع دواسة البنزين )
لكن لو عدلنا نقلة الأوتوماتيك وأصبحت 30-50-90 ( وممكن أكثر من كده بس علشان صوت الموتور مايبقاش عالي قوي )
تعالى بقة شد مع نفس العربية اللي شديت معاها في الأول قبل التعديل ، بكل ثقة أقولك إنسى إن المانيوال يطلع منك وحتسبقه وانت مرتاح جدا وممكن ماتشوفهوش في المرايا كمان !!
وده عن تجربه ، جرب وشوف
الموضوع ملوش علاقة بموعد النقل او سرعة اداء السائق فى نقل التروس
اى عربية اوتوماتك بيبقى فيها torque converter و دة سبب فقط بعض من عزم الموتور فى الطلعات بتاعت اى عربية اوتوماتك... لاحظ كدة لما تكبس لعربية اوتوماتك من الثبات... لازم تلاقى الRPM سبق شوية عداد السرعة... الظاهرة دى نتيجة ان مفيش اتصال مباشر بين الموتور و الفتيس نتيجة وجود محول العزم
و زى ما سبق و شرحنا... عشان تعمل اى مقارنة بين عنصرين لازم تثبات باقى المتغيرات... يعنى مينفعش تفترض ان اللى راكب الاوتوماتك سواق و اللى راكب المانيوال معندوش فكرة... اعتبر الاتنين سواقين جامدين حتلاقى المانيوال دايما فى المقدمة
MMamdouh
كلام جميل جدا
Torque Converter في الأوتوماتيك بيقابله Clutch Disc اللي هو اسطوانة الدبرياج في المانيوال ولا أعتقد أبدا ان كفاءة اسطوانة الدبرياج في المانيوال أعلى من محول العزم في الأوتوماتيك لنفس السيارة ونفس السائق .
الدليل :
في العربية المانيوال عشق على الأول وخلي العربية تمشي لوحدها من غير ما تدوس بنزين ولا دبرياج (ما تخليهاش تطفي) يعني كأنك معشق على D في الأوتوماتيك ، في هذه اللحظة اكبس لها بنزين حتلاقي نفس نتيجة الأوتوماتيك حتلاقي RPM سبق عداد السرعة ، لأن الطاقة لن تنتقل مباشرة بسرعة الضوء إلى العجل صوت الموتور بيعلى بعدين بيولد طاقة ثم تنتقل هذه الطاقة إلى الكبالن ثم تنتقل بدورها إلى العجل فتتسارع السيارة ، بل على العكس أنا أجد هذه المقارنة لصالح الأوتوماتيك لأن هذا الموضوع يحدث بسرعة فائقة في الأوتوماتيك عند كل نقله ، ويحدث ببطء في المانيوال عند كل نقلة أيضاً ، لأن لاحظ إن سائق المانيوال لازم 1)يشيل رجله من على دواسة البنزين تماما 2)ثم يفصل حركة التسارع عن طريق الضغط على الدبرياج 3)ثم يقوم بنقل الفتيس 4)ثم يوصل حركة الموتور بالفتيس عن طريق رفع رجله من على الدبرياج 5) ثم يغذي عملية التسارع بالضغط على البنزين.
طيب بالله عليك احسب انت الزمن اللي ممكن يعمل فيه أي سواق محترف الـ 5 خطوات السابقة !!!
أقل تقدير ثانيتين للمحترف وأقصى تقدير 5 ثواني للسائق العادي .
