_ البطاريه فى البدايه بتدى شحنه كهربيه لتشغيل المارش فبتنقص شحنتها شويه.....
_ لما المكنه بدور البطاريه بتخرج بره الموضوع والدينامو بيشغل الكنترول وكل حاجه.....ويادوب بيدى البطاريه الشويه الكهرباء اللى أتخدوا منها للمارش فى البدايه......
_ فيه جوه الدينامو (منظم جهد كهربى) اللى الصنايعيه بيقولوا عليه الكتاوت بتاع الدينامو.....المفروض الكتاوت ده بعد ما البطاريه تأخد الشويه الجهد الكهربى اللى أتاخدوا منها فى أثناء البدايه لتدوير المارش (المفروض الكتاوت يفصل الشحن عن البطاريه والا حتروح البطاريه وتنشف لو سايله أو تضرب لو جافه ).......فعلشان كده قولتلك أطمن أن الدينامو بيفصل الشحن عن البطاريه بعد ما تأخد حاجتها اللى أتخدت للمارش فى البدايه (واللى شككنى لما أنت قولت أن البطاريه الأولانيه أتحمصت ).....وربنا يستر ويكون شكى مش مظبوط ( ومعلش لازم أكون أمين معاك لو أنا شكيت فى حاجه )