اظن ان اغلبية الناس رأيها ان المانيوال العادى اداءه احسن من الستبترونيك ,, بس هل يا ترى الستبترونيك اداءه رياضى اكتر من الوتوماتيك فعلا ؟؟ يعنى العربية بتسحب ؟؟
اظن ان اغلبية الناس رأيها ان المانيوال العادى اداءه احسن من الستبترونيك ,, بس هل يا ترى الستبترونيك اداءه رياضى اكتر من الوتوماتيك فعلا ؟؟ يعنى العربية بتسحب ؟؟
والله مش فارقة كتير
من الاخر المانيوال يكسب ومهما حاولوا يعملوا Step Tronic ولا حتى ايه مش هيقدروا يوصلوا لنفس اداء المانيوال
يا magyver ستبترونيك يعنى تقدر تسوق مانيوال لو حبيت وتقدر تسوق اتوماتيك بردو..بمعنى ان الفتيس بيبقى جامع بين الاتنين على حسب رغبتك وانا عربيتى كدة لانسر شارك فيها الاتنين..بيبقى فى رقم 1 و2 و3 دول بيبقو موجودين فنفس العصاية وتنقل عليهم زى المانيول تطلع الاول على 1 وبعدين تاخد سرعتك و بعدين تنقل عى التانى وبعد كدة تنقل على التالت تيجى للرابع تقوم ناقل على d وبكدة تبقى مشيت مانيوال اما بقى لو عاوز تمشى اتوماتيك فاكيد انت عارف بتحط على الd وبس وتنقل هى لوحدها ..دى ببساطة شديدة معنى ستبترونيك مانيوال واتوماتيك فتوقيت واحد.
الايزيترونك الى حد ما مقارب للمانيوال لكن الاستبترونك بعيد عنهم
والاحسن من المانيوال والايزيترونك ال DSG بتاع فولكس
واللى عايز يعرف الفرق بين الكلام ده كله يشوف الموضوع ده
ايه الفرق بين الإيزيترونك والتيبترونك ؟؟
بس الاوتوماتك العادى فيه 1 و 2 و 3 ومش ده الاستبترونك
الاستبترونك بيبقى فيه M
لو جبت العصايه عليه بعد ككده ممكن تزود وتقلل النقله انك تجيب العصايه سنة يمين او شمال وفى نوع تانى تجيبه فوق او تحت
لكن 1 و 2 و 3 دول اوتوماتك عادى ومش انت اللى متحكم فى وقت النقله
انت بتتحكم انها تجيب اخر النقله اللى انت واقف عليها
لكن الاستبرتونك فى اى وقت ممكن تقلل او تزود نقله
يعنى هل التبترونيك بيسحب ؟؟
على فكره يا جماعه في برضو فتيسات ستيب ترونك انت مش بتتحكم في وقت النقله 100%
عشان في انواع فتيسات ستيب برضو لما بتيجي على الخط الاحمر بتنقل لوحدها
وبرضو لما بتهدي جامد بتنقل على النقله الاقل لوحدها
وفي عربيات مفيهاش الكلام ده هو متروك للشركه المصنعه
مفيش اي فتيس في العالم اداؤه زي المانيوال
بس في انواع فتيس بدات توصل للاداء القريب جدا منه
زي الاوبل ايزي ترونك واودي dsg والتويوتا mmt
دول بيتبنوا في الاساس على فكره المانيوال بس الكمبيوتر هو الي بينقل
وبرضو فيهم روح المانيوال من النتش والاحساس بالنقلات
اعتقد كل الفتيس بيبقى ليه تحكم من الكمبيوتر عشان لو المستخدم نسى او سائق العبط مش يدمر الفتيس ولا الموتور
يعنى اى فتيس حتى لو جايبه على وضعيه المانيوال هينقل لوحده لو انت حرقت اوى عليه او قللت السرعه جدا عن اللى مسموح بيها بالنسبة للنقله اللى انت عليها
ال DSG المفروض تعدى المانيوال لو النقله فعلا كانت متوقعه
بينقل فى 8 ميلى ثانية
هاتلى اى حد يعرف ينقل بالسرعه دى مهما كان مانيوال
انا معايا أوكتافيا فيها Tiptronic و طبعا الفتيس DSG مكون من 6 سرعات أماميه بصراحه أنا مش باستخدمه خالص لأن من ناحيه السحب أنا من راى ان الD او S افضل كتير والM باستخدمه مع الغرز فقط او لما أكون مش عاوز العربيه تدى نقله أعلى
وطبعا المانيوال مانيوال