طيب الثانيتين دول اللي هو فاصل فيه التسارع تماما حيكون الأوتوماتيك اللي بيعمل الكلام ده في جزء من الثانية ودون أن ترفع رجلك من على البنزين يعنى التسارع شغال ، حيكون وصل إلى أين ؟؟؟
ده بافتراض ان الاثنين حينقلوا عند نفس النسب ولنقل مثلا 30-50-90
يبقى مين حيسبق والمقارنة لصالح من ؟ اترك لك الحكم
للاسف اعتقادك خاطىءاقتباس:
المشاركة الأصلية كتبت بواسطة khalidsdk
محول العزم بيعتمد على توليد ضغط هيدروليكى من دوران طلمبة زى طلمبة الباور و الضعط دة بيحرك عنصر دوار بينقل الحركة الى الفتيس على عكس الاسطوانة و الدسك اللى بتنقل الحركة من خلال احتكاك ميكانيكى و بالتالى الفقد فى الطاقة اكبر بكتير فى محول العزم
تخيل كدة جسم وزنة كيلو محطوط على طربيزة و حاول تحركة بايدك ثم حاول تحركة باسطة اندفاع مية من خرطوم مثلا... طبعا بفرض ان قوة ايدك تساوى قوة الميه المندفعة من الخرطوم... ايدك حتاثر على الجسم بشكل اسرع نتيجة قلة الهدر فى القدرة مقارنة بالمية
لو حصل و الRPM سبق عداد السرعة بنفس الشكل اللى بيحصل فى العربية الاوتوماتك تبقى اسطوانة الدبرياج فى العربية المانيوال مفوتة و بالتالى متعتبرش مقياساقتباس:
الدليل :
في العربية المانيوال عشق على الأول وخلي العربية تمشي لوحدها من غير ما تدوس بنزين ولا دبرياج (ما تخليهاش تطفي) يعني كأنك معشق على D في الأوتوماتيك ، في هذه اللحظة اكبس لها بنزين حتلاقي نفس نتيجة الأوتوماتيك حتلاقي RPM سبق عداد السرعة
لو عربية سليمة و عملت كدة حتلاقى المانيوال فركت فى الاسفلت و طلعت زى النبلة لكن الاوتوماتك الRPM حيعلى بمعدل اكبر من سرعة العربية و بعد كدة الفرق فى المعدل حيقل مع زيادة لفات الموتور لان نقل العزم بيتم بشكل تدريجى
صوت الموتور اصلا مرتبط بالطاقة اللى بيولدها بالتالى مينفعش الموتور يطلع صوت الاول و بعدين تطلع طاقةاقتباس:
لأن الطاقة لن تنتقل مباشرة بسرعة الضوء إلى العجل صوت الموتور بيعلى بعدين بيولد طاقة
الكلام دة ينطبق على المانيوال و الاوتوماتك على حد سواء بالتالى ميفرقش حاجة فى المقارنةاقتباس:
ثم تنتقل هذه الطاقة إلى الكبالن ثم تنتقل بدورها إلى العجل فتتسارع السيارة
العكس هو اللى بيحصل نتيجة فقد الطاقة اللى بيحصل فى محول العزماقتباس:
، بل على العكس أنا أجد هذه المقارنة لصالح الأوتوماتيك لأن هذا الموضوع يحدث بسرعة فائقة في الأوتوماتيك عند كل نقله ، ويحدث ببطء في المانيوال عند كل نقلة أيضاً
الكلام دة ملوش علاقة بطبيعة عمل الدبرياج التقليدى مقارنة بمحول العزماقتباس:
، لأن لاحظ إن سائق المانيوال لازم 1)يشيل رجله من على دواسة البنزين تماما 2)ثم يفصل حركة التسارع عن طريق الضغط على الدبرياج 3)ثم يقوم بنقل الفتيس 4)ثم يوصل حركة الموتور بالفتيس عن طريق رفع رجله من على الدبرياج 5) ثم يغذي عملية التسارع بالضغط على البنزين.
نص ثانية على اقصى تقديراقتباس:
طيب بالله عليك احسب انت الزمن اللي ممكن يعمل فيه أي سواق محترف الـ 5 خطوات السابقة !!!
يا راجل يا طيب.... ثانيتين و خمس ثوانى؟؟؟؟؟؟؟؟؟ :eee::eee::eee:اقتباس:
أقل تقدير ثانيتين للمحترف وأقصى تقدير 5 ثواني للسائق العادي .
