الموضوع: تكييف السيارة الزيرو..معلومة محيرة!

بص يا باشا بصراحة كدة الموضوع دة فتى مصرى فى رأى

لأن لا وجود للكلام دة فى الكتالوج

بس هوة مش اول 5000 كم دة اول 1000 كم

و الغرض منة هو عدم التحميل على الموتور لأن زى ما حضرتك عارف التكييف بيحمل على الموتور

العربيات الجديدة دلوقتى بتبقى مش محتاجة تليين و بيبقى مكتوب فى الكتالوج انه مش لازم تليين بس يستحسن اول 1000 كم يبقى فية تليين عن طريق انك متزودش سرعة جامد و متخليش ال Rpm يعدى ال 4000 لفة و متسحبش جامد بالعربية و دة اول 1000 كم

انا عن نفسى عملت كدة و لكن كنت بشغل التكييف عادى بس مش بقرص على العربية

و لو اى استفسار انا موجود

بصراحه انا مش مقتنع بموضوع عدم تشغيل التكييف ده خالص بجد دى فتوه مصريه أكيد
وأنا بأشترى عربيتى ماحدش قالى الموضوع ده خالص ولما روحت وقعدت أقرأ الكتالوج ملقيتش أى حاجه عن الموضوع ده اللى لقيته بس ان المفروض اول 1000 ال RPM مايزيدش عن تلات ارباع الدوره يعنى يعنى لو ال RPM أخره 6000 يبقى مش تزود عن 4000 أو 4500 بحد اقصى اقولك خليك فى الأمان وماتزودش عن 3500 او 3800 د/ دقيقه
انا اول مره سمعت الموضوع ده لما حماى اشترى نوبيرا زيرو ولما كان بيفرجنى عليها قالى المعرض قالولوا مش تشغل التكييف قبل 1000 كم ابدا والا الموتور هيجرالوا وهيجرالوا ... انا سكت بصراحه ومارضيتش أرد
بلاش معنى كده ان لما اجى اشترى عربيه زيروا مش المفروض ان أنا اجرب التكييف يعنى لو مشيت بالعربيه 1000 وبعدها حبيت أشغل التكييف وطلع عطلان يبقى ايه الحل وده حصل مه واحد اعرفه اشترى عربيه لانسر زيرو وبعد ما روح بالصدفه بيشغل تكييفها ماشتغلش طلع بيها تانى يوم على التوكيل وطلع فيها عيب فى الفيوز والحمد لله اتحل على طول ....

ياجماعة ممنوع ممنوع تحمل على العربية باى شكل ان كان بالحمل الزائد او القرص على الموتور او صعود كبارى وكذلك تشغيل التكييف ولا يزيد ال rpm عن 2500 وتستمر فى معاملة السيارة بهذا الاسلوب حتى تقوم بتغيير الزييت الموجود بالسيارة وهو زيت ذو لزوجة خاصة وبعد وضع الزيت الذى ستستعملة باستمرار وخد بالك فترة ال 1500 كم هذة مهمة جدا لسيارتك طول عملها

أنا أيضاً أرفض هذا الكلام (عدم تشغيل التكييف في فترة التليين الأولى)

كل ما في الأمر أنه مطلوب منك عدم التحميل على الموتور خلال فترة التليين أول 1000 كيلومتر
بمعنى أبسط لا تجعل عدد لفات المحرك (RPM) يزيد عن 3000 في أول ألف كيلو متر
ثم زود التحميل على الموتور بالتدريج خلال ال 5000 آلاف كيلومتر الأولى
بحيث أنك بعد خمسة آلاف كيلو متر تكون قد وصلت للقيادة العادية بدون التقيد بحدود للتحميل على الموتور

لكن مسألة التكييف كلام لا أساس له
شغل التكييف براحتك خالص من أول يوم