خلاصة الكلام ان سحب الستيبترونيك هوة هوة سحب الاوتوماتيك العادى بس الفرق انك فى الستيبترونيك بتبقى متحكم فى النقلة الى حد ما يعنى بتقول للفتيس دلوقتى انقل او دلوقتى نزل
انا عندى فى الهيونداى الفتيس مش ستيبترونيك بس انا ساعات بستخدمة زى الستيبترونيك عن طريق الغيارات 1 و 2 و 3 و دول زيهم زى ال + - فى الستيبترونيك
معاك حق طبعا في الكلام ده
وفعلا لما بشوف تسارعه في النت مفيش وقت للنقله بيتلاحظ
بس برضو في عربيات الفتيس فيها متروك امره للسواق
الي قريته في موقع عربيات مثلاا السوناتا لما بتهدي الكمبيوتر مش بينقل للنقله الاقل وده بغرض تركه للسواق وشيء مدروس من الشركه بس لو وصلت للخط الاحمر تنقل لوحدها
الازيرا مش بتنقل خالص على المانيوال الا عن طريق السواق وبرضو شيء مدروس من الشركه بغرض تخلي السواق يستمتع بالاداء الرياضي على مزاجه
بس يا جماعة انا لما جيت اشتريت العربية الفنى اللى شرحلى امكانيات العربية وقالى على كل كبيرة وصغيرة فيها قالى العربية ستيبترونيك ويومها سالتة يعنى اية قالى يعنى تقدر تسوق العربية مانيوال واوتوماتيك فوقت واحد وتقدر تتحكم فالنقلات زى مانت عاوز من خلال 1 و2 و3 لكن اظاهر ان الراجل طلع بيفتى من عندة ولا اية :120146b
مبدئيا بس الناس مختلط عليها بين ال DSG والستيب ترونيك
يختلفو فى الاداء تماما والفتيس ال دى اس جى غالى جدا وغير متوافر فى مصر الا فى العربيات العاليه قوى ونادرا كمان لانه رياضى بحت وحتى فى العربيات السبورت بيكون اختيارى مش اساسى وده لأنه يعتبر من اسرع نواقل الحركه فى العالم حاليا بس طبعا فى منه نسخ كتير جدا الاسرع منها بتستخدمه فيرارى وبينقل بين كل سرعه وسرعه فى 100 ملى ثانيه
وده الفرق بين المانيوال العادى وال DSG فى نفس العربيه فى برنامج فيفث جير
http://www.youtube.com/watch?v=LROqVLz4z8M
وده فيديو تانى بيوضح فرق التسارع بينهم
http://www.youtube.com/watch?v=gmMNRQ1GJ3o
تجربتى من الستيب ترونيك كانت فى بيجو 307
ممل تماما وزيه زى ما تكون دايس على اخر دواسه البنزين وانت على ال s بينقل برده قبل منطقه الخطر حتى لو انت منقلتش ولما بتهدى هو بينزل الغيار لوحده كل ما فى الموضوع انك بتحرك العصايه قدام وورا وبصراحه مبحسش فيه بأى متعه
طب احسن عربيه ف الاوتوماتيك تحت 150000 ايه؟؟
يديك احساس واداء المانيوال وراحه الاوتوماتيك
ولكم جزيل الشكر
الكورولا Mmt أو تزود لـ 155000 وتجيب أوبل فكترا ايزي ترونك
الجيتا والجولف وبيتلز والايوس المفروض نازل منهم فئة بالفتيس ال DSG
مش بينزل فى الموديلات العالية فقط
نازل كمان بره فى الاودى A3
والسيات توليدو وليون واسكودا و
ثانيا الDSG بينقل فى 8 ملى ثانيه يبقى ازاى بتاع فيرارى بينقل فى 100؟؟؟؟
وطبعا عيوبه
- مكلف جدا فى الانتاج
- تقيل فى الوزن
- لو النقله غير متوقعه بياخد وقت كبير بيصل ل 400 ملى ثانيه
http://en.wikipedia.org/wiki/Direct-Shift_Gearbox
مش متفقين علي حااجة وااحدة لية
انا مش بحب غير الفتيس المانيوال بس
لأن الاتوماتيك لو خرب العربية بتكلبش في الارض و لازم حاجة تيجي تقطرها
تقصد إنه لو علق و العربية مش راضية تمشى مش هتعرف تخليها على Neutral علشان تجيبها على جنب أو تدفعها باليد ؟؟؟؟
لو ده قصدك فده غير صحيح بالنسبة للأجيال الحالية من الفيتيسات ال Step-Tronic
شفته فى ال A5 و الميجان...
