عايز اعيط - زور الردياتير اتكسر

**tananybasha** · 06-03-2009 11:34 PM

و انا النهاردة بعمل حاجة فى العربية الخرطوم اللى جاى من الموتور على الناحية الشمال رايح للريداتير اتكسر منى
و معرفتش اعمل حاجة غير انى زقيت الخرطوم للأخر و ارط علية لغاية ما منع بس انا مش مطمن
البتاع البلاستيك ده يعمل كام وعندى خراط حبيبى قوى قللى اعملهولهك زى الفل و يتكلف كلام اهبل
بس عايز ارائكم برضوا

**فادى محمد** · 07-03-2009 12:03 AM

معلش يا باشا . قدر الله وماشاء فعل . انا رايي تغير الفبره كلها علي بعض لو الرادياتير بتاعك Gm الاصلي . هي بتتباع لوحدها ومش غاليه وتركبها عند بتاع الرادياتيرات . اما لو مش الاصلي حنجتهد في الحلول بدل ما نجيب واحد تاني ولون الحراره في الصيف تفك اي لحام .وربنا يوفقك

**tananybasha** · 07-03-2009 12:07 AM

هو الردياتير الأصلى بتاع جى ام انا سألت بالتليفون سمعت رقم مرعب 350 جنيه
ليييييييييييييييييييييييي ييييييييييييييييييييييييي ييييييييييييييه الخراط هياخد منى 35 جنيه اول عن اخر
بيقولوا عشان دى قليله و انا سألت فى كذا حته قالولى خد الردياتير كامل احسن
اعمل ايه الله يخرب بيت بتوع قطع الغيار

**فادى محمد** · 07-03-2009 12:15 AM

زي ما قلتلك الفبره بتتباع لوحدها (جديده) عند بتوع قطع الغيار . اعمل الشغل الاحسن لانك كده او كده حتفك الاكصدام وشغلانه كبيره

**tananybasha** · 07-03-2009 12:18 AM

الأكصدام ماله بالردياتير يا باشا
اعتقد مالوش اى علاقة و فكة بيكون من جوه العربية

**فادى محمد** · 07-03-2009 12:24 AM

انا عملت الموضوع ده من شهرين . وفكيت الاكصدام علشان الرادياتير يطلع . حتجرب وحتشوف . اما الياباني والكوري فبيطلع بسهوله راسيا من غير دوشه

**tananybasha** · 07-03-2009 12:44 AM

انا معايا فيكترا 1995 ايه فور مش فيكترا بى و عندى انا جربت اطلعة و كانت العملية سالكة لولا الوقت متأخر

**tananybasha** · 07-03-2009 11:02 PM

بصوا النهاردة مش يومى خالص و طلع عين امى
خارج الصبح فى امان الله لقيت عربية مريحة عليا و مش عاملة حاجة غير شوية خدوش بسيطة طنشت و رايح الشغل
و انا ماشى سامع صوت فسسسسسسسسسسسسسسسسس و الحرارة بتعلى
الاقى ايه سربنتينة التكييف مخرومة و الزور عمال يجيب مايه و حاجة زى الفل
رحت لبتاع الردياتيرات بتاعى و طلعنا الردياتير و خدته للخراط ( على فكرة دخولة و خروجة غاية فى الهبل و البساطة ) عملى زور ببلاش طيعاً خامة اسمها تيفلون - فك و منفعش - كبرت فى دماغة ازاى يعنى ده يحصل عمل واحدة نحاس بسن قلاووظ - منفعتش فكها - عمل واحدة الومنيوم و عملها ارنديل و لصقها و قللى سيبها تنشف قعدت ساعة جنبة وز بنجرب على خرطوم ضغط عالى و برضة نفست - ازاى و ازاى ده يحصل معاه - عمل واحدة صلب و ساقها بلاستيك عند واحد بتاع فيبر بقت زى الفل - برضة نفست = قفل الورشة و روح بيتهم و حلف ما هو شغال الكلام ده من 12 حتى 5.30 مساءاً
رحت على بتاع الردياتيرات قلتله شوفلى حل قللى حاضر تأمر يا عم محمد انا عارف واحد عندة المانى ب 110 جنيه و مصنعية فك و تركيب و غسيل دورة ماية كله 150 جنية الساعة 6.30 مساءاً
قللى هاروح اجيبها على ما العيال يفكوا الردياتير قلتلة بالمرة سربنتينة الكييف قللى لوخرم فى النص مش هاتنفع - طلع الخرم على الطرف اليمين تحت خالص كانه صدا
خلصت 9 مساءاً و العربية رجعت زى الفل و حطيت ماية معدنية عشان مالقتش ماية ملونة
رحت لبتاع التكييفات قللى نكبس هواء و نشوف هتسرب و لا لأ طلع الشحن بتاعها من تحت العربية و هو كان قافل الورشة و نزلته قللى عدى بكرة الساعة 7 الصبح قلتله حاضر
تتكلف كام يا عم الحاج الشحنة دى قللى 180 جنية شحن بالمصنعية و التجربة و كلام نعناع و هتحتاج زيت فريون للكباس الكيلو بتاعه ب 150 جنية و العربية بتاخد 1/4 كيلو او اكتر شوية قلتله و العيش و الملح قاللى كله على بعضة هاخد 160 جنية - 180 جنية قلت كويس
ايه رأيكم فى اليوم اللذيذ هاهاهاهاهاهاهاهاهاهاهاهها