[OVERLINE]السلام عليكم
تحياتي لكل الرابطة وكل عام وانتم بخير
أنا أخوكم عبد الرحمن بعتبر نفسي تمبراوي من حوالي اسبوع رغم اني معنديش عربية تمبرا لكن باذن الله ناوي اجيبها بعد نزولي من السعودية وانا بصراحة بأحييكم على هذه الرابطة النشيطة وهي من أنشط الروابط اللي شفتها في أي منتدى سواء كان سيارات أو غيرها
بس أنا ما كنتش بفكر في التمبرا و حيث أني طبيب ليس له خبرة قوية بالسيارات كميكانيكا وفنيات وما ليش في بهدلة العربيات وعايز عربية ما تعملهاش معايا كل شوية كنت ناوي لما انزل ان شاء الله اجيب شاهين بناء على آراء معظم الناس و الذين تنحصر آراؤهم- كمعظم المصريين-في الكوري اللي مغرق الدنيا من غير لزمة واللا اللانسر وطبعا أنا كرهتهم من غير ما اركبهم وكنت شخصيا بأفضل الشاهين عليهم ولكن بعد بحث مكثف ودوخة بين كل الآراء المؤيدة والمعارضة أصبحت أميل الى التمبرا لأني شايف انها -على حسب رأي معظم ملاكها- من افضل السيارات امكانيات بالنسبة لسعرها وثانيا لأنها فيات والتي حظيت بامتلاكي أول سيارة منها وكانت 132 وغير ذلك الأوروبي هو الأوروبي مهما الناس قالوا عنه
والحقيقة ان كل شكاوى المعارضين لهذه السيارة خوفوني من التكييف والسخونية
و منذ أسبوع وأنا اتابع الرابطة معكم وكأني عضو فيها لدرجة اني كنت باتفاعل مع مشاركاتكم كاني أمتلك سيارة تمبرا بالفعل وبصراحة دخلتوا العربية في دماغي معرفش ازاي ولقيت نفسي بقول لنفسي ازاي مكنتش بتاخد بالك منها لما كنت بتشوفها في الشارع و انها عربية مظلومة بالنسبة لكتير من الموديلات التي تقل عنها في الكفاءة وتزيد عنها في السعر والانتشار
هو صحيح أنا بعد ما خلصت قراءة كل مشاركات المنتدى حسيت اني في منتدى (عزبة شلبي ) ههههههه
:ma: بهزر اوعى حد يزعل مني
تحياتي لكل اصحاب الرابطة الكرام وبصراحة أنا طمعان في مساعدتكمhttp://www.nilemotors.net/Nile/image...7_4%5B1%5D.gif عند الأختيار أو الشراء ان شاء الله (مش فلوس طبعا لا سمح الله اوعى تتخضوا)http://www.nilemotors.net/Nile/image...h08%5B1%5D.gif
لأني زي ما قلت لحضراتكم أنا ناوي بمشيئة الله على التمبرا وبصراحة انتم أحسن منتدى متعاون وفيه روح الأسرة الواحدة
فاقبلوني معكم تمبراوي جديد الى حين تأكيد العضوية التمبراوية بشراء التمبرا ان شاء الله:satelite:
[/OVERLINE]