رابطة مالكي وعشاق التمبرا (الجزء الأول)

**galilio_mad** · 28-03-2010 11:49 AM

المشاركة الأصلية كتبت بواسطة bonanza

شكرا يا دكتور ضياء
انا كنت عاوز اقول انها مش كبالن بس قولت اتأكد بردو

و شكرا يا جاليليو .. بس دلوقتي انا اعمل ايه ؟؟؟ اغير الكاوتشة دي بسرعة ولا ممكن بعد شهر مثلا لاني ناوي اظبط في العفشة بعد شهر ان شاء الله

و هل ده هايأثر علي علبة الدركسيون ؟؟؟ ولا مجرد اويل سيل بيتغير وخلاص ؟؟

انت عارف غلاوة علبة الدركسيون عندنا اد ايه يا ابوحميد ولازم نحطها في عنينا

المفروض تتغير بسرعة , و الاويل سيل مش بيتغير ببس الجماعة بتوع شامبليون بيفكوا العلبة بلدى و يعملوه ( كفتة طبعا )

و لكن !!!! , انا غيرتها 3 مرات فى شهرين و كل مرة الاقيها متفرتكة لان نوعيتها زبالة
وكل مرة باجيبها نوع مختلف , و فى الاخر زهقت و ماشى بيها مقطوعة
و بما ان العلبة عندى كانت مش قوى , قلت يلا فى داهية و لما تجيب اخرها حاغيرها ( من اكتر من سنة )

و شكلى لازم افضى نفسى واعمل شوية حاجات لحسن العربية ابتدت تتهاوى :)))

**galilio_mad** · 28-03-2010 11:54 AM

المشاركة الأصلية كتبت بواسطة caysersosaih

معلس يا جماعه أكيد ما كنتش قاصد اغلط بس الواحد بيشجعك انك ترد يا جاليليو

معالى الباشا , جل من لا يخطأ , و من غير الاخطاء مفيش حد بيتعلم

و ده احسن من اللى يروح لصنايعى يشتغله و يغيرله حاجات سليمة او يتعلموا فى عربيته
و تحت امرك فى اى حاجة يا دكتور :)

**caysersosaih** · 28-03-2010 02:08 PM

المشاركة الأصلية كتبت بواسطة galilio_mad

المفروض تتغير بسرعة , و الاويل سيل مش بيتغير ببس الجماعة بتوع شامبليون بيفكوا العلبة بلدى و يعملوه ( كفتة طبعا )

و لكن !!!! , انا غيرتها 3 مرات فى شهرين و كل مرة الاقيها متفرتكة لان نوعيتها زبالة
وكل مرة باجيبها نوع مختلف , و فى الاخر زهقت و ماشى بيها مقطوعة
و بما ان العلبة عندى كانت مش قوى , قلت يلا فى داهية و لما تجيب اخرها حاغيرها ( من اكتر من سنة )

و شكلى لازم افضى نفسى واعمل شوية حاجات لحسن العربية ابتدت تتهاوى :)))

انا غيرتها مره واحده من سنة ونص بس كانت أصلي من السجان في شارع دمشق

**adelco** · 28-03-2010 03:13 PM

السلام عليكم
ازيكم كلكم
واحد صاحبى بعتلى المعلومات دى حبيت اشاركم فيها
اتمنى تكون صحيحه ومفيده ولو فى حد عاوز يزود يبقى كتر خيره
سامحونى لو كانت فيها حاجه غلط
والمعلومات كالتالى:

عند اختيار إطار السيارة يجب مراعاة توصيات منتج السيارة وبعض العوامل التي تؤثر تأثيراً مباشرا على سلامة الإطار وعدم تعرضه للانهيار المفاجئ ومن هذه العوامل السرعة والحمل ودرجة الحرارة وضغط النفخ وظروف الاستخدام وحالة الطريق وملاءمة الإطار لطوق السارة فمثلا يميز الإطار تبعا للسرعة القصوى ويرمز لها برموز توضع على الإطار مثل سرعة 120كم/ ساعة يرمز لها l وسرعة 130كم/ ساعة يرمز لها m
الرمز a للظروف الحارة والاستوائية والعادية
الرمز b لظروف الحرارة العادية
الرمز c لظروف الحرارة المنخفضة
تاريخ الإنتاج عبارة عن أربعة أرقام : الأول والثاني من اليسار هما رقما الأسبوع
والثالث والرابع يدل على السنة فمثلاً 1503 يدل الرقم 15 على الأسبوع الخامس عشر والرقم 03 على سنة الصنع يعني 2003
منقول

**adelco** · 29-03-2010 02:16 PM

المشاركة الأصلية كتبت بواسطة bonanza

صح يا باشا
راجع الرابط ده و حمل ملف الـ pdf منه

من هنا

او حمل الملف من هنا

تحميل الملف

السلام عليكم
تسلم ايدك يا سيدى على المعلومات الجميله دى
بس العالم دى بتستهبل دول بدايه السرعه عندهم 140 كيلو
يا ترى دى مصر للطيران ولا طيران الامارات
ده انا لسه ما اعرفش اخر الرابع ولا جبت الخامس حتى
يا نهار ابيض
اوعوا حد يضحك او يتريق عليا هزعل منكم ولا اقول لكم اضحكوا بس من غير تريقه

**galilio_mad** · 29-03-2010 05:00 PM

الرابع ممكن يوصل 120-130
و الخامس ممكن يدخل فى 180-190 لو كل حاجة سليمة و الطريق نضيف قوى

**adelco** · 31-03-2010 09:43 AM

السلام عليكم
يا جماعه السرعات اللى بتتكلموا عليها دى اهدار للمال العام
ربنا ان شاء الله يعلمنى واقدر اهدر معاكم
لكن انا حاليا بلعب فى 60 :80
وبحاول اكسر الرقم ده بس لسه ما عرفتش وبانهج وصدرى بيقفش وبحس انى دايخ
والاقى رجلى راحت على الفرامل
اوعى حد يضحك او يتريق
عادل

**adelco** · 31-03-2010 09:44 AM

على فكره انا كتبت موضوع مهم جدا ياريت كل اخوانى يدخلو يقراوه
والرابط اهه
http://www.nilemotors.net/Nile/13778...post3872509899
عادل

-

-

الموضوع: رابطة مالكي وعشاق التمبرا (الجزء الأول)

LinkBack

أدوات الموضوع

عرض

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الثاني)

الكلمات الدلالية لهذا الموضوع

المفضلات

المفضلات

ضوابط المشاركة