أسئلة حول الفيات أونو

**amrbakly** · 07-03-2009 01:55 PM

الحمد لله يا جماعة انا لسة جايب فيات أونو 98 فابريكة برة و جوة و موتور عامل 50 الف كيلو، تكييف و سنتر، و تقريبا الأستبن مشتغلش غير مرة واحدة و الحمد لله بعد طول بحث استمر شهرين جبت عربية بحالة الزيرو تقريبا.

هو أنا خلصتها علي 34 و عارف أنة كتير عليها بس فعلا أنا دايخ علي عربية حالتها كويسة في حدود 30 من شهرين و ملقتش حاجة تفتح النفس بصراحة

عندي بقي شوية اسئلة عنها كدة

اية افضل أماكن ممكن أجيب منها قطع غيار أصلية تحديدا في الميكانيكا اللي جوة.

اول ما أستلم العربية اية الحاجات اللي لازم أغيرها فيها كنوع من الصيانة الدورية

التكييف بتاعها مروحتة ضعيفة حبتين، هو بيطلع هوا بارد بس ضعيف. و هل هي اساسا مروحتها ضعيفة ولا جايز تكون محتاجة حاجة لأن العربية كانت مرفوعة بتاع 5 سنين حسب كلام البائع

كمان مش لاقي زرار فصل للتكيف، و هل لو عايز اشغلها مروحة بس اعمل دة اذاي؟ و مش عارف هل معني أن مفيش زرار فصل تكييف يبقي التكييف بتاعها مش فابريكة؟؟

كمان اية افضل بوجيهات ممكن تركب لها و تبقي كام شمعة؟

موضوع لمبة الحرارة دة ملوش حل؟ و هل يمكن أستبدل اللمبة بعداد حتي لو في التوكيل؟ و للعلم معنديش مشكلة أني أدفع فلوس بس احل الحكاية دية لأني عندي هاجس كدة أنها تسخن مني و مشوفش اللمبة و هي منورة

شكرا لأي حد حيساعدني و شكر خاص للأستاذ نادر لأنة أول من رشحلي العربية دية و لفيت لفيت و رجعتلها تاني

مع العلم دية أول عربية ليا، فمحدش يقولي كلام معقد برضة

**semsem_uno** · 07-03-2009 08:02 PM

مبروك اولا و احنا معانا فيات اونو برده
اول حاجة تروح تغير سير الكاتينة و الدينامو و اكشف علي الشحن بتاع الدينامو احتياطي و اكشف علي سير التكيف و لو لقيت ان التكيف توصيلاته خراطيم يبقي متركب و لو مواسير يبقي بتاع بلدها و بدام بتقول انك عندك لمبة في التبلوه للحرارة يبقي ديه تقريبا مش اللي بتنزل بتكيف
اما غير كده فأنا مليش في مواضيع التكيف ديه اوي
و في عندك ناس كتيرة جدا في شارع دمشق عندهم قطع الغيار الأصلية بملاليم و نصيحتي ليك جيب اي حاجة ايطالي حتي السيور
و في عندك حاجة اسمها مشط الكهربة و ده لو بايظ بتحس كأنك سبت بنزين و حطيط رجلك تاني فجأة و ده لو جيت تجيبه جيبة ايطالي و هتلاقي محفور عليه ماجنيت ماريلي بالأنجليزي
و بالنسبة للبوجيهات جيب Denso او Ngk او Bosch و ماتزودش عن شمعتين في العربية ديه عشان ماتورها صغير
و بالنسبة للحرارة لو حاسس انها بتسخن يبقي اكشف علي دورة التبريد و المروحة و طلمبة المياه و حط مياه خضراء مش مياه حنفية علشان متبهدلش الريداتير و الطلمبة و الكلام ده بالصداء و في عدادات حرارة خارجية بتتباع و بتركب علي التابلوه و بيبقي شكلها حلو
و لما تيجي تغير الزيت جيب زيت خفيف مش تقيل
و ارجو ان اكون وفيت معاك في شرحي و اني اكون قدرت افيدك