فى طريقة بتفك الوش اللى فى قاعدة عضاية الفتيس و فى طريقة إنك تجيب العصاية على N
من حيث ايه؟
بالنسبة للفتيس التجارى
كاداء فى التسارع
- DSG
- مانيوال
- ايزى ترونك او MMT
- استبترونك او تبترونك او اوتوماتك عادى
كراحه
- DSG او اوتوماتك العادى او استبترونك
- ايزيترونك او MMT
- مانيوال
مين قال كده؟
اى فتيس ممكن تجيبه على N عادى
والايزيترونك والMMT بيتجر عادى
الاوتوماتك العادى ممكن يتجر بس بلاش لمسافات طويله عشان الفتيس مش يبوظ
لكن مفيش تعشيق ورمى والعربيه تدور الا فى المانيوال العادى
انا مجربتش غير Mmt علشان معايا الكرولا الجديدة وكان معايا قبلها لانسر 1600 اتوماتيك
ما شاء الله اداء الفتيس Mmt رائع وخصوصاً اما تتعود عليه سواء مانيوال اة E او Es
لا يا فندم الجيتا والايوس والعربيات دى كلها مبينزلش فيها ال DSG فى مصر على حد علمى
بينزل برا اختيارى بمبلغ مكلف جدا ممكن سعر العربيه يكون 14 الف استرلينى والفتيس لوحده ب الف جنيه استرلينى زياده
حتى الجولف جى تى اى والليون كوبرا والاودى S3 مش دايما بيكون اساسى فيها
ومعلومه ان الفتيس بينقل فى 8 ملى ثانيه دى خطأ تماما اسرع فتيس فى عربيه تجاريه حاليا بينقل فى 100 ملى ثانيه فى فيرارى 599 واسرعهم فى عربيات معدله موجود فى فيرارى f430 scudria وبينقل فى 60 ملى ثانيه اما موضوع 8 ملى ثانيه دى فمستحيل تلاقيه فى عربيه عاديه لازم تكون عربيه سباق سواء فورميلا 1 او DTm او ايا كانت اذا كان الرقم ده موجود بالفعل
على العموم انا اقصد اقول بس ان مش كل ال DSG زى بعضه فى السرعه والاداء حتى لو فى عربيات بتنقل السرعات فى الوقت الرهيب ده فمش هيكون الكلام ده متوفر فى الانزو زى الجولف
والله يا باشا مش انا اللى عامل الفتيس فمش هقدر اقولك انا صح ولا انت صح
انا كل معلوماتى عنه جايبها من على المواقع اللى الى حد ما موثوق فيها
لو انت متأكد من معلوماتك قولنا مصدرها
عشان لكنا نستفيد
بس انا شوفت صوره لعربيه جيتا من جوه وكان عصاية الفتيس محفور عليها DSG
بس مش عارف كانت فى مصر ولا لأ
غير كده المعلومات كلها من النت وانا حطيت الموقع اللى جبت منه معلوماتى :S_thum1[1]:
يا جماعة ال-DSG جيربوكس نزل خلص مصر بأالو شوية ،نزل فال-JETTA 1.4 TSI الخليجي وpassat ال-TSI الخليجي بردو ،لكن التوكيل التعبان بتاعVW لسة بيبيع في الفتس العادي، أما عن ال-DSG كإختراع فدة يتكتب في مقالات، باختصار الجيربوكس ده في اتنين ديسك و اتنين عامود يعني اتنين جيربوكس جوا بعض ،عامود عليه الترس 1 و 3 و 5 والعامود التاني عليه الترس 2وي 4 و 6 ،لما تبئة ماشي الترس الأول يروح العامود التاني مجهز الترس التاني فلما تيجي تنقل تروح نطت على العامود التاني ،يروح العامود ال أول يجهزلك ال ترس الثالث و هكذا لحد ال سادس، ف طبعاً بينقل بكل نعومة و سرعة زمان النائلة المثالي 8 ملي ثانية و ده رقم فؤ ال خيال،د غير إن بيوفر في إستهلاك ال بنزين بنسبة 14% عن ال أوتوماتيك. ده بإختصار فكرة ال DSG. طبعاً ده إختراع متسجل بإسم عباقرة VW.
