الظاهر يا جماعه انى لازم اروح التوكيل
السلام عليكم جميعا
انا اللى عربيتى الجديدة اتخبطت وقولتلكم امبارح ان الاكصدام اتطبق
لكن اتفاجأت امبارح ان كمان الخبطة أثرت على الباب اليمين لاقيته رد شوية لبره لدرجة انه مش بيفتح غير ربع فتحه مش عارف بقى الباب هوا اللى رد والا الصاج اللى دخل جوه
معلش اعذرونى مش مركز من ساعه ماعرفت
هل كده بقى الاحسن انى اروح التوكيل والا اعملهم الاتنين بره
ولو هعملهم في التوكيل الاتنين الاكصدام و الباب تقريبا كده يتكلفوا كام لاحسن بطنى وجعانى من ساعتها
ولكم جزيل الشكر
الف لا بأس على السيريونة بتاعتك يا ابو حميد
الف سلامة على عربيتك يا اخ احمد ...و ان شاء الله ربنا يعوض عليك و تبقى حاجة بسيطة ان شاء الله ...
وحاول تطلع حاجة لله يعنى تطلع مبلغ كده للغلابة عشان ربنا يكرمك و يحافظلك عليها.