ياجماعه في وسط هوجة الرابطات عايزين نعمل رابطة مالكي ومحبي التمبرا ونتقابل ونحاول نستفيد من خبرات بعضنا البعض انا شايف على مستوى المنتدى شباب الرينو عاملين شغل عالي مين عنده استعداد اننا نكون الرابطه دي
عرض للطباعة
ياجماعه في وسط هوجة الرابطات عايزين نعمل رابطة مالكي ومحبي التمبرا ونتقابل ونحاول نستفيد من خبرات بعضنا البعض انا شايف على مستوى المنتدى شباب الرينو عاملين شغل عالي مين عنده استعداد اننا نكون الرابطه دي
انا جاهز يا ريس
ياباشا أنت دايما جاهز
:k36: وانا جاهز
و انا كمان جاهز يا أخ زلباني و حاليا بأحاول أخلص في واحدة و يمكن لو ربنا سهل أكون من ملاك التمبرا في خلال هذا الاسبوع
وانا تحت امركم
طيب انا عايز اعرف شوية معلومات عن العربيه اللى معايا
هى موديل 98
المفروض مثلا الباور هورس بتاعها قد ايه ؟
هي العربيه بتاعتك كاربيراتير ولا انجيكشن
انا بحب جدا شكل التمبرا
وكنت ناوى اشترى واحدة
كنت عاوز اعرف سعرها فى حدود كام وايه اخبار العربية من حيث الباور والقوة والتكيف ؟
98 تبقى مصرى و المصرى كله كربراتير
تبقى 86 حصان / 5800 RPM
تم غلق الرابطة لتعدي ال4000 مشاركة والجزء الثاني
http://www.nilemotors.net/Nile/172702-a.html
مشرف 18ب
فين باقي الشباب معقوله دول بس اللي معاهم تمبرا عايزين أي حد معاه العربيه أو كانت معاه أو بيحبها ويعرف عنها يشترك معانا
والله
انا معاكم قلبا وقالبا
وانا كمان بصفتى احد مالكى التمبرا
السابقين ...ممكن انضم معاكم
يا أحمد باشا أنت تنورنا احنا لينا الشرف ان أحد قدامى ملاك التمبرا واللي ليهم خبره كبيره فيها يبقوا معانا المهندس أحمد من الناس اللي كان ليهم الفضل بعد الله سبحانه وتعالى في شرائي هذه السيارة بمعلوماته القيمه
فكرة ممتازة يأستاذ زلاباني
معاك ان شاء الله
بس انت تابعنا بأي جديد في الموضوع
وان شاء اكون مش مسافر واتواجد بعون الله
فين با قي الشباب المهتمين بالتمبرا طيب خلينا نرتب ميعاد مقابله يا شباب مين عنده استعداد ييجي حتى لو المقابله هاتبقى ساعتين زمن في أي مكان كويس وممكن الشباب يحطوا اقتراحات برده
هو الموضوع نام ولا ايه :)
مش عارف يا باشا الناس مش متشجعه مش عارف ليه على العموم خلينا نحدد موعد ونشوف مين ممكن ييجي
انا بحييكو علي الفكره الجميله دي وياريت تعمم الفكره دي في منتدي فيات ويبقي بين كل ملاك فيات لقاءات و ترابط زي بافي المنتديات ( اوبل - رينو - بيجو)
و سعيد جدا لانضمام معاكو لاني فعلا من عشاق التمبرا
وانا معاكم يسعدني الانضمام لهذه الرابطة انا معايا تمبرا ايطالي استيراد الخارج معاقين موديل 91 واي سؤال انا تحت امركم وشكرا لصاحب الفكرة
بصراحة انا مش عارف ينفع اشترك معاكو و لا لأ
لان علاقتى بالتمبرا اللى عندنا انى بشوفها راكنة تحت البيت بس
والله يا شباب أحنا مش قاصرين أعضاء الرابطه على المالكين فقط على مالكي وسابقي ملاك ومحبي السياره أيضا وأهلا بأي حد يحب يشارك
يبقى انا معاكم ان شاء الله
ممكن سؤال يا شريف باشا كنت عاوز اعرف هي العربيه تعمل كام لو استيراد معاقين موديل 96 يعني منغير الجمارك لاني ناوي اجيبها؟
السلام عليكم ورحمه الله وبركاته
بصراحه انا العربيه معايه بقالها سنتين وفاضل كام شهر ونقفل تلات سنين
وكتير بيقولوا لى انى اغيرها بعد ما يتفك الحظر من عليها بس لو غيتها هجيب تمبرا برضو بس فول اوبشن
عشان التكيف عامل لى ازمه جامده خصوصا ان العربيه بكل الطرق مش نافع يركب لها تكيف
هى اول عربه اشتريها بصراحه وهى الى دخلتنى عالم السيارات
والله يوم ما ابعها هتصعب عليه اوى
ده احنا بقينا عشره جامده جدا وخصوصا انها بجد عربيه جدعه اوى والله
لو كان نفع يركب لها تكيف كنت مستغناش عنها ابدااااااااا
واتمنى افيدكم فى حدود خبرتى المحدوده على قدى
وطبعا مينفعشى حد يسالى فى وجود علماء التيمبرا
zalabany2007 galilio_mad
باعم الله يكرمك مش علماء ولا حاجه احنا كلنا بنتعلم من بعض وبنفيد بعض بالخبرات اللي بنكتسبها من خلال تعاملنا مع عربياتنا واحنا تحت امرك في اي سؤال
بس ايه يا شباب فكرة الرابطه نامت ولا ايه
طيب خلينا نحدد ميعاد مقابله وأقترح تبقى السبت 18-7 اخر النهار ايه رأيكم وياريت الناس اللي عندهم اقتراحات لمكان المقابله يقولولنا ومبدئيا انا بقترح اننا نتقابل في الرحاب