طبعا أفضل لأنه بيديك الميزتين
معلش يا جماعة سؤال , دلوقتي لو فتيس ستيبترونيك 4 سرعات
ايه الفرق بين المانوال بتاعه وبين اني في الفتيس العادي اجيب l ثم 2 ثم 3 ثم d ؟؟
ما هي هي وانا برضه بتحكم في النقلات
مشاركة مكررة
اسمحولى انا كمان ادلو بدلوى يعنى على افتراض انى فاهم فى الجزئيه اللى بتكلم فيها
الناس اللى بتقارن بين الفتيس الستربترونيك او التبترونيك ( مسمين لنفس الشيىء ) قصاد الفتيس الاوتوماتيك
ااقدر اقول لحضرتك ان الفتيسسين من الناحيه الميكانيكيه واااااااحد ومفيش اى اختلاف بينهم فى اى اى حاجه
الفتيس الستيبترونيك ما هوا الا فتيس اوتوماتيك عادى بس متخفى فى شكل واحد تانى
ازاى يعنى؟؟؟؟؟
حضرتك لما بتسوق الفتيس الاوتوماتيك بناء على عده عوامل بتدخل للكنترول منها السرعه والحمل وضغطك على دواه البنزين وعوامل اخرى الكمبيوتر بيحلل كل المدخلات دى ويقرر يخلى الجير الاوتوماتيك على انهى نقله بالظبط ......
الفتيس الستبترونيك بقى جابو نفس الفتيس الاوتوماتيك ده بقى وخلوا فى حاله انك شغلت الفتيس على المود الستيبترونيك انه يقدر يخلى اليوزر المستخدم يعنى هوا اللى يدى اوامر للفتيس ويختار يزود نقله او يسقط نقلى يعنى الاوامر حتروح للفتيس عن طريقك انت مش عن طريق الكمبيوتر ( بس الامر ده ليه حدود يعنى لو دخلت الريدزوون بينقل غصب عنك ومبيعبركش )
اما بخصوص الارقام 1 و 2 و 3 اللى موجوده على الفتيس العادى دى مش معناها النقله التانيه او الاولى او التالته يعنى لو جبت الفتيس على رقم 3 مش معناه كده انك حطيت الجير على الرقم 3 على طوول
لا ده معناه انك سمحت للكنترول ينقل نقلات للفتيس لغايه النقله التالته بس وميقدرش ينقل للرابعه
يعنى حتمشى والفتيس ينقل الاول ثم الثانى ثم الثالث وبعد كده يفضل معلق على الثالث
والامر دواليك لو حطيته على رقم 2 مثلا
ارجوا انها تكون وضحت
^
انت جاي تدلي بدلوك بعد خمس سنين ع الموضوع؟
انا عندى نفسى كان معايا الاتوماتيك العادى فى الاوبترا ومعايا حاليا الاستيبترونيك فى السيراتو وحاسس بفرق جامد لانى لما بحول على الاستبترونيك بقرص على غيار زى ما انا عايز وجبت على الغيار التانى 90