سؤال ملوش دعوه بالعربيات بس ليه دعوه بالمرتبات اللى بتشترى العربيات :)
انا سامع ان فى شركات ابتدت تمشى ناس والبنوك ابتدت بس مش متأكد
عرض للطباعة
سؤال ملوش دعوه بالعربيات بس ليه دعوه بالمرتبات اللى بتشترى العربيات :)
انا سامع ان فى شركات ابتدت تمشى ناس والبنوك ابتدت بس مش متأكد
أيوه فيه فعلا
في شركات كتير في مجالات مختلفة بتجمد نشاطها
انا شغال فى السياحة وفى توقف وتجمد فى النشاط فقط ولكن مش فصل او تمشية زى عنوان الموضوع ..
عند اخويا في شركة ادويه فرنسيه ..وقفوا التعيينات مع الابقاء على الموظفين اللي شغالين وبقى فيه شويه تلاكيك وقريفه علشان يمشوا اي حد
واحد صحبي شغال في شركة و الراجل بقالة سنتين و زي الفل راحو مشوه و مشوا ناتس تانية كتير
لا حول ولا قوة الا بالله
قريبي فى شركة الشرق للتامين .
وتقريبا بيمشوا الموظفين هناك بالعشوائية كده وبيحاولوا يتخلصوا من اى موظف هناك ..
فعلاً في شركات بتمشي ناس
وسمعت عن مهندسين سرحوا
في المصانع وبعض المكاتب
والله أعلم
معقول ده يا جماعه ده الشركه اللى شغال فيها بتوظف ناس لسه وممفيش نيه انها تمشى حد
الشركة اللي أنا فيها سرحت 17 ألف موظف على مستوى جميع فروعها في العالم
بس مدير الفرع بتاع مصر راجل محترم مش عايز يمشي حد لأنه مصري زينا
واضح ان احنا داخلين على ازمه
ربنا يستر
التعينات توقفت تماما والزيادات السنوية والحوافز والأضافي خلاص بح ... الى اجل غير مسمى ... الحمد لله الواحد لسه شغال ... بس فعلا بأسمع كتير من الزملاء و الاصدقاء ان بعض الشركات ابتدت تمشي الموظفين.
معظم شركات البرمجه في اسكندريه بتصفي العماله
فرعنا في دبي سرح 500 موظف....و معظمهم خبرات و أجانب + كل العمليات في دبي متوقفة تماماً
هنا في مصر مجمدين التعيين بقالنا شهرين أهو
حاجة بس أحب أقولها....اللي بيشتغل في مكان دلوقتي اوعي يفكر يسيبه بدافع زيادة المرتب أو تحسين الظروف...امسك فيه بإيدك و سنانك...لحد ما يبنلها بينه
شركات الخدمات زي المحمول و الدي اس ال لسة الازمة موصلتش ليها و الحمد لله
مخالفة القاعدة 6ب من قواعد المنتدى
إدارة المنتدى - 3
الارزاق بيد الله
لا تقلقوا كل واحد ليه رزق محدش هيعرف يمنعه عنه
حلو قوى كمان 6 سنين أكون خلصت كلية و جيش و يكون كل الناس الى إترفدوا إنتحروا و أنا أشتغل على طول:049:
بس أكيد الكلام دا فى الشركات الأجنبية بس أو قلة فى المصرى لأن الأجنبى هو الى متلط أكتر من الأزمة الإقتصادية
ربنا يستر و يعدى الأيام دى على خير:ask:
شركتنا مشت 1500 موظف على مستوى العالم
وفي تلاكيك لأي واحد يعمل أي غلطة صغيرة عشان يمشوه
في النهاية من يوقن أن الرزق بيد الله هايكون مرتاح نفسيا وربنا هايكرمه
المهم اليقين
==
عمرو
==
اقتباس:
المصريين شعب بيحب انه يقلد بعضه!!!
إمسك تليفون نوكيا ، وإركب لانسر بومة تبقى وصلت لبر الأمان
وكما قال الشاعر الكبير في وصف المصريين
اللي بيمسك تليفون نوكيا شو بنقوله (شاطر شاطر)
واللى بيركب لانسر بومة شو بنقوله (شاطر شاطر)
معلش عندي فضول أعرف ايه اللي بينك و بين اللانسر بومة؟ :U_thin1[1]:اقتباس:
محل السكن: أحلم بمدينة بدون لانسر (بومة) في الشوارع
Car: أكيد مش لانسر (بومة)
قريبي مهندس في إكسون موبيل
إستغنو عنه الشهر ده ..... ومش لوحده .... ناس كتير
ربنا يستر
ياريت كل واحد يقول المجال اللي هو بيتكلم عليه علشان يبقي عندنا فكره انهي مجالات بتسرح موظفين اكتر...
