لما كنت فى سنك كنت بكتب نفس الكلام ده
و لما كبرت عرفت انى كنت فاهم الحياه غلط
و برضه لسه مافهمتش حاجه عن الدنيا
بس السلام الداخلى زاد شويه
انا مش فاهم ايه مشكلتك بس اكيد حتى لو صغيره ممكن بالنسبه ليك كارثيه
مره كنت راكب زمان اتوبيس من الحمر عشان كنت رايح مشوار بعيد وماعرفش يتراح ازاى والوصف كان بالاتوبيس
و بسمع فى الديسك مان الكلام ده من زمان اوى و مكانش حد يعرف السى دى و كنت جايب البلاير ب 800 جنيه من بره و كنت فلحوط
الناس اللى قاعده قدامى بيتناقشوا على جواز بنت الست و ابن الست التانيه
الجوازه كانت هتبوظ على 50 جنيه يكملوا بيهم عشان يجيبوا البوتجاز
يعنى اتنين مش هيشوفوا فرحه عشان 50 جنيه
حسيت ساعتها ازاى الدنيا ماينفعش تبص ليها بالطريقه المأسويه ديه
المفضلات