صرخه اسمعت خبراء نيسان فى اليابان

**iso2007** · 07-03-2009 02:02 PM

ما معنى ان السياره نيسان صنى 2008 اوتوماتيك تحرق 20لتر بنزين(صفيحه)فى 150كيلو واقل والله هذا هو ضريبه غياب الخبراء اليابان عن الصتاعه الهوجاء الهمجيه عن التصنيع فى نيسان مصر بجد انا فكرة اروح ارمى العربيه قدام المصنع وارفع عليه قضيه عيب تصنيع فى حمايه المستهلك فى حين انى اشوف باقى الماركات الاخرى تويوتا 350ك فى (الصفيحه) والهيونداى الكورى 320ك (للصفيحه ) عيب عليكو والله نيسان نايمين فى العسل مع المستهلك الراضخ لهذا الهراء والاستخفاف بعقولنا كمصرين راضين بسعرها الرخيص بلرغم انو مش رخيص ولا حاجه

**CryptonX** · 07-03-2009 02:15 PM

المشاركة الأصلية كتبت بواسطة iso2007

ما معنى ان السياره نيسان صنى 2008 اوتوماتيك تحرق 20لتر بنزين(صفيحه)فى 150كيلو واقل والله هذا هو ضريبه غياب الخبراء اليابان عن الصتاعه الهوجاء الهمجيه عن التصنيع فى نيسان مصر بجد انا فكرة اروح ارمى العربيه قدام المصنع وارفع عليه قضيه عيب تصنيع فى حمايه المستهلك فى حين انى اشوف باقى الماركات الاخرى تويوتا 350ك فى (الصفيحه) والهيونداى الكورى 320ك (للصفيحه ) عيب عليكو والله نيسان نايمين فى العسل مع المستهلك الراضخ لهذا الهراء والاستخفاف بعقولنا كمصرين راضين بسعرها الرخيص بلرغم انو مش رخيص ولا حاجه

-
هو فعلا استهلاك عالي يعني بمعدل 8 كم للتر
بس مش عالي اوي زي منت متخيل لسبب واحد
اولا لو دي كلها سواقة جو البلد و اشارات و وقوف و انطلاق كتير يبقى عادي مش كبير اوي خصوصا انها سيارة 1600 سي سي و محرك قديم نسبيا وكمان اوتوماتيك .

بس يكون عيب لو طلعت علي طريق سريع و فضل بنفس الدرجة .

اديك مثال صغير
انا سيارتي 1242 سي سي محرك فيات 16 صمام بتولد 83 حصان و مانوال

داخل البلد و الاشارات و الزحمة الاستهلاك بيترواح من 10 الى 11.5 كم للتر يعني 200 كم او 230 كم للتر .
ود سيارة اقل من حضرتك بحاولي 250 سي سي .

انما لما بطلع علي طريق سريع .. الموضوع بيختلف تماما و بتوصل الي 19 كم للتر يعني حوالي 380 كم للتر .

و سيارتي تعتبر مش موفرة للبنزين اوي .. فشوف حضرتك كدة و قارن .

**sNIPER_007** · 07-03-2009 06:32 PM

الحمد لله اني لقيت حد زيي
انا المعدل بتاعي 150 جوا البلد
حاجه بجد تخنق
بس بقول ان ممكن بعد الخمسه الالاف مثلا يتحسن

اسوء حاجه في العربيه فعلا
يارب نلاقي حل

**mahmoudzaied** · 07-03-2009 07:10 PM

طيب انا عايز اسمع استهلاك البنزين من ملاك الصنى نفسهم؟

**omarsara** · 07-03-2009 10:22 PM

انا سيارتي صني كلاسيك 2009 تقفيل ياباني خليجية
استهلاك البنزين برضوا عالي يعني
في المدينة تقريبا 150كم في الصفيحة
وبالطريق السريع270 كم في الصفيحة

**amir** · 07-03-2009 10:37 PM

للاخ صاحب الموضوع:
روح التوكيل الاول و شوف هيعملو ايه
و معروف ان العربيه في الاول بتاخد بنزين كتير اي عربيه كده
و لباقي الاخوه ياريت لو معاكو فعلا العربيه تساهمو بالفعل و تشاركو في الموضوع اللي انا عامله ده لبيان استهلاك الصني سواء مانيوال او اوتوماتك
http://www.nilemotors.net/Nile/showthread.php?t=62667

**atlas_u** · 08-03-2009 11:59 PM

المشاركة الأصلية كتبت بواسطة iso2007

فى حين انى اشوف باقى الماركات الاخرى تويوتا 350ك فى (الصفيحه) والهيونداى الكورى 320ك (للصفيحه ) عيب عليكو والله نيسان

السلام عليكم
اخي العزيز الارقام دي كبيرة جدا لاستهلاك عربية 1600 بس دا مجرد رأيي مش متأكد طبعا
- استهلاكك غير طبيعي بالمرة
- انا عربيتي نيسان مانوال استهلاك تقريبي 440 الي 480 ال 500ع الاربعين لتر يعني 220 الي 240 ف الصفيحة حسب الطريق.
- 240 للصفيحة دا استهلاك مناسب جدا ل 1600 و روح اسأل اي حد عندو لانسر 1600 ها تلاقية ما بيوصلش للرقم دا.
- دا لو كان عيب مش عيب مصنع و لا عيب مصر و لا عيب مصريين ممكن يكون عيب ف العربية.
- و دا بيحصل عادي وها تروح الوكيل و ها يظبطهولك و لو مش متأكد ادخل منتدي اللانسركمثال.

- الرجاء منك عدم حساب استهلاكك بمرجعية مؤشر تانك البنزين لان التانك مش مربع يعني النص ال فوق اصغر من النص ال تحت يعني لما المؤشر يجي ع النص دا مش معناه ان انت استهلكت 25 لتر اطلاقا.
- لازم تحسبها(بلدي) عن طريق عداد البنزية و الكيلو متر بتاع العربية.

*ملحوظه الاوتوماتك استهلاك اكتر نسبيا من المانيوال.

و ياريت تقولنا الاخبار اية

**sab3aawy** · 10-03-2009 09:23 AM

لى تعليقين:

1- متوسط الاستهلاك عندى هو 185 كيلومتر/صفيحة،طريقى هو مدينة نصر المهندسين يعنى شارب الزحمة من كيعانى، فقط رجلى خفيفة على دواسة الاكسراتير ومبعزقش، العربية دى استهلاكها للبنزين حساس جدا لموضوع العزق على الدواسة

2- واضح من اكتر من رد ان معدل الاستهلاك هو نفسه بين السيارة المجمعة محليا والسيارة المجمعة فى اليابان، كما انه حتى بالنسبة للسيارة المجمعة محليا فأن المحرك ياتى برشاشاته بكونتروله بحساساته بسلاطاته ببابا غنوجه من اليابان، يبقى ايه دخل الصناعة المحلية التى تقتصر على التجميع والدهان وبعض المكونات الثانوية باستهلاك البنزين؟ وللا هى اى مناسبة للشتيمة فى الصناعة المحلية وخلاص

بالمناسبة انا مبقبضش من نيسان مصر ولا حاجة لكن مجرد مالك عادى للسيارة وعامل بيها 25 ألف كيلومتر ، لكن راضى عنها جدا، وراضى الى حد كبير عن صناعتها وعن شبكة الدعم والصيانة الموجودة لها