مقاولات - تشييد - بناء
مفيش بيني وبينها أي حاجة
بس انا بكره التقليييييييييييييييييييي ييييييييييييييييييييييييي ييييد
الشعب ده عبارة عن ناس بتقلد بعضها وخلاص
واحد يفتح محل بقال 10 يفتحوا حواليه بقالين
واحد يشتري بنطلون كل اصحابه يشتروا نفس النوع
أي مطرب يطلع في برنامج تليفزيوني ويطلبوا منه يغني يروح مغني أغنية أكدب عليك لورده
90% شايلين تليفونات نوكيا رغم ان في أنواع احسن
حتى البنات بتقلد بعض في اللفات العجيبة إللي بيعملوها في الطرح
وبشوف ان ظاهرة التقليد بتتجلى بأبشع صورها في اللانسر البومة
لما الواحد يبقى ماشي في الشارع والاقي بومة على يميني وعلى شمالي وقدامي وورايا أكيد الواحد هايتعقد
والله بخاف ابص في السما احسن الاقيها طايره في الهوا (ماهي بومة بأه :44:)
وانا دايما بقول التفاح فاكهة حلوة بس لو الواحد فضل ياكلها طول اليوم ويلاقي المحلات كلها بتبيع تفاح أكيد هايزهق من التفاح
التويوتا كويسة الهوندا كويسة الدايهاتسو كويسة المتسوبيشي كويسة السوبارو كويسة النيسان كويسة وكل ماهو ياباني كويس إشمعنى البومة بس
تقليد وخلااااااااااااااااص
وأسف للإطالة والخروج عن الموضوع
==
عمرو
==
انا فى اداره موارد المعلومات (الحاسب الالى ) فى بنك حكومه ولسه متعيين ناس جديده وفى ناس هاتتعين الشهر اللى جاى بس كله عقود
فعلا الحكومه افضل من الخاص
بص اطمن القطاعات المصرفيه وقطاعات خدمات شركات البترول هيه بس اللي بيسرحوا ( مش كل الشركات بتعاني صعوبه بس الشركات اللي كان ليها عمليات جامده لأن السوق قفل مره واحده وفي الات راسماليه هما جابوها اتركنت فالكوادر اللي كانو بيجهزوها عشان تشتغل وقفوهها عن العل فتره الى حين ميسره) .... حد فاهم حاجه؟!!!
أنا شغال محاسب في أحدي الشركات المتخصصه في دهانات السيارات بدون ذكر أسماء الشركه اللي أنا فيها بتعمل البويات بتاعة شركات كتير في مصر منها جنرال موتورز ومرسيدس وبي أم والأمريكيه وغيرها الشركات دي كلها قللت أنتاجها كتير فبالتالي مابقاش في طلب كتير علي البويه اللي أحنا بنعملها وبالتالي أصحاب المصنع أضطروا انهم يمشوا ناس كتير في الشركه مع العلم ان الصناعه دي وطنيه محليه
المشكلة انها مجموعة حلقات كلها متصل ببعض...
يعني تخيل واحد من الأجانب اللي بشتغلوا في مصر تم ترحيله مره أخري الي بلده بدافع خفض النفقات...هتلاقي الأتي:
1- الشقة اللي كان مأجرها بالدولار فضيت
2- العربية اللي كان مأجرها وقفت
3-الأكل اللي كان بيشتريه مبقاش موجود
4- الموبايل اللي كان بيستخدمه محلي و دولي بح
5-تذاكرالطيران السنوية و الفسح مافيش
6- حجوزات الفنادق انسي
7-السواق اللي كان سايقله بالسلامة
فا لو قعدت تشوف كل حاجة من دول و تمشي وراها هتلاقي ان كل حاجة بتأثر علي التانية و الموردين لهذه السلع و الخدمات هايضطروا آسفين لتخفيض عدد العمالة!!!
في رأيي إن الشركات المالتي ناشيونال بعد ما كانت نعمة للناس اللي شغالين فيها بقت لعنة دلوقتي لانها اكتر شركات اتأثرت بالأزمة و غالبا هيبقوا اول شركات بتمشي ناس
محاسب
و الششركة الي انا كنت فيه من حوالي 9 شهور
لسة ممشين كل المحاسبين القدامى
القرار طلع بالأستغناء عن خدمات المحاسبين القدامي بالشركة
ععدهم 6 بالتمام و الكمال
و سابوا الي لسة متعينين جديد
علشان فرق المرتب بين القديم و الجديد تقريباً 3 أضعاف
بس بصراحة هية شركة زبالة اصلاً و الحمد لله اني سبتهم في الوقت المناسب
على فكره لسه المسأله مش ملحوظه اوي في مصر لحد دلوقتي
هيبان اكتر على اخر السنه دي 2009
في الامارات في ناس كتيييييييييييييير نزلت خاصه من شركات العقارات والسمسره والبنوك اللي كانت شغاله بشكل اساسي على القروض العقاريه
وحكومه دبي تحاول جاهده توفير سيوله لاتمام المشاريع التي تم البدأ فيها
وهناك مشاريع عقاريه ضخمه تم الغاء تنفيذها
وبالقياس على ما سبق لازم الشركات الصغيره العقاريه ترفع الرايه البيضاء
والكبيره تخرج من مرحله جني الارباح لمرحله الحفاظ على الكيان حتى مرور الازمه التي على احسن التقديرات تنتهي في 2010
الايام اللى جايه صعبه على كله يا جماعه ... الشركات يا اما بتمشى ناس , او بتلغى الزيادات السنوية والارباح حتى لو الشركة محققه ارباح فعلا , ربنا يعدى السنه دى على خير
حاجة ظريفة حصلت فى شركة واحد صاحبى
الناس هناك على قدهم المرتبات تتروح بين 500 الى 700
فجأه راحم مزدين الناس كلها تقريبا 300 جنيه على الاقل
الناس استغربت مفيش شغل ودول بيزود المرتبات
أول شهر الناس قبضت المرتب لكن تفاصيل المرتب كانت متغيره
الناس قالت عادى المهم الفلوس
الشهر اللى بعده الكل قبض النص تقريبا ولما الناس اعترضت قالوا لهم يا جماعه الشهر ده مفيش حافز انتاج - الناس بمنتهى الطيبة سألوا ايه هو حافز الانتاج
قالوا ديه مكافأه احنا بنديها ليكم علشان تزودا الشغل - طيب مهو مفيش شغل نعمل ايه - الرد الطبيعى والله هو ده اللى عندنا واللى عجبه
بالمناسبة المصنع ده فى 6 اكتوبر للى عايز يشتغل فيه