دا كدا بنتكلم فى سواق معوق و التانى ايدية و رجلية مقطوعة
شوف الفيديوهات دى و اتفرج النقل بيبقى ازاى فى عربية مانيوال لما تحب تشد
http://www.youtube.com/watch?v=LHxgK9xknqM
http://www.youtube.com/watch?v=w4N-J...eature=related
http://www.youtube.com/watch?v=PygH3...eature=related
و على كلامك دة و على كلام كتالوج اللانوس اللى بيقول ان العربية المانيوال بتجيب من صفر الى 100 فى 12.5 ثانية... يبقى فيه 4 ثوانى من ال 12.5 دول نقل بين الاول للتانى و التانى للتالت... اذا نظريا لو كلامك صح العربية الاوتوماتك المفروض تجيب من صفر الى 100 فى اقل من 8.5 ثانية... صح؟؟؟
المفاجئة الكبيرة ان العربية الاوتوماتك بتجيب من صفر الى 100 فى 15 ثانية... فسرلى انت بقى دة حصل ازاى؟؟؟؟؟؟؟؟؟؟؟
الازمنة اللى بتقول عليها دى غير منطقية بالمرة.... و انك مازلت بتفترض ان اللى راكب العربية المانيوال مبيعرفش يسوق... اعتقد دلوقتى انت شوفت العربيات المانيوال بتتساق ازاى فى الفيدوهات بالتالى اللى بتقولة دة مينفعش خالصاقتباس:
طيب الثانيتين دول اللي هو فاصل فيه التسارع تماما حيكون الأوتوماتيك اللي بيعمل الكلام ده في جزء من الثانية ودون أن ترفع رجلك من على البنزين يعنى التسارع شغال ، حيكون وصل إلى أين ؟؟؟
و حفترض معاك ان الفتيس الاوتوماتك له الافضلية فى زمن النقل بين السرعات... بس طبعا مش بالفرق الوهمى اللى بتقول علية دة... لاحظت ان معظم العربيات الاوتوماتك بتبقى نقلاتها 4 فقط مقابل 5 للمانيوال؟؟
اذا معنى كدة ان الفتيس الاوتوماتك نسبة اطول بالتالى التسارع بتاعة حيبقى اقل و دة حيدى ميزة للعربية المانيوال فى التسارع من صفر الى 100... و بما ان التسارع اللى بنتكلم فية بياخد حوالى 12 ثانية... يبقى انهى عنصر له تاثير اكبر؟؟ العنصر اللى بياخد نص ثانية ولا العنصر اللى بياثر على ال12 ثانية؟؟
MMamdouh
كلامك رائع ، وأسلوب نقاشك ممتع ، ولكن . . .
أنا حآخذ بكلامك إن زمن النقلة يستغرق نصف ثانية مش ثانية ولا اثنين ، أوكيه ماشي
ممكن تضرب النصف ثانية دي في 5 نقلات حتعطيك 2.5 ثانية ( ده للسواق المحترف اللي حينقل في نصف ثانية )
في تقديرك 2.5 دول مش فرق كافي لتفوق الأوتوماتيك (مع التسليم أيضا بكلامك ان عزمه أقل من المانيوال) ؟
دي حاجة ، الحاجة الثانية :
في أشياء نظريا وعلى الورق صح 100% لكن تعالى طبقها عملي مع ظروف البيئة والتشغيل وعوامل التأثير الأخرى بتلاقي النتيجة مختلفة .
وهنا الاختلاف في وجهات النظر انت بتتكلم نظريا ، وأنا بأتكلم عمليا والتجربة خير برهان :
عربيتين زي بعض واحده مانيوال والثانية أوتوماتيك مع تعديل نسب النقل في الأوتوماتيك إلى :40-70-100 تقريبا
انا مش حأكم الآن ممكن نجرب ونشوف ومش مسافة طويلة ده في حدود 300 متر مثلا فقط .
