سؤال لمحترفى الصوتيات بخصوص بانش 18

**wael_adel31** · 08-03-2009 04:37 PM

أنا اشتريت صبين بانش 18 وبيقومهم جى ام كينوود 600*2 يابانى.
السؤال هوا أنا عايز أعرف السعة اللترية بتاعت الصندوق الخاص بالصبين وهل لو الصندوق كبر ده هيفرق فى حاجة فى الصوت لأنى حاسس انهم عايزين صندوق أكبر .
وكمان الصندوق بتاعهم متبطن بلباد وكل صب مفصول عن التانى وفيه فتحتين مدورين من فوق وجواهم ماسورة 20 سنتيمتر,فهل لو كان مقفول خالص أحسن ولا ايه؟؟؟
وطبعا الصندوق معمول بنسبة ميل وأنا كنت شفت الناس اللى برة ومركبين صبات 18 بيركبوها فى صندوق مستطيل (من غير ميل ) + انه بيكون مقفول خالص
والصندوق عليه علامة ريكفورد بس أنا مش حاسس انه أصلى لأنى لما بعلى بحس بترزيع كأن الصب عايز حاجة أكبر.
معلش يارجالة أنا طولت عليكم وكمان كنت عملت سيرش على أبعاد الصندوق لل 18 وملقتش حاجة.
ألف شكر لسعة صدركم ومنتظر ردود عمالقة الصوت وأرائهم وهبقى أنزل أقيس الصندوق بالظبط وأبلغكم بمقاساته وشكرا مرة تانية.

**fahd_628** · 09-03-2009 02:01 AM

بص كدة فى الكتالوج بتاع الصب حتلاقى مكتوب اكيد فية السعة بتاعت الصندوق

**monmon_KNG** · 09-03-2009 02:14 AM

يا سلاااااااااااام ولاهي كانت تايها ولقيناها يا فهد بيقولك لسه شريهم واكيد قصدوا مستعملين فبالتالي من غير كتالوج ;-)

**KoDaK_Gti** · 09-03-2009 02:39 AM

بص يا وائل صبين 18 كتير على عربيتك والجى ام ضعيف عليهم (علشان تسمع صوتهم صح لازم جى ام بانش 1500 وات 2 تشانل وده طبعا معدى ال 2000 جنيه
انت لو عملت صندوق محترم لصب واحد بس هتسمع صوت أشد
وفعلا صندوقه بيكون كبير عاوزك تقيس عرض الصندوق من الجمب اد ايه
ولازم يكون فيه فتحة شكمان علشان تطلع الهوا من الصندوق
الشنطة عندك متخدش صبين 18 اصلا
انا لسة مشترى صبين 15 من التوكيل وعندهم صندوقهم جاهز
وركبناهم فى عربية لانسر كريستالة
الصندوق دخل بالعافية فى الشنطة
سؤال تانى معلش انت الجى ام اللى معاك 1200 وات ولا 600 ؟؟
وبص كده ع اللينك ده وشوف الصبين ال 18 لما يقومو صح بيعملوا ايه
http://www.youtube.com/watch?v=p7wVh...eature=related

**محمد فريد** · 09-03-2009 03:01 AM

طالما الجى ام بيقومهم كويس يبقى توكل وركبهم بس المهم هتركبهم فين؟
وانا والله برضه يا كوداك شفت صب سونى 15 مرمى فى صندوق عند واحد بيركب عدد وكده متخيلتش حجم صندوقه كبير جدا

**wael_adel31** · 09-03-2009 07:32 PM

الجى ام مستحيل يكون ضعيف عليهم ده 600*2 تو تشانل (((أصلى))) يعنى 1200 ار ام اس (يابانى).
على العموم هما أصلا راكبين وصوته زلزال وكله تمام بس أنا حاسس بالصب انه محتاج مساحة أكبر,على العموم هقيسلك الطول والعرض وأرد عليك.