أول مشاركة... وسؤال عن الميتسوبيشي L200 سبورتيرو
السلام عليكم ورحمة الله وبركاته
السادة أعضاء المنتدى الكرام
أولا أنا بحب أهني نفسي على إنضمامي لهذه المجموعة المتميزة من الشخصيات المحترمة المهتمة بكل ما يتعلق بالسيارات.
ثانيا: أحب أهنيكم على المستوى الرائع الذي تتم به إدارة المنتدى ومستوى الإفادة اللي ممكن الواحد يطلع بيه من تصفح الأقسام المختلفة للمنتدى. بجد مبادرة طيبة أهنيكم عليها.
ثالثا: أعرفكم بنفسي - وليس لدي الكثير لأقوله في الواقع - فأنا معيد بجامعة القاهرة وأدرس حاليا بالخارج وعمري 24سنة، وبإذن الله حضور أول إجتماع المنتدى في أقرب إجازة هايكون من الأولويات عشان الواحد يتعرف بالناس الجميلة ديه.
ابعا: نظرا لقلة خبرتي فيما يتعلق بالسيارات - رغم ولعي الشديد بها - فإن أولى مشاركاتي ستكون عبارة عن سؤال فيما يتعلق بالميتسوبيشي l200 سبورتيرو. أنا عارف إنه ممكن يكون سؤال غريب شوية لأن معظم العربيات التي يتم التعريف بها هي في الغالب سيارات ركوب. ولكني وجدت هذه السيارة متميزة ومختلفة وإمكانياتها متميزة جدا مقارنة بسعرها (140 ألف على ما أعتقد). فلو أي من الإخوة الكرام لديه ما يفيد حولها من حيث كفاءتها، تكاليف التشغيل، الصيانة وقطع الغيار، الترخيص، سعر إعادة البيع أرجو ألا يبخل بها.
يا ريت ما أكونش تقلت عليكو في أولي مداخلاتي بس أنا متأكد إن لديكم من رحابة الصدر وكرم الضيافة ما يسمح لي بما هو أكثر من ذلك.
أخوكم/ هشام
لو ممكن المهندس طارق زويل يتكرم بالرد
والله أنا متشكر جدا ليك يا أستاذ شريف ويا أستاذ إسلام على ردكم (على فكرة حلوة قوي ومؤثرة جملة المكان: الحمد لله في مصر يا أستاذ إسلام - فعلا الحمد لله والبلد ديه الواحد معرفش قيمتها على كل علاتها الحالية إلا لما بعد عنها)
من الحاجات الجميلة جدا في المنتدى ده الابتعاد عن استعراض المعلومات وإن العضو لو ما عندوش معلومات ما بيتصداش بالباطل إنما بيوجه للي ممكن يفيد. ألف تحية والله :)
وأخيرا يا ريت لو المهندس طارق يقدر يفيدني في الموضوع ده هأكون شاكر ليه جدا
اقتباس:
أولى مشاركاتي ستكون عبارة عن سؤال فيما يتعلق بالميتسوبيشي l200 سبورتيرو. أنا عارف إنه ممكن يكون سؤال غريب شوية لأن معظم العربيات التي يتم التعريف بها هي في الغالب سيارات ركوب. ولكني وجدت هذه السيارة متميزة ومختلفة وإمكانياتها متميزة جدا مقارنة بسعرها (الأتوماتيك 140 ألف على ما أعتقد). فلو أي من الإخوة الكرام لديه ما يفيد حولها من حيث كفاءتها، تكاليف التشغيل، الصيانة وقطع الغيار، الترخيص، سعر إعادة البيع أرجو ألا يبخل بها.
تحياتي
هشام
شكرا يا جماعة بجد..ويا ريت مصراوي جدا يدلي بدلوه معانا
أنا متشكر جدا لتعليقاتكوا يا جماعة.
أستاذ أحمد أنا مش عارف ده سعر أنهو فيهم لأني لاقيته بالصدفة على النت وحتى مش متأكد منه عشان كده سألت وأنا بدور عالأتوماتيك. وهي شكلها جذاب فعلا (يمكن أكتر من الهاي لوكس الجديدة - بالنسبة لي على الأقل) لدرجة إني صعبان عليا إنها تستخدم نقل.
والله يا أستاذ هيرو مسألة الترخيص نقل ديه برده محيراني وإن كانت أكبر مشاكلها كما يبدو هي حتة الطرق اللي قال عليها أستاذ إسلام - أما إخواننا بتوع المرور فمعظمهم (مش كلهم لأن فيهم ناس ذوق ومحترمين جدا) فمبيتوصوش مع أي حد - والمفروض أنه هيميز من رخصة القيادة. وبصراحة أنا اللي شدني ليها إنها جديدة وفيها كل اللي ممكن الواحد يحتاجه - خصوصا ملائمتها لظروف الطرق المصرية :lol: إنما المستعمل مش ناوي عليه الصراحة لأني اتعملت الأدب مرة قبل كده منه ولسه بدفع التمن لحد دلوقتي - الحمد لله.
والأستاذ فهد - معرفتش الفرق الكبير في السعر ده ليه (يعني ضرائب المرور مثلا ولا إيه)
وعموما يا رب مهندس طارق يجيبلنا الخبر اليقين قريب.