هيونداى i10 ولا فيفا هاف ؟؟

**Ahmed Hamdy** · 08-03-2009 05:09 PM

محتار بين الـI10 والفيرنا فيفا
الـi10 عجبانى ومميزاتها:
تصميمها حلو وجديد وتكنولوجيا حديثة - الخامات المستخدمة حلوة وخامات الصالون وتصميمه حلو جدا - الكراسى حلوة ومريحة ومن جوه واسعة عكس مظهرها الخارجى - واخدة تقييمات كويسة جدا بره ..

عيوبها : موتور صغير شوية خايف مع التكييف يبقى ضعيف - شنطة صغيرة شوية .. جنوط 13 رفيعة شوية ..

الفيرنا الفيفا: معقولة وأنا شايف ان خاماتها وتقفيلها أحسن بكتير من المصرى الـ 1600 والميزة الوحيدة فى المصرى هى الموتور الأقوى والأحدث بس أنا رأيى انه مش فارق لان موتور الفيفا هو موتور الأكسنت القديمة وهو موتور كويس ومعقول جدا وكافى للطرق بتاعتنا واحنا الطرق عندنا يعنى مش فظيعة والجرى مقطع بعضه ..
مميزاتها: تتميز عن الـI10 بالموتور الأقوى والمساحة خاصة الشنطة ..

عيوبها: تكنولوجيا قديمة وتصميم عادى خاصة فى الصالون والتابلوه - الـ Interior بتاعها فاتح أوى وأعتقد حيبقى محتاج حرص ونظافة باستمرار وإلا حيبقى وحش أوى ..

رأيكوا ايييييييه ؟؟؟

**Hosam_Optrawy** · 08-03-2009 05:30 PM

انا شايف انك مقتنع بالفيفا
بس نصيحه بلاش الهاف
عشان ماتضايقش انك راكب زيرو 2009 ومفيش ولا ازاز كهربا ولا ولا ...

**Fadi Ezzat** · 08-03-2009 05:59 PM

خد نصحتى الهيونداى i10 هتقولى لية هاقولك توفرلك بنزين اول حاجة عربية شكلها شيك وصغير واحسن من الفيفا ومصنعيتها رخيصة جدا
وحتى اعادة البيع مش هتخسر فيها

**sasam6** · 08-03-2009 09:59 PM

خد نصحتى الهيونداى i10 هتقولى لية هاقولك توفرلك بنزين اول حاجة عربية شكلها شيك وصغير واحسن من الفيفا ومصنعيتها رخيصة جدا
وحتى اعادة البيع مش هتخسر فيها

دا الكلام الى مش مظبوط خالص
هى العربية بتغلى كل ما الموتور يصغر وفخمتها تقل دا كلام بردو
أنت عارف أسأل حد فى الشارع وألو على ال i10 أديها سعر مش هيؤللك أكتر من 30000الف
دى عربية يا أخى مش عارف بيركبوها أزاى وكمان بالسعر دة

**YaSSerwIN** · 08-03-2009 10:07 PM

بصراحة انا شايف ان الكيا البيكانتو والهيونداى ال I10 عربيتين كويسين جدا ً من ناحية صغر الحجم على الطريق تنجزك فى الزحمة موفرين جدا ً فى البنزين فى عضو هنا جايب الi10 وبيقول عامل 550 كيلو فى التفويلة

بس منحاز شوية لل I10 بسبب الكماليات الكتيرة الى فيها عن البيكانتو وشكلها الشيك

**Ahmed Hamdy** · 09-03-2009 02:57 PM

المشاركة الأصلية كتبت بواسطة sasam6

دا الكلام الى مش مظبوط خالص
هى العربية بتغلى كل ما الموتور يصغر وفخمتها تقل دا كلام بردو
أنت عارف أسأل حد فى الشارع وألو على ال i10 أديها سعر مش هيؤللك أكتر من 30000الف
دى عربية يا أخى مش عارف بيركبوها أزاى وكمان بالسعر دة

معلش اسمحلى أختلف معاك فى الموضوع ده .. المشكلة ان الناس فى مصر بتقيس العربية بالحجم وبس .. حضرتك روح اقعد فى الفيرنا واقعد فى الـ i10 وحتعرف الفرق فى الخامات والنضافة والتصميم وكل حاجة ..

**M.Osman** · 09-03-2009 04:54 PM

المشاركة الأصلية كتبت بواسطة Ahmed Hamdy

أنا بصراحة مقتنع بالـ i10 أكتر بس خايف أحتاج الشنطة وملقهاش أقول ياريتنى كنت جبت عربية كبيرة ..

والبالنسبة للفيفا الهاف بـ 63000 والفول بـ 67000 الفرق إزاز كهربا وسنتر ومرايات كهربا .. فى رأيى الإزاز والمرايات الكهربا مش مهم .. السنتر ممكن أركبه مش حيتكلف بيتيهألى 300 400 جنيه ..

لا ...
اوعى الهاف اوبشن... نصيحة

فى الهاف اوبشن مش هتلاقي ساعة و لا فتح الشنطة من الداخل و يمكن يكون زي المصري مفيش RPM كمان ... نصيحة اقرص على نفسك سنننة و هات الفل اوبشن ...

و بالتوفيق إن شاء الله