الموضوع: ماهو افضل نوع Tablet pc (لا خاب من استشار)

السلام عليكم
(لا خاب من استشار)

انا محتاج مساعدتكم العاجلة فى موضوع

افضل نوع تابلت

لان الموضوع يخص

بأن الكلية البحرية هتسلمنا تابلت توشيبا . وهدفع تقريبا 223 دولار فى الترم قول يعنى 1225ج على 8 ترم هيبقى سعره على جدا مقارنتا بامكانياته الشلل.

هقول امكانياته بالتقريب انا فاكرها .

التوشيبا اللى هنستلمه مواصفاته

البروسسور 2 كورت ديو
الرام 2 جيجا فقط
كارت الشاشة منه فيه 64
cd dvd
بلوتوث
واير لس
بصمة صباع
كاميرا (استك منه فيه)
هارد 160 جيجا بس

اللى انا اصلا عندى هاردين 160 وهارد 80 ومش مكفينى

محتاج مساعدتك

فى ناس زملائى

اشتروا hb
طبعا ماركة غنية عن التعريف
وشكله شيك جدا وجميل جدا.

واحد اشتراه من كارفور ب 7000ج
وواحد تانى اشتراه من القاهرة ب 6500ج

وانا نزلت سألت عندنا فى الزقازيق

سعره 6350ج

اية رأيكم فى اختيار hb تابلت وفيه ميزة غير الكتابلة بالقلم . فيه تتعامل بصباعك على الشاشة (تاتش يعنى)

شوروا عليا اجيب اية وسعر كام ومنين .
وياسلام لو فى مكان للتقسيط يبقى عملتوا اعلى واجب.

ولو حد يعرف اجيب منين وسعر يكون ارخص من كدة
وياريت تقولولى على اماكن الشراء تفصيل

وياريت لو حد عارف امكانيات التابلت hb يكتبها وشاكر جدا



اسف على الصداع دة

المشاركة الأصلية كتبت بواسطة AshTurbo

بص .. أول حاجة لازم تعرف أنت عاوز تجيب لابتوب ليه هل علشان شغلك مثلاً محتاج جرافيكس عالي أو فيه تصميمات كتير يبقى تجيب جهاز كارت الشاشة فيه عالي وبروسيسور عالي ودة في الغالب مكلف شوية .. أما لو محتاج اللابتوب لأعمال مكتبية بسيطة وتظبيط مواعيد ومتابعة أعمالك بيه يبقى هات واحد عادي بكارت شاشة عادي وبروسيسور صغير ومساحة تخزين بسيطة وشكله يكون شيك ودة بيكون سعرة طبعاً أرخص بكتير أما لو محتاج الجهاز عشان ترويش ومزيكا وأنترنت وتشغيل في العربية وتشغيل في الكافيه وتشغيل ألعاب وأفلام يبقى هات جهاز حجم الهارد فيه كبير عشان ياخد ميديا كتير وكمان تكون الرامات عالية ويكون شكله شيك وأمكانيات الصوت والصورة عاليين زي السماعات تكون أنقي وأقوى وشاشة العرض أنقى وأكبر .
==============

بشكل عام معظم الشركات بتنزل أجهزة لابتوب تلبي رغبات جميع الشرائح من المستهلكين بمعنى أنك ممكن في ماركة زي أتش بي تلاقي جهاز فيه كارت شاشة عالى جداً ورامات عالية وفي نفس الوقت تلاقي نفس الجهاز بنفس الشكل ونفس الكماليات بس كارت الشاشة فيه ضعيف ومساحة الهارد كبيرة وطبعاً السعر بيكون أقل من التاني .

في عندك أكتر من ماركة تختار منها لابتوب وأفضلهم توشيبا و سوني فايو (ودة سعره غالي حبتين) وفي ماكينتوش أبل (ودة غالي) وفي أتش بي وفي كمان ديل وفي آيسر وبعد كدة في عندك فوجيتسو سيمنس وفي أسوس ودول أكثر أعتمادية وتكنولجيتهم مصممة لتحمل الأستخدامات الشاقة زي الفوجيتسو مثلاً مصممة الجهاز بحيث لو وقع منك وأتدغدغ مليون حتة الداتا اللي عليه تفضل سليمة لأنهم عاملين حماية للهارد قوية جداً وأخدين بيها برآة أختراع دة على سبيل المثال لا الحصر .
==============

بالنسبة ليا توشيبا تجمع بين السعر الممتاز والأمكانيات الكتير والجودة العالية بالأضافة لخدمة ما بعد البيع الممتازة وطبعاً عندك توكيل العربي ودة توكيل محترم وسمعته معروفة للجميع وطبعاً ودة الأهم توشيبا تقريبا الوحيدة اللي بتدي ضمان سنة قابلة للتمديد لثلاث سنوات يعني كدة كدة هتاخد ضمان سنة ولو عاوز تمدد بتدفع حوالي 300 جنيه تقريباً .

نصيحة قبل ما تشتري جهاز لابتوب حاول تجيب جهاز مايكونش كارت الشاشة فيه بيلت إن عشان دي بتبقى تدبيسة ومبتقدرش تغيره تاني بعكس ما تجيب كارت بيلت أوت ممكن أي وقت تغير فيه كارت الشاشة حسب رغبتك وحسب كاشك طبعاً .

أستخدم المعلومات دي بذكاء وهتقدر تجيب جهاز مناسب لأحتياجاتك ومناسب لمحفظتك .

شكرا ياجميل على مجهودك فى افادتك
بس ليه سؤال
الجهاز توشيبا اللى هنستلمه من الكليه
تابلت عشان المحاضرات وكدة
مع ان زملائى فى الترمات ال2 وال 3 قالولى ولا هتستخدمه ولا حاجة .
دى سبوبة بيعملوها عشان يلموا فلوس
الجهاز اللى هنستلمه لاقيت سعرة فى الورقة كاش8200ج
فعشان كدة انا بفكر اجيب اتش بى افضل واكثر سعة واشيك