لانسر 1300 موديل 2007 وسير الكاتينة اتقطع

**tmedhat** · 06-03-2009 10:34 PM

صح ووارد جدا
كل تعليقاتك تؤدى لانقطاع السير
و يا ريت الناس تستفيد من اخطاء الغير
الحمد لله غيرنا طقم الصبابات و عملنا فريزة للقواعد و رودية للوش كامل
و دورنا العربية و بقت تمام التمام و صاحبها انبسط جدا و دعالنا
عشان رجعناهالة لاصلها
و طبعا هو حرم خلاص من نسيان الزيت

**samirayad** · 06-03-2009 10:41 PM

الحمد لله وربنا يعوض عليه.............

**tmedhat** · 07-03-2009 06:58 PM

بشكر بشدة كل الناس اللى دخلت و ردت عليا و اتمنى انى اكون افدت اكبر عدد ممكن من الزوار
ودايما ححط لكم المشاكل لكل العربيات الجديدة اللى بقابلها للافادة

**mahmoudzaied** · 07-03-2009 07:08 PM

يعنى هوا كان حاطط زيت 10000 كيلو
ونسى يغيرو
طيب كويس انك قلتلى
طيب صحيح المكنة مخفتش منو يعنى مطلعتش دخان ابيض من ورا؟
دا العربية مفيهاش زيت اصلا ولا ايه فهمنى

**aratux** · 07-03-2009 07:37 PM

طب ممكن لو ينفع إن حضرتك تظبط الصورة المحطوطة علشان تبين عليها الأجزاء المختلفة؟؟
أنا مبتدىء ميكانيكا

**samirayad** · 07-03-2009 07:59 PM

يعنى هوا كان حاطط زيت 10000 كيلو
ونسى يغيرو
طيب كويس انك قلتلى
طيب صحيح المكنة مخفتش منو يعنى مطلعتش دخان ابيض من ورا؟
دا العربية مفيهاش زيت اصلا ولا ايه فهمنى

هى المكنه مخفتش ولا حاجه......ضغط الزيت اللى كان ضعيف بسبب حدوث أنسداد جزئى فى مصفة الزيت (اللى تحت الطلمبه بالكرتير )........علشان كده الزيت اللى كان بيطلع لعمود الكامه كان ضعيف......وعلشان كده قفش عمود الكامه (بسبب قلة التزييت )............وطبعا أكيد الترس بتاعه بقه متوقف عن الحركه (والسير بيلف مع الكرنك......راح حالق أسنان السير وبقه السير عباره عن شريط ساده بدون أسنان )........على فكره ده توقعى للسيناريو اللى حصل.........ومش حيخرج عن كده (يعنى السير منقطعش ....لا دا بقه شريط كاوتش بدون أسنان.....والصبابات شغاله الله ينور وحصل المراد )..............أسألنى أنا (أتلطيت من الموضوع ده قبل كده وعارف الليله كويس قوى )...........خبره ياعنى

**mada121977** · 07-03-2009 08:31 PM

شكرا لكل الردود الجميله ... الواحد استفاد جداا من الموضوع ده .. وفعلا اهم حاجه ان الواحد يبقى ايده فى عربيته ويتابع الصيانه الوقائيه اول باول

**mrghost** · 07-03-2009 11:29 PM

ممكن من انقطاع سير الدينامو ويكون لف عليه (حصلت معايا)
وممكن من الزيت او الجاز الناتج من غسيل الموتور

**tmedhat** · 08-03-2009 12:38 AM

الزيت ما خلصش من العربية لكن الترسبات الكربونية زادت عن اللزوم
و تحولت من الصورة السائلة داخل الزيت الى صورة متحجرة يعنى بدات تتكون اجزاء من الكربونشكا القصاقيص الورقية الصغيرة و ما شية مع الزيت الطبيعى انها تترسب داخل فلتر الزيت وتسدة
وممكن كمان تترسب على مصفاة طلمبة الزيت و تسدها هى كمان
يعنى الزيت اصبح مخنوق داخل المحرك
وطبعا اخر مشوار الزيت هى الكامات العلوية
كامة الشكمان قفشت فتوقفت عن الدوران و فى نفس الوقت المحرك شغال
فدة ادى الى ان سنون سير الكاتينة اتنحلت خلاص
ونطت و اتقطعت وطبعا فى ثوانى العربية بطلت والصبابات اتعوجت
للاسف انا معنديش غير الصورة دى لكن ممكن لو جالى لانسر تانى عاوج صبابات
حبقى اصورة بوضوح اكتر
للعلم
ومشكورين زيا رتكم جميعا