وانا راضي بالنتيجة دون تعليق أو تحليل لأني مجربها من قبل
اعلى سرعة جربتها 140 ومكنش فى مشاكل مجربتش اكتر ومكنتش انا اللى سايقة كمان
ربنا يخليك... مهو دة الهدف من وجودنا على المنتدىاقتباس:
المشاركة الأصلية كتبت بواسطة khalidsdk
ما انا وريتك انة مش كلامى و جبتلك دليل عملى... و الزمن دة بتاع سائق عادى كمان... لو سائق سباقات محترف حيقل عن كدة كمان... انا قلت نصف ثانية على اقصى تقديراقتباس:
أنا حآخذ بكلامك إن زمن النقلة يستغرق نصف ثانية مش ثانية ولا اثنين ، أوكيه ماشي
هما اربع نقلات فقط لان النقل من وضع المور الى الاول لا يحتسب ضمن زمن التسارع... كدة كدة العربية واقفة... بالاضافة انى بعيد تانى ان النص ثانية زمن السائق العادى... حاول تحسب زمن النقل فى الفيدوهات اللى حطتهالك حتلاقى اصلا زمن النقل اسرع من انك تبداء و توقف الستوب ووتش بتاعتكاقتباس:
ممكن تضرب النصف ثانية دي في 5 نقلات حتعطيك 2.5 ثانية ( ده للسواق المحترف اللي حينقل في نصف ثانية )
نرجع تانى و نقول ان النص ثانية اقصى تقدير و ان النقلات 4 مش خمسة بالتالى اللى بنتكلم فيه بالكتير ثانية واحدة بالاجمال... و طالما دخلنا النقل للخامس يبقى نقفل العداد... راجع كتالوج اللانوس حتلاقى المانيوال تسارعها لل100 فى 12.5 ثانية و اخرها 172 كيلو و الاوتوماتك تسارعها من صفر الى 100 فى 15 ثانية و اخرها كيلو 161 بالتالى المانيوال حتتفوق على الاوتوماتك فى التسارع و الرعة القصوىاقتباس:
في تقديرك 2.5 دول مش فرق كافي لتفوق الأوتوماتيك (مع التسليم أيضا بكلامك ان عزمه أقل من المانيوال) ؟
النظرية هى الاساس فى التطبيق العملى... و لو الكلام العملى اختلف عن النظرى يبقى فيه خطاء فى التطبيق او فيه متغيرات جديدة مكنتش موجودة قبل كدةاقتباس:
دي حاجة ، الحاجة الثانية :
في أشياء نظريا وعلى الورق صح 100% لكن تعالى طبقها عملي مع ظروف البيئة والتشغيل وعوامل التأثير الأخرى بتلاقي النتيجة مختلفة .
انا جبتالك فيديو لناس بتنقل بالفعل فى لزمنة اقل بكتير جدا من ال5 ثوانى اللى ذكرتهم... كمان جايب ازمنة التسارع و السرعة القصوى من الكتالوج... يمكن كلامى نظرى بس انا جايب الادلة العملية على صحة الكلام دةاقتباس:
وهنا الاختلاف في وجهات النظر انت بتتكلم نظريا ، وأنا بأتكلم عمليا والتجربة خير برهان :
انا معنديش اى مانع... هات عربية لانوس اوتوماتك و حدد الزمان و المكان اللى يعجبك و انا على اتم استعداد انى اثبتلك كلامى بشكل عملىاقتباس:
عربيتين زي بعض واحده مانيوال والثانية أوتوماتيك مع تعديل نسب النقل في الأوتوماتيك إلى :40-70-100 تقريبا
انا مش حأكم الآن ممكن نجرب ونشوف ومش مسافة طويلة ده في حدود 300 متر مثلا فقط .
مع احترامى الشديد لو انت مجرب مع الناس اللى بتنقل فى 5 ثوانى يبقى انت جربت مع ناس غير مؤهلة لاجراء الاختبار دة على الاطلاقاقتباس:
وانا راضي بالنتيجة دون تعليق أو تحليل لأني مجربها من قبل
MMamdouh
الموضوع يا أستاذ محمد مش عند ولا تحدي ، على العكس تماما
أنا عايز أوضح فكرة معينة (وجهة نظر) إن الأوتوماتيك مش بالسوء ولا بالضعف اللي معظم الناس متخيلاه ومقتنعه به ، يا راجل انا بأقابل ناس تحلف إن عمرها ما تركب أوتوماتيك لو ببلاش ، وواحد تاني قال سمع من ابن خالته إن جوز أخت جاره في السكن القديم كان ابن عمه عنده عربيه مش أوتوماتيك لا هيدروماتيك والفتيس ما قعدش معاه أكثر من سنة ؟؟!!!!
