مشكله في الجين 2 ومش عارف حلها !!!!!!!

بسم الله الرحمن الرحيم

الاخوه اعضاء منتدي بروتون الكرام
انا حجيب الموضوع معاكوا من الاخر علشان مطولش عليكوا

المهم المشكله تعتبر بسيطه جداًجداً و شكلها عبيط اوي بس للاسف مزعلاني اوي و مش عارف حلها فين

الفكره كلها تتلخص في الاتي ان العربية عندي ساعات اجي اجبها علي وضع ال Start في الكونتاكت و العربية متدورش و لا مارش و لا اي حاجة خالص خالص يدوب بس المض الي في التابلوه تنور و تعمل ال Check بتاعها و لكن العربية متدورش
اروح انا مرجع العربية علي وضع LOCK و احاول ادورها تاني تدور العربية ممكن من اول محاوله و ممكن بعد حوالي مرتين بهذه الطريقه

وطبعاً انا دخت علي حل للمشكله دي و مش عارف اعمل ايه يا جماعة و رحت لكهربائي اعرفه علشان يعمل Check علي العربية و قالي مفيش مشكله المارش سليم و اتوماتيك المارش سليم و من قبلها رحت التوكيل و للاسف الموضوع دا محصلش معاهم و برده اكيد لو حصل من حيكون فيه رد ( و انا بصراحة مش عايز لعب في العربية علي الفاضي )
ولكن العربية بعد ما بتدور و لا الهوا بتبقي طبيعيه جداً في الاداء بتاعها علي الطريق
ياريت يا جماعة تشركوني بخبرتكم في الموضوع دا لاني بصراحة مش عارف اعمل ايه :U_thin1[1]:

ولكم جزيل الشكر

انت لسة ماوصلتش لحل طيب والبطارية اتغيرت ولا لسة طمنى :Zb_sor1[1]:
ربنا يوفق

اقتباس:

---

المشاركة الأصلية كتبت بواسطة khpopo

انت لسة ماوصلتش لحل طيب والبطارية اتغيرت ولا لسة طمنى :Zb_sor1[1]:
ربنا يوفق

---

لالا يا خالد لسه
بس تفتكر البطارية هي المشكله ....... خايف اغيرها و متتطلعش المشكله منها !! !!
شاكر جداً لاهتمامك يا خالد

ياريت يا جماعة مزيد من المشاركات علشان نوصل لحل اكيد في الموضوع دا

السلام عليكم اعتقد اخى الكريم ان العيب ممكن يكون من تلميسه فى الكونتاكت نفسه و الله اعلى و اعلم

انا اعتقد ان المشكلة فى الكودنج بتاع المفتاح نفسه

اعمل كودنج للمفتاحين و ريسيت لكومبيوتر العربية نفسها موش الريسيت بتاع الانذار اللى موجود فى العربية و شوف معاهم فى التوكيل القصة هاتمشى ازاى

وان الموضوع ماحصلش فيه تقدم عليك و على المركز الرئيسى فى ابو رواش

اقتباس:

---

المشاركة الأصلية كتبت بواسطة ahmedsiyam

انا اعتقد ان المشكلة فى الكودنج بتاع المفتاح نفسه

اعمل كودنج للمفتاحين و ريسيت لكومبيوتر العربية نفسها موش الريسيت بتاع الانذار اللى موجود فى العربية و شوف معاهم فى التوكيل القصة هاتمشى ازاى

وان الموضوع ماحصلش فيه تقدم عليك و على المركز الرئيسى فى ابو رواش

---

و الله يا استاذ احمد انا تعبت من الموضوع دا
بس في سؤال مهم تفتكر لو العيب في الكود مش علي الاقل حتلاقي المارش يلف بس الموتور مش حيدور و لا ايه رأي حضرتك
وايه الي يخلي الكود بتاع المفتاحين يحصلهم حاجة ؟؟ّ!!!!!
انا مش عارف اعمل ايه الموضوع دا منرفزني جداً جدً
وشاكر جداً ليك يا استاذ احمد

إن شاء الله المشكله تتحل بس انا شايف انك من الافضل تروح التوكيل وأكيد هما عندهم الحل

اقتباس:

---

المشاركة الأصلية كتبت بواسطة elmadawy

إن شاء الله المشكله تتحل بس انا شايف انك من الافضل تروح التوكيل وأكيد هما عندهم الحل

---

بيني و بينك انا روحت قبل كدا و شرحت الموضوع و قالي العيب امبليزر بعد ما حطلها علي الجهاز (وقالي مش حتعمل كدا تاني ) و برده مافيش فايده و انا بصراحة مش عايز لعب في العربية كتير

انا بصراحة ما عنديش خبرة في الموضوع ده، لكن كل اللي اقدر اقوله، إنه مستحيل يكون بسبب البطارية. البطارية لو فيها حاجة بتمنع التدوير، ما كانتشي دارت خالص الا بالزق.

اقتباس:

---

المشاركة الأصلية كتبت بواسطة saidbakr

انا بصراحة ما عنديش خبرة في الموضوع ده، لكن كل اللي اقدر اقوله، إنه مستحيل يكون بسبب البطارية. البطارية لو فيها حاجة بتمنع التدوير، ما كانتشي دارت خالص الا بالزق.

