تعملها عند سمكرى بس المبلغ الى انت كاتبة الصنايعى مبلغ فية جدا كتير قوى قوى كبيرة 100 جنية مثلا بالكتير
عرض للطباعة
مينفعش يتجلفن تاني و كده؟؟
كمان البارومه دي في الناحيتين يعني لو قلنا الناحيه ب 100 ولا الناحيتين ب 100؟؟
وانا والله على فكره برضو ركبت عربيات قديمه كتير وعمري ما شفت بارومه كده
الحمد لله كل شيء نصيب
المهم يعني حضرتك كده تقريبا عرفت حاله العربيه
تعمل كام بقى؟؟
يا الله , دى متفرتكة , انا اول مرة اشوف تمبرا بالمنظر ده
معلش فى الكلام اللى حاقولة , اللى يوصل الكرتيرة للمنظر ده يوصل حاجات تانية
العربية شكلها متفرتك و المالك الاولانى شكلة ما كانش بيدفع فبها فلوس و هاريها خراطيم ميه
يا ريت تخلى السمكرى يبصلك على بقية العربية , عتب و كارتيرات قدام و الارضيات و قاعدة الشنطة و الاستبن
و كمان تفك الصدامات و تشوف ايه الاخبار , لان بالمنظر ده اكيد حتلاقى حاجات تانية فى العربية
صباح الفل يا عم جاليليو هههههههههههههههههههه
http://img199.imageshack.us/img199/1876/53488561.jpg
ده الجهاز اللي بيفتح الشنطه بالكهربا
http://img818.imageshack.us/img818/6402/93506501.jpg
وده الموتور والاير بوكس
والموبينه الاصليه ملغيه ومركب واحده بدالها بس ممتازه
بصث يا زاجو الافضل انك تقلب العربية دى و لو عايز عربية انظف مايكل حا يبيع الانشيا بتاعتة اقرأ مواضيعة و انت تعرف اصل و فصل العربية من الالف الى الياء لو تحب و تواصل معة مباشرة
معلش انا عاوز افهم يعنى اية الشنطة بتتفتح كهرباء يعنى مثلا غطاء الشنطة بيترفع اوتوماتيك بالكهرباء و لا زى السنتر كدة
لا ياباشا مش حزعل ولا حاجه
جاليليو باشا هو والحمد لله مافيهاش بارومه غير الكارتيره والعتب كويس بس باين فيه اثار الرفع بالكوريك وانا انشاء الله يا اما حعدله يا اما حغيره واشتري دماغي
انا امبارح وانا بغير زيت بصيت على الصاج كله من تحت سواء الدواسه او عند الموتور والاجناب وورا الاكصدامات
الحمد لله كله سليم
وتحت الاستبن مافيهاش الهوا فبريكه وكله تمام
الحمد لله يعني مافيش غير الكارتيره بنت اللذينا دي اللي جننتني
والسعر يا هشام باشا 22 الف جنيه فقط لاغير
ايه رايك بقى؟؟فدايا البارومه صح؟
والسعر كده كان عشان صاحبتها جابت عربيه تانيه والظاهر اتزنقت في الفلوس وعايزه تبيعها وخلاص
ده غير الرفرف اللي مخبوط ومتصلح
فكان لازم تنزل السعر
انا قلتلها 22 الف ولو جابتلك اكتر من كده يبقى خير وبركه ولو مجابتش انا مش مستعجل
مع اني عايز العربيه فعلا
كمان انا حسبتها كده....