بكل واقعية أنا بقالي 13 سنة ما بأسوقش غير أوتوماتيك كابريس - كريسيدا - نوبيرا - ليجانزا ، ولم أواجه أي مشكلة على الاطلاق طالما إنك بتغير زيت الفتيس والفلتر في المواعيد المحددة (من 15000-20000كم على الأكثر ) ، الأداء أكثر من رائع - العزم ممتاز ، ومش ممكن حأركب مانيوال على الاطلاق .
انا كنت من سنه تقريبا عند منصور شيفورليه في ش الطيران بأتفرج على الأوبل البائع أخبرني إنها بتنزل دلوقتي أوتوماتيك كتجهيزات أساسية (ستاندر) ومافيش مانيوال (العهدة على البائع) يبقى الألمان بجلالة قدرهم ولهم ما لهم من باع في عالم السيارات لغوا المانيوال من حساباتهم ، نيجي نقول إن الأوتوماتيك ضعيف ووحش وكله عيوب !!!
التقنية الحديثة في الأوتوماتيك للسيارات 2009-2010 تجعل من الأوتوماتيك متعة حقيقية في القيادة وفي القوة والأداء نظرا لتعديل Gear Ratio وتحسينه عن الأول بكثير وأيضا لتعديل زمن النقل سواء في Kickup أو الـ Kickdown وإضافة زرار الـPower للفتيس ودمجه بالمانيوال في الـ TipTronic ....الخ ، الاتجاه الحديث كله الآن للأوتوماتيك والشغل كله والأبحاث والتحديث والمستقبل للأوتوماتيك .
الشاهد في الحديث إن الناس تغير فكرتها القديمة البالية وغير الصحيحة والمغلوطة عن مشاكل الأوتوماتيك التي تحدث إما لسوء الاستخدام أو سوء الصيانة أو سوء وجهل في الاصلاح ....الخ
ومع ذلك إثبات وجهة نظري (مش حأقول تحدي) قائمة ومستعد أثبتها مع أي عربية أخرى مانيوال تكون مماثلة لعربيتي علشان المقارنة تكون عادلة ، ونشوف الأوتوماتيك ممكن يعمل ايه لو متزبط صح وبيتساق صح بغض النظر عن سائق المانيوال محترف أو معوق أو لسه بيتعلم .
واختلاف وجهات النظر لا يفسد للود قضية .
ويحيا الأوتوماتيك
انا معاك تماما و صدقنى لو الموضوع قلب عند او تحدى انا مش حكمل فيه اطلاقااقتباس:
المشاركة الأصلية كتبت بواسطة khalidsdk
احنا كدة بنتكلم فى نقطتين مختلفتين... كلامك بيناقش التطور اللى حصل فى التكنولوجيا الفتيس الاوتوماتك و تلافى العيوب القديمة و تحسين اداء الفتيس عشان يبقى زى ما بيقولوا user friendlyاقتباس:
أنا عايز أوضح فكرة معينة (وجهة نظر) إن الأوتوماتيك مش بالسوء ولا بالضعف اللي معظم الناس متخيلاه ومقتنعه به ، يا راجل انا بأقابل ناس تحلف إن عمرها ما تركب أوتوماتيك لو ببلاش ، وواحد تاني قال سمع من ابن خالته إن جوز أخت جاره في السكن القديم كان ابن عمه عنده عربيه مش أوتوماتيك لا هيدروماتيك والفتيس ما قعدش معاه أكثر من سنة ؟؟!!!!
بكل واقعية أنا بقالي 13 سنة ما بأسوقش غير أوتوماتيك كابريس - كريسيدا - نوبيرا - ليجانزا ، ولم أواجه أي مشكلة على الاطلاق طالما إنك بتغير زيت الفتيس والفلتر في المواعيد المحددة (من 15000-20000كم على الأكثر ) ، الأداء أكثر من رائع - العزم ممتاز ، ومش ممكن حأركب مانيوال على الاطلاق .
