تيل فرامل بولو2000

**Sherif Moussa** · 07-03-2009 12:01 PM

السلام عليكم
عندى مشكلة ومحتاج مساعدتكم .
انا كنت غيرت التيل الأمامى من حوالى 5 شهور بتيل المفروض انا ألمانى ب110 وفضل يصفر لحد شهرين.
قمت جايب نوع تانى اسمه Atti ب 280 وكنت مغيره عند محمد سمير فى جسر السويس.
وكان بيصفر فى الأول , قولت يمكن بيطبع.
لكن فضل يصفر طول الوقت.
حد يعرف المشكلة ممكن تكون ايه؟
جزاكم الله خيرا

**Atef Saleh** · 07-03-2009 02:03 PM

المشكله انه مش اصلى يا عزيزى لو عايز نوع تيل محترم جرب الرمسا Remsa ده تيل محترم جدا و كله كربون و سعره مش غالى خالص و بيحافظ على الطنابير.............

**umoussa** · 07-03-2009 03:22 PM

لا لا الرمسا صبة ناشفة ومش الأصلي بتاع العربية دي..

ال Ate هو الأصلي انت بس تلاقي حصل حاجة من الثلاثة :

1 ركب التيل من غير مينضف الطنابير بالفرشة السلك
2 حد غسل الطنابير والعربية سخنة يعني العربية كانت سخنة
3 الطنابير أصلا مريجة وفي مرحلة الموت الإكلينيكي

أنت جبت أصلاً التيل الate من عند مين لأن السوق مليان منه مضروب؟؟

روح عند أشرف الشهابي وهاته من عنده، أنا طول عندما لا أجد التيل الأصلي بتاع فولكس بركب Ate وعمر مسمعت صوت تصفير مع مراعاة النقط الثلاثة الي فوق

**M.Mostafa80** · 07-03-2009 03:27 PM

المشاركة الأصلية كتبت بواسطة Atef Saleh

المشكله انه مش اصلى يا عزيزى لو عايز نوع تيل محترم جرب الرمسا Remsa ده تيل محترم جدا و كله كربون و سعره مش غالى خالص و بيحافظ على الطنابير.............

انا بئيد الكلام ده 100%ودا بناء على تجربه مرتين من النوع ده دا غير أنو أسبانى والعربيه أصلا تجميع أسبانى

**umoussa** · 07-03-2009 03:51 PM

صبة الريمسا نشفة وبعدين الate بتاع 2001 يعني انت لو بتركب تيل فرامل أصلي في بولو 2001 حتلاقي ختم Ate عليه مش ختم ريمسا

وبعدين الفيصل في الموضوع النقط الي كتبتها قبل كدا وانه يروح لأشرف الشهابي

**Sherif Moussa** · 08-03-2009 08:12 PM

1000 شكر على استجابتكم السريعة.
هستبعد أول وتانى احتمال لأنه نضف الطنابير بسبراى . والعربية ماتغسلتش وهيا سخنة.
يبقى حاروح أكشف على الطنابير.
انا جبت التيل من عند عاصم اللى فى وش محمد سمير و هانى.
جزاكم الله خيرا.

**umoussa** · 08-03-2009 08:41 PM

أخي شريف،

حنصحك نصيحة لوجه الله، لما تحب تجيب أي حاجة لعربيتك إوعى تشتريها من أي حد غير أشرف الشهابي في شارع دمشق..

النصيحة التانية، إوعى تشتري قطعة غيار من المحلات الموجودة في جسر السويس وحولين محمد سمير والحرفيين..

كل المحلات دي بضاعتها مضروبة ومستعد أعملك مقارنة بين الATE الي انت مركبه والي أشك بنسبة كبيرة جداً إنه مضروب وبين الAte الأصلي

معلومة صغيرة، عارف سعر التيل ال Ate المضروب كام "جملة على التاجر"؟

الإجابة: 25 جنيه

طيب أنا عربيتي برضو بولو وAte دي شركة ألمانية، تعرف التيل بتاعي ال Ate مصنوع فين؟

الإجابة: أمريكا!!! شوفت بقى إن مش كل حاجة مكتوب عليها ألماني أو أسباني "مكان تجميع العربية" تبقى أصلي!!

دي نصيحة لوجه الله

أسامه موسى

**Sherif Moussa** · 08-03-2009 09:15 PM

شكرا لاهتمامك يا أخ أسامه وبجد انت انسان محترم وجدع.
وهاخد بنصيحتك بعد كده .
وجزاك الله خيرا.

**umoussa** · 08-03-2009 09:17 PM

أخي شريف،

نسيق أقولك حاجة، لو الطنابير طلعت في مرحلة الموت الإكلينيكي، مينفعش تغير الطنابير بس.. لازم تغيير التيل والطنابير علشان يطبعوا مع بعض...

الطنابير تصنيع Ate برضو على فكرة متجبش أي حاجة تانية

**umoussa** · 08-03-2009 09:20 PM

المشاركة الأصلية كتبت بواسطة Sherif Moussa

شكرا لاهتمامك يا أخ أسامه وبجد انت انسان محترم وجدع.

وهاخد بنصيحتك بعد كده .
وجزاك الله خيرا.

يافندم ربنا يجازيك كل الخير
أنا بجد بنصحك لوجه الله علشان التجار معندهومش أي ضمير المهم المكسب المادي وبس

شوفت هامش الربح بين 25 جنيه و225 جنيه كام؟ 900%

الموضوع: تيل فرامل بولو2000

LinkBack

أدوات الموضوع

عرض

-

-

-

-

-

-

-

المواضيع المتشابهه

اخيرا تعديل فرامل الفيرنا امامى وخلفى (سكاكين)الى فرامل رياضية

اخيرا تعديل فرامل الفيرنا امامى وخلفى (سكاكين)الى فرامل رياضية ( منقول )

اخيرا تعديل فرامل الفيرنا امامى وخلفى (سكاكين)الى فرامل رياضية

فرامل الرجل ( فرامل اليد ) ضعفت قوى ... اعمل ايه

بولو2000

الكلمات الدلالية لهذا الموضوع

المفضلات

المفضلات

ضوابط المشاركة