22 تمن العربيه+2 سمكره ودوكو+3 تكييف ياباني
وابقى راكب عربيه على مزاجي
تمام ولا انا حسبتها غلط؟؟؟
الله يبارك فيك
معلش اصل حكايه الشنطه دي مكنتش اعرف ان الفيات بتعملها انا كنت فاكرها متركبه فيها
ودي لوحه التكييف لكن مافيش تكييف
بص السعر طبعا ممتاز بس اهم حاجة حالة العربية شراء العبد و لا تربيتة على رأى المثل عموما السعر طبعا كويس بس أهم حاجة ترجع كل حاجة على أصلها علشان تحس انك راكب تمبرا مش 127 انا عندى سوبر فيورا بالمناسبة معايا من حوالى 20 سنة تقريبا و عارف حركاتها النص كم و أخبار العفشة اية بالمناسبة السعيدة و الشكمان اوعى تقولى كويسين أتمنى انهم يكونو كويسين بس أخبارهم اية
الدوكو الخارجى شكلة كويس مش متبهدل لو اتلمعت حا يبقى كويس بس شكلة مش دوكو الفابريكا هو دة مرشوش و لا لآ
الشكمان كويس الحمد لله متسمعش صوته غير الصبح بدري لما تسخن العربيه تحس انه فيه هزه خفيفه كده واول ما العربيه تسخن صوته بيروح وبتبقى تمام
العافشه بقى ياسيدي انا شايفها كويسه لكن هي كويسه ولا لا معرفش بصراحه هههههههههههه
لاني كان معايا جيب والجيب عفشتها ناشفه ولا العربيات النص نقل فلو حتقارن بالجيب يبقى عفشه التمرا زي الحرير
مقارنه بقى بعفشه عربيه والدي (اوبل فكترا )يبقى الفيات ماشيه من غير عافشه اساسا
هههههههههههههههههه
من ناحيه السعر على فكره انا اللي خلاني حموت على العربيه اني لو رحت اجيب عربيه 128 موديل 97
حتعمل 25 الف فطبعا السعر كده كان ممتاز على الاخر
انا اللي مضايقني ان اللي بيبيع مقلش على البارومه بس انا لو شفتها قبل ما اشتري بالسعر ده كنت خدتها برضو بس كنت خليت حد يبص عليها الاول
حسأله انشاء الله بس اشوفه في المنتدى
وانا بشكرك على اهتمامك وردودك عليا
وبشكر الاعضاء على المعلومات الكتير اللي استفدتها من مشاركاتهم
وبابا وماما والاهل والاحباب
ههههههههههههه
لا بجد انتو ناس ذوق جدا وخدومين
ربنا يباركلكم ويكفيكم شر الرادار
:ask:
هو عزبه شلبي اجازه يوم الاحد ولا المحلات فاتحه؟؟
يا جماعه انا بقالى يومين فى لمبه بترعش عندى فى التابلوه
انا حاولت ارسمها على قد ما اقدر
اهيه
http://i29.tinypic.com/b9fwqx.jpg
وقريت فى الكتالوج انها الفرامل الاماميه - دى بقى بتنور ليييه
صباح الفل يا ميكو مش عارف بصراحى لية بينور
انا بصيت على الزيت و شيكت على السلك كله تمام
بالنسبه للتيل هو فعلا ابتدا يصفر و الحوار ده جه فى بالى
بس السؤال اللى بيطرح نفسه بقى
هو فيه حساس فى التيل ولا ايه ؟؟ ولو موجود ده مكانه فين ده ؟
لو حضرتك كنت مزود زيت قبل اللمبه ما تعمل كده ممكن تكون حطيت زيت مش مناسب مثلا؟؟او دوت 3 على دوت 4 والعربيه مينفعهاش الكلام ده؟؟؟؟
انا بسأل عشان اديلك افتراضات لكن انا مش متاكد بصراحه
ومادام بتقول التيل بيصفر فممكن تكون دي لمبه للتيل فعلا وبالنسبه للحساسا انا اعرف ان فيه حساس فرامل في الاوبل فيكترا لكن مفيش حساس تيل فرامل على حسب نظام العربيه عندك يعني
لو راكب عندك التيل دة و متوصل السلك بتاعة http://img820.imageshack.us/img820/2019/showimageu.jpgدى صورة توضيحية http://img231.imageshack.us/img231/5332/dsc004112.jpg
طالما اللمبة بتنور يبقى تيل الفرامل عندك ليه فيشة طرف واحد بتركب فى فيشة موجودة فى العربية , صح ولا .... ؟؟؟
السلك اللى فى الفيشة بيبقى جوه خامة التيل و لما بيتاكل لدرجة ان يكشف السلك ده بيلمس فى الطمبورة و ياخد ارضى و يقفل الدايرة و ينورلك اللمبة
بالنسبة للزيت لو ناقص برضو حينور معاك لمبة , حصلت مع والدى بس مش فاكر كانت لمبة التيل و لا لمبة فرامل اليد
اغلب الظن كانت لمبة فرامل اليد , معلش الموضوع بقاله بتاع 4 سنين :)))
مايكل بيه الفيديو اللي في اللينك اللي في التوقيع بتاعك جامد جدا
انا صاحبي واخويا شغال في شركه اسمها كوميكس في المهندسين تسمع عنها؟؟وهو جرافيك برضو وخريج اعلام