المشاركة الأصلية كتبت بواسطة tutankhamoun
حضرتك بتدخل تقول كلام ملوش أي علاقة بالموضوع نهائي في كذا مداخلة عن الجين 2
و لعلم حضرتك فرامل الجين 2 ( السيارة المجهولة الكوخة ) بوش ألماني !!!
و نوعية الفرامل ليس لها علاقة بماركة السيارة لأنك ممكن تركب عدة أنواع من تيل الفرامل و مش مرتبط بنوعية وحيدة .
ياريت ندخل نقول كلام مرتبط بحل مشكلة السائل بدل الكلام اللي يهبط المعنويات .
و أحنا يا سيدي مبسوطين بالعربية البلاسيتك المعتمدة على الشكل فقط اللي معانا ... ده حتى أنا لسة فاكر أمبارح .... العربية دخل فيها شوية هوا فككوها من بعضها و الأكصدام بقى في حتة و الرفارف في حتة ... أصل العربية مجهولة المصدر ... ربنا يبعدها عنك ..... و الناس كتر خيرهم في الشارع لمولي أجزاء العربية و لصقناها تاني بصمغ من عند عم عبدة البقال .
صحيح هي البروتون بيبيعوها في أنجلترا و أستراليا برضه علشان شكلها حلو بس !!!!
سؤال تاني ...
مش المنتدى ده معمول علشان لو واحد عنده مشكلة معينة في عربيته يدخل و يناقشها مع الأعضاء علشان يحاول يوصل لحل .
و سؤال تاني .... ليه حضرتك مش بتدخل تقول الكلام ده لما بيكون في مشكلة في عربية تويوتا و لا عربية سوباورا و لا حتى بي إم دبليو ( شوفت تلات عربيات BMW في التوكيل عايزين مواتير و كلهم معدوش 10 الاف كم !!!! )
و لا هو حلال على الشركات العالمية تعمل غلطات
و حرام على بروتون الشركة النامية التعبانة على حد وصفك ... و نمسكلهم العصايا !!!!
--------------------------
بالنسبة لمشكلة الأخت ميرامار
طبعا نوعية التيل اللي هما ركبوها في التوكيل يبدوا أنها سيئة و علشان كدا بتصفر و الصفارة دي مش هاتنتهي لأن برضه فيما يبدوا ناس كتير جربوا تيل التوكيل و طلع بيصفر . فما مش عارف أقول أيه في الموضوع ده .
بالنسبة لمشكلة البيرسونا
طبعا هي ممكن تكون مش مشكلة لو قرأتك والدك معتمدة على حسابات كمبيوتر السيارة فقط .
الحلول ممكن تكون كما يلي :
1 منظف رشاشات ( منظف رشاشات و ليس دورة وقود ) بيتم وضعه على تانك البنزين قبل التفويل .
2 التأكد من الضغط السليم للاطارات لأن لو الضغط مش مظبوط بيخلي العربية تسحب بنزين ( لو الضغط قليل )
3 قيادة السيارة لمسافة لا تقل عن 100 كم بعد اعادة ظبط كمبيوتر السيارة و بعد أنتهاء 100 كم ... يتم تفويل السيارة مرة أخرى من نفس المحطة و يفضل من نفس ماكينة التزويد .و مقارنة الكمية مع عدد الكيلومترات المستهلكة
طبعا زي ما الزملاء الأفاضل ذكروا قبلي أن لو أغلب السواقة داخل البلد و زحمة كتير و أشارات كتيرة بيكون الأستهلاك عالي شوية ما بين 200 إلى 220 كم لكل 20 لتر بنزين
لو على طرق مفتوحة يجب أن يكون الأستهلاك عند 250 إلى 320 كم حسب السرعات و تحميل السيارة بالأوزان عموما .
ياريت وصف دقيق لطريقة قيادة السيد الوالد و أماكن قيادة السيارة حتى نستطيع أن نفهم أين المشكلة إن شاء الله .