انا لم اتطرق للنقطة دى خالص... انا كنت بتكلم عن مقارنة اداء الفتيس المانيوال مقارنة بالاوتوماتك و الميزة اللى بيتفوق فيها المانيوال على الاوتوماتك نظرا لاختلاف طريقة نقل الحركة من الموتور الى الفتيس بين النوعين
انا مقولتش انة وحش و كله عيوب... انا قولت ان المانيوال يتفوق علية فى نقتة الهدر فى العزم نتيجة وجود محول العزم... دة لا يعنى ان الاوتماتك "وحش" و المانيوال "حلو" انما يعنى ان المانيوال يتفوق على الاوتوماتك فى نقطة معينةاقتباس:
انا كنت من سنه تقريبا عند منصور شيفورليه في ش الطيران بأتفرج على الأوبل البائع أخبرني إنها بتنزل دلوقتي أوتوماتيك كتجهيزات أساسية (ستاندر) ومافيش مانيوال (العهدة على البائع) يبقى الألمان بجلالة قدرهم ولهم ما لهم من باع في عالم السيارات لغوا المانيوال من حساباتهم ، نيجي نقول إن الأوتوماتيك ضعيف ووحش وكله عيوب !!!
كلام عظيم ولا جدال فيه اطلاقااقتباس:
التقنية الحديثة في الأوتوماتيك للسيارات 2009-2010 تجعل من الأوتوماتيك متعة حقيقية في القيادة وفي القوة والأداء نظرا لتعديل Gear Ratio وتحسينه عن الأول بكثير وأيضا لتعديل زمن النقل سواء في Kickup أو الـ Kickdown وإضافة زرار الـPower للفتيس ودمجه بالمانيوال في الـ TipTronic ....الخ ، الاتجاه الحديث كله الآن للأوتوماتيك والشغل كله والأبحاث والتحديث والمستقبل للأوتوماتيك .
مازلت على وفاق معاك فى وجهة النظراقتباس:
الشاهد في الحديث إن الناس تغير فكرتها القديمة البالية وغير الصحيحة والمغلوطة عن مشاكل الأوتوماتيك التي تحدث إما لسوء الاستخدام أو سوء الصيانة أو سوء وجهل في الاصلاح ....الخ
و انا معاك... قوللى مواصفات عربيتك ايه... و حتى من غير سباق او جرى حنشوف عربيتك زمن تسارعها من صفر الى 100 فى قد ايه و نقارنة بزمن النسخة المانيوال من نفس العربية من واقع كتالوج السيارةاقتباس:
ومع ذلك إثبات وجهة نظري (مش حأقول تحدي) قائمة ومستعد أثبتها مع أي عربية أخرى مانيوال تكون مماثلة لعربيتي علشان المقارنة تكون عادلة ، ونشوف الأوتوماتيك ممكن يعمل ايه لو متزبط صح وبيتساق صح بغض النظر عن سائق المانيوال محترف أو معوق أو لسه بيتعلم .
ما اتوقعة هو تفوق المانيوال فى الزمن التسارع و دة ناتج عن هدر العزم اللى بيحصل فى محول العزم بتاع الفتيس الاوتوماتك و دة اللى انا موجة تركيزى علية بغض النظر عن تكنولوجيا الفتيس نفسة
طبعا يا باشا و انا سعيد جدا بالحوار الراقى بيننااقتباس:
واختلاف وجهات النظر لا يفسد للود قضية .
على فكرة دى مش اول مرة ادخل فى حوار مع حد فى قصة المانيوال و الاوتوماتك... و افتكر انى فى الاخر كتبت قصة افتراضية صغيرة بين 3 اشخاص معاهم نفس العربية بس واحد فتيسة مانيوال وواحد فتيسة اوتوماتك وواحد فتيسة CVT... التلاتة اتقابلوا و عملوا سباق و روحوا بيتهم.... و كتبت ايه اللى حصل فى السباق و السبب و ايه اللى حصل و هما مروحين بيتهم و السبب
المشكلة انى مش فاكر لا عنوان الموضوع ولا فى اى قسم عملتة... انا ححاول ادور علية و ابعتلك القصة دى اكيد حتعجبك جدا
يحيا المانيوال برضة :biggrin:اقتباس:
ويحيا الأوتوماتيك
MMamdouh