**amrbakly** · 08-03-2009 12:06 AM

المشاركة الأصلية كتبت بواسطة semsem_uno

مبروك اولا و احنا معانا فيات اونو برده
اول حاجة تروح تغير سير الكاتينة و الدينامو و اكشف علي الشحن بتاع الدينامو احتياطي و اكشف علي سير التكيف و لو لقيت ان التكيف توصيلاته خراطيم يبقي متركب و لو مواسير يبقي بتاع بلدها و بدام بتقول انك عندك لمبة في التبلوه للحرارة يبقي ديه تقريبا مش اللي بتنزل بتكيف
اما غير كده فأنا مليش في مواضيع التكيف ديه اوي
و في عندك ناس كتيرة جدا في شارع دمشق عندهم قطع الغيار الأصلية بملاليم و نصيحتي ليك جيب اي حاجة ايطالي حتي السيور
و في عندك حاجة اسمها مشط الكهربة و ده لو بايظ بتحس كأنك سبت بنزين و حطيط رجلك تاني فجأة و ده لو جيت تجيبه جيبة ايطالي و هتلاقي محفور عليه ماجنيت ماريلي بالأنجليزي
و بالنسبة للبوجيهات جيب Denso او Ngk او Bosch و ماتزودش عن شمعتين في العربية ديه عشان ماتورها صغير
و بالنسبة للحرارة لو حاسس انها بتسخن يبقي اكشف علي دورة التبريد و المروحة و طلمبة المياه و حط مياه خضراء مش مياه حنفية علشان متبهدلش الريداتير و الطلمبة و الكلام ده بالصداء و في عدادات حرارة خارجية بتتباع و بتركب علي التابلوه و بيبقي شكلها حلو
و لما تيجي تغير الزيت جيب زيت خفيف مش تقيل
و ارجو ان اكون وفيت معاك في شرحي و اني اكون قدرت افيدك

ألف شكر يا باشا و ربنا يباركلك في عربيتك

**bmw323** · 08-03-2009 10:30 AM

مبروك يا عمرو باشا الأونو ربنا يعطيك خيرها ويبعد عنك شرها
قطع غيار الأونو الأصلى هتلاقية عند أحمد الكيلانى فى شارع شمبليون ودا موزع معتمد قطع غيار فيات وأنا معايا فيات أونو 97
وموضوع اللبمة دى يا جماعة فى عداد بيتباع فى بورسعيد فية مئشر الحرارة وrpm ولما المروحة بتشتغل فى لمبة بتنور وأنصحك انك تغير فلتر الهواء والبوجيهات وتكشف على دورة التبريد كلها ولو عاوز ترتاح نفسيا أكتر وعاوز تعرف كل حاجة فى العربية اكشف عليها فى التوكيل وأعملها فحص شامل ب200 جنية دا لو قلقان أوى
وربنا يباركلك فيها يامعلم

**amrbakly** · 09-03-2009 11:50 AM

الف شكر يا جماعة علي الردود اللي زي الفل و متشكر جدا علي مساعدتكم و يكفينا جميعا شرور عربيتنا

**Nader** · 09-03-2009 04:45 PM

المشاركة الأصلية كتبت بواسطة semsem_uno

مبروك اولا و احنا معانا فيات اونو برده
اول حاجة تروح تغير سير الكاتينة و الدينامو و اكشف علي الشحن بتاع الدينامو احتياطي و اكشف علي سير التكيف و لو لقيت ان التكيف توصيلاته خراطيم يبقي متركب و لو مواسير يبقي بتاع بلدها و بدام بتقول انك عندك لمبة في التبلوه للحرارة يبقي ديه تقريبا مش اللي بتنزل بتكيف
اما غير كده فأنا مليش في مواضيع التكيف ديه اوي
و في عندك ناس كتيرة جدا في شارع دمشق عندهم قطع الغيار الأصلية بملاليم و نصيحتي ليك جيب اي حاجة ايطالي حتي السيور
و في عندك حاجة اسمها مشط الكهربة و ده لو بايظ بتحس كأنك سبت بنزين و حطيط رجلك تاني فجأة و ده لو جيت تجيبه جيبة ايطالي و هتلاقي محفور عليه ماجنيت ماريلي بالأنجليزي
و بالنسبة للبوجيهات جيب Denso او Ngk او Bosch و ماتزودش عن شمعتين في العربية ديه عشان ماتورها صغير
و بالنسبة للحرارة لو حاسس انها بتسخن يبقي اكشف علي دورة التبريد و المروحة و طلمبة المياه و حط مياه خضراء مش مياه حنفية علشان متبهدلش الريداتير و الطلمبة و الكلام ده بالصداء و في عدادات حرارة خارجية بتتباع و بتركب علي التابلوه و بيبقي شكلها حلو
و لما تيجي تغير الزيت جيب زيت خفيف مش تقيل
و ارجو ان اكون وفيت معاك في شرحي و اني اكون قدرت افيدك

+1

زيت الموتور موبيل xhp أو كالتكس هافولين فورميولا.