الجماعه بتوع الرينو عاملين شغل جامد عايزين نبقى زيهم
اولا , متشكر جدا على المجاملة الرقيقة دى
انا مش باتمان يعنى . هو فضل ربنا سبحانه و تعالى اللى بيخلينى افيد حد , و يا رب اكون تحت حسن الظن
بالنسبة للتكييف , مين اللى قال انه ما يركبش ؟؟؟؟؟؟
لو عندك استعداد للسفر لبورسعيد , اعرف كذا حد يخلصوا القصة بالكامل , التكلفة 2000-2500 كلام مبدئى
و الكلام ده على التكييف الاصلى بتاع العربية , استيراد بجميع اجزاؤه و توصيلاته و كله كله
عم زلابانى , انا كنت نسيت يا راجل :shine[1]:
ظبط المسائل وانا جاهز بس يا ريت تخليها جمعة , و فى اى مكان حاجى باذن الله
ما شي يا جاليليو ممكن نخليها جمعه بس نشوف رأي باقي الشباب
انا معاكو مع انى بفكر ابيعها صلا
يا باشا تنور , لو جيت بيها يبقى تمام , لو كنت بعتها تقطع تذكرة :shine[1]:
و ربنا يوفقك فى بيع دى و شراء التانية ان شاء الله
و لو تسمحلى , انا شفت الاعلان و حضرتك كاتب انك حتجيب جين 2
هى كويسة و كل حاجة بس صدقنى مش حتكيفك زى التمبرا , و قصدى تكييف الدماغ مش تكييف الهوا :w6266d
ياباشا انا ليا شرف انى اكون معاكو لو حتى معايا توك توك
حكايه الجين 2 دى والله جات معايا كده بس شايفها احسن حاجة فى فئتها السعريه - كنت ناوى على نيسان صانى بس شكلها فقد كلاسيكيه الصانى وبقت لانسر بومه خالص
و الله بفكر مابيعهاش لان وشها حلو اهو و ربنا كرمنى
على العموم احنا مع بعض وانا لو مبعتهاش ناوى اظبط فيها تانى وتانى و تانى لانها بجد عربيه جميله قوى و حماله قاسيه وتستاهل كل قرش يندفع فيها
لا يا باشا التوك توك ليه رابطة تانيه :))
و من غير اى حاجة تنورنا و تشرفنا بس زلابانى يشد حيله بما انه الريس
يا ريس يا ريس , فى امل نتقابل فى 2009 و لا احطها فى اجندة 2010 :)
هلا بالرابطة الجميلو والعربية اللي نفسي اشتريها لو عربية موديل 91 فول ابشن 1600 نضيفة تعمل كام
رجالة التمبرا ,, الف مبروك علي الرابطة اولا مع اني كنت بتسائل من فترة هو ليه مفيش رابطة لينا ( معلش بقي شوفت الرابطة متأخر )
انا معاكوا ان شاء الله في الرابطة و اتشرف ان اكون واحد وسطكوا من مالكي التمبرا
يلا يا زلباني باشا بقي عاوزين فعلا نتقابل حتي لو عددنا قليل ،، انا شايف ان لو عدننا قليل هايكون ميزة مش عيب عشان بكده كل فرد فينا ممكن يبص علي عربية التاني و براحتة و يقولة رأيه فيها بعد تجربة كل حاجة فيها و بكده خبرتنا هاتبقي متوزعة علي عدد اقل مكن العربيات و نقدر نفيد اكتر و لو الموضوع ده جاب نتيجة معانا ممكن بافكارنا نعمل حاجة مصغرة كده زي ( بيمب ماي رايد Pimp My Ride ) و ساعتها لو عملنا كده هايبقي شكل عربياتنا هايتغير تماما و هاتبقي في وسط الشوراع من العربيات اللي بتلفت النظر ( انا مش قصدي علي التنفيخ و المهرجانات اللي بتتعمل في العربية انا اقصد العربية تبقي وحش واقف علي الطريق كده و نعرف الناس انها برقبة اي عربية من الجداد ) و لو افكارنا دي جابت نتيجة هاتلاقي الرابطة اعضائها كترت و ساعتها نقدر نعمل خدمات لاعضاء الرابطة زي اننا نتفق او نتعاقد مع حد من الكبار في قطع الغيار انه يعمل لاعضاء الرابطة خصم معين او حاجة او اي فكرة تانية نطلع بيها من اعضاء الرابطة طبعا كل ما كتر عددنا كل ما كان احسن
اهم حاجة دلوقتي هي اننا نتقابل و نتعرف علي بعض و ناخدج اول خطوة اللي هي دايما بتبقي اصعب خطوة
انا ليا اقتراح ان كل واحد فينا يحدد المكان و الزمان اللي يناسبة و نحدد مده معينة و بعد المده دي نجمع الاصوات و راي الاغلبية هو اللي هايحدد المكان و الزمان
انا هابدأ بنفسي
1- الزمان : يوم الجمعة من بعد صلاه الجمعة الي صلاة المغرب ( لاحظ ان يوم السبت مش كل الناس بتاخده اجازة )
2- المكان : اي مكان مش فارقة بس اهم حاجة انه يستوعب العدد اللي ممكن ييجي
يلا يا رجالة حددوا رأيكوا كلوا في مصلحتنا و مصلحة عربياتنا
سلام
زلابااااااااااااااااااااا اااااااااااانى
ايوه يا جاليليو انا عارف والله اني مقصر في قصة الرابطه دي بس الدنيا عندي ملعبكه انت شايف العربيه اطلع من نقره اقع في ضحضيره ربنا ييسرها