استاذى الفاضل , اتمنى انك ماتزعلش
بس عاوز اوضحلك فكره , لما اجى اتكلم عن سلعه معينه اتكلم عليها و انا عندى خلفيه عنها و اقول هى وحشه فى ايه و حلوه فى ايه , و مش حقول المفروض انى امتلك السلعه علاشان اقيمها .
بس حضرتك قولت كلام فى حاجات مش صحيحه .
" دى نتيجة طبيعية لفرق الخامات وجودتها مابين منتج معروف ومنتج جديد وشركة عالمية وشركة عادية نامية معتمدة على الشكل بس "
مش مختلف مع حضرتك ان فى فرق فى الخامات بينها بين عربيات من شركات عالميه اخرى .
بس لما نيجى نقارن اكيد حنقارن من نفس الفئه مش حقارن بروتون مثلا بال BMW اكيد لا .
بس لو قولنا الانسر او الاوبترا او السيراتو او الصنى ... ايه عوامل الامان المتوفره فيهم و ايه الكماليات و سعرها كام ؟
و هل الموديلات ديه " تعتبر هى المقياس كمقارنه بالشركات العالميه " كل الموديلات ديه فيها مشاكل و عيوب تصنيع و برده خامتها الداخليه مش بالمستوى الجيد جدا .. تعتبر عاديه .و اسعارها اغلى من بروتون !!
ايه العربيه الى من ماركه عالميه و بخامات داخليه ممتازه و فيها كل الكماليات ديه و عوامل الامان بسعر 85 الف جنيه ؟ ( مافيش ) .
" واسعار سياراتها غالى جدا بالمقارنة بالشركات العالمية المعروفة "
اسعار سيارتها غالى جدا بالمقارنه مع انهى نوع من السيارات ؟ لو قولنا شيفورليه كوريا و ميتسوبيشى و نيسان ف بروتون كسعر اقل منهم .
هل حنقارنها مثلا بالسيارات الصينى مجهوله الهاويه " عديم الامان ! " :-) اكيد لا .
بروتون فى فئه سعريه ممتازه و بكماليات و عوامل امان مش موجوده فى اى عربيه فى فئتها + ان ليها اختبارات تصادم و بتتباع فى اوروبا ؟ يعنى مهياش شركه بتجمع عربيات تحت بير السلم مثلا " انا حتكلم على عربيتى ( موتور ميتسوبيشى , شاسيه مصنوع بالتعاون مع فولفو و ميتسوبيشى , نظام تعليق من تصميم لوتس و تصنيع KYB اليابانيه , و التصميم الداخلى متصمم فى المانيا ) . ده معناه انها مش شركه بتسترخص و زى ما فيها سلبيات , ليها ايجابيات .
"" و انا عارف وانا بشتريها ان فيها عيوب و ليها مميزات "" مع ذلك اشتريتها و كان قدامى اختيارات تانيه .
------------------------
* بروتون بتمتلك لوتس و استعانو بيهم فى تصميم اجهزه االتعليق فى سياراتها .
" بروتون دايما بتكون اثبت السيارات فى فئتها " و ده حتلاقيه فى الوايرا و الواجا و الجين2 .
----------------------
دى مشكلتنا احنا اللى بنشترى المنتج دة ونرجع نشتكى"
ربنا معاك"
يمكن هى ديه اكتر جمله استفزت الناس و استفزتنى , هو انا لو جبت عربيه و واجهنى مشكله مش بحاول اتواصل مع ناس يكون قابلو نفس المشكله او عندهم نفس العربيه و يقدرو يفدونى ؟
ايه المشكله " حتى لو اخطأت الاختيار " انى اقول عندى مشكله " و ارجع اشتكى " اهو على الاقل الى يجى يشترى يشوف كل الاراء .
و بعدين ما فى ناس شارين نفس العربيه و مشتكوش منها مع العلم انهم كانو راكبين عربيات من ماركات محترمه .
الجمله ديه فكرتنى ب احد الاعضاء كان دخل على الموضوع الى عامله عن ارتفاع اسعار قطع الغيار فى التوكيل و كان كاتب الشكوى لغير الله مزله " على اساس انى بشتكى لمين مثلا ؟ ده كان تحذير للناس ان قطع الغيار غاليه " مع العلم انى مش مضطر اكتب الكلام ده , ولا مضطر اسأل على اسعار او اقارن مابين اسعار و اسعار و اوجع دماغى " بس لما بعرض تفاصيل مشكله على الناس ممكن اكون بحذرهم و فى نفس الوقت لو حد عنده معلومه يقولها وكلنا نستفيد بيها " و فعلا ده الى حصل " .
عموما اتمنى ان حضرتك ماتزعلش الموضوع كله وجهات نظر و كل واحد و ليه وجهة نظره .
تحياتى لحضرتك
http://www.nilemotors.net/Nile/images/icons/icon7.gif