---

فعلاً انا فكرت و لاقيت انها مش ممكن تكون بطارية
بس اشمعني العربية ظهر فيها العيب دا بعد ما خلصت من التصليح من التوكيل (بسبب حادثه ) مع العلم ان ما فيش اي اجزاء ميكانيكيه اضرت خالص وكل الشغل كان سمكره ودهان فقط
شاكر جداً ليك يا استاذ سعيد

اقتباس:

---

و الله يا استاذ احمد انا تعبت من الموضوع دا
بس في سؤال مهم تفتكر لو العيب في الكود مش علي الاقل حتلاقي المارش يلف بس الموتور مش حيدور و لا ايه رأي حضرتك
وايه الي يخلي الكود بتاع المفتاحين يحصلهم حاجة ؟؟ّ!!!!!
انا مش عارف اعمل ايه الموضوع دا منرفزني جداً جدً
وشاكر جداً ليك يا استاذ احمد

---

يا حبيب قلبى انا حصل معايا نفس اللى حصل معاك بالظبط
ادور العربية اللمبات تنور و الكهرباء واصلة بس المارش مابينطقش و اى حاجة شغالة ماعدا الموتور

اسمع كلامى لانه عن خبرة و حصل الموقف ده معايا بالفعل

اقتباس:

---

انا بصراحة ما عنديش خبرة في الموضوع ده، لكن كل اللي اقدر اقوله، إنه مستحيل يكون بسبب البطارية. البطارية لو فيها حاجة بتمنع التدوير، ما كانتشي دارت خالص الا بالزق.

---

سؤال للاخ سعيد بكر
اكيد حضرتك عارف يعنى ايه ايموبلايزر بحكم خبرتك فى مجال المحركات
انما تعرف ازاى بيشتغل فى الجين 2 ؟؟؟

اقتباس:

---

المشاركة الأصلية كتبت بواسطة momenhamdy

بس اشمعني العربية ظهر فيها العيب دا بعد ما خلصت من التصليح من التوكيل (بسبب حادثه ) مع العلم ان ما فيش اي اجزاء ميكانيكيه اضرت خالص وكل الشغل كان سمكره ودهان فقط

---

والله انا خايف من الحته دى يامؤمن لانى باردوا العربيه عندى يتتصلح وخايف لما استلمها ..يكونوا البهوات اللى هناك خربولى كام حاجه جواها ..ربنا يسترhttp://i32.photobucket.com/albums/d4...mileys/sad.gif

وربنا يوفقك للحل السليم ومشكلتك تتحل ان شاء الله..

اقتباس:

---

المشاركة الأصلية كتبت بواسطة ahmedsiyam

يا حبيب قلبى انا حصل معايا نفس اللى حصل معاك بالظبط
ادور العربية اللمبات تنور و الكهرباء واصلة بس المارش مابينطقش و اى حاجة شغالة ماعدا الموتور

اسمع كلامى لانه عن خبرة و حصل الموقف ده معايا بالفعل

---

انا عارف و الله يا استاذ احمد ان حضرتك مش ممكن حتقول علي حاجة مش حتكون عن تجربة او خبره انا فاهم الكلام دا كويس اوي اوي :S_thum1[1]:
بس الفكره كلها الي انا عايز اعرفها ليه المفتاحين راحوا منهم التكويد (دا اولاً )
السؤال التاني التوكيل هو الي بيعمل اعاده تكويد و لا اي من محلات الي بتعمل المفاتيح المشفره
وهل لو التوكيل عملهم بيعملهم في نفس الوقت و لا العميله بطول معاهم

وياريت يا استاذ احمد تقولنا عملت ايه لما حصل معاك الموضوع دا ( اتصرفت معاهم ازاي )
وشاكر جداً لاهتمامك البالغ بالموضوع

اقتباس:

---

المشاركة الأصلية كتبت بواسطة Ayman_52

والله انا خايف من الحته دى يامؤمن لانى باردوا العربيه عندى يتتصلح وخايف لما استلمها ..يكونوا البهوات اللى هناك خربولى كام حاجه جواها ..ربنا يسترhttp://i32.photobucket.com/albums/d4...mileys/sad.gif

وربنا يوفقك للحل السليم ومشكلتك تتحل ان شاء الله..

---

مون حبيب قلبي ازيك ..... ياراجل متقلقش مش للدرجة دي يابني وبعدين انت اخبار عربيتك ايه الوقتي وصلت لايه معاهم ؟؟
يارب يكون كله تمام و ترجع احسن من الاول :S_thum1[1]:

طبعا انت أكيد روحت التوكيل في الاسكندرية طيب ما تجروب معلش وتخبط مشوار او لو عندك اي مشوار في القاهرة وتروح التوكيل في القاهرة وطبعا انت عارف انه في الصحراوي يعني علي نفس السكه ويمكن هناك يكون عندهم الحل إن شاء الله

جرب كدة المفتاح التانى !!!!

ممكن يكون العيب فعلا من المفتاح

اقتباس:

---

المشاركة الأصلية كتبت بواسطة elmadawy

طبعا انت أكيد روحت التوكيل في الاسكندرية طيب ما تجروب معلش وتخبط مشوار او لو عندك اي مشوار في القاهرة وتروح التوكيل في القاهرة وطبعا انت عارف انه في الصحراوي يعني علي نفس السكه ويمكن هناك يكون عندهم الحل إن شاء الله

---

و الله يا استاذي الفاضل انا ممكن اروح ابورواش بس فعلاً انا معنديش وقت
وشاكر جداُ لاهتمامك

اقتباس:

---

المشاركة الأصلية كتبت بواسطة fahd_628

جرب كدة المفتاح التانى !!!!

ممكن يكون العيب فعلا من المفتاح

---

يعني ممكن يا استاذ فهد يحصل كدا للكود بتاع المفاتحين زي ما قال الاستاذ احمد
وهل اعاده التكويد دي سهله يا استاذ فهد ؟؟؟
وشاكر جداً ليك