ما معنى ان الموتور بيسقف
و كمان ما هو المقصود بالغيار العكسى علشان انا كتير اسمع هذه التعبيرات لكن ما اعرفش ماذا تعنى
عرض للطباعة
ما معنى ان الموتور بيسقف
و كمان ما هو المقصود بالغيار العكسى علشان انا كتير اسمع هذه التعبيرات لكن ما اعرفش ماذا تعنى
الموتور بيسقف يعني واخد غيار عالي بعني ان سرعه السياره لا تتناسب مع غيار الفتيس يعني بتكون حضرتك ماشي على 40كم مثلا ومديها الرابع او الثالث مثلا تلقي السياره بتسقف او بتكركر فلازم تديها غيار عكسي بمعني انك تنزل على التاني لو كنت ماشي على الثالث على سرعة 40 كم مثلا والعربيه سقفت او كركرت
وممكن يكون التسقيف نتيجه ان الموتور مش مضبوط عايز ضبط كهرباء او نوع البنزين 80 مثلا
لاكن الغيار العكسي هو انك تنزل بلغيار عن الى انت ماشي عليه .
طاب مثلا احيانا اكون ماشى و عاطى الغيار التالت و اضطر انى اقلل سرعتى يمكن لحد 10 كم و انا لسة على التالت و اطلع بعد كدة على طول لحد 60 كم ثم اجيب الرابع و الحمد لله مش باحس باى كركرة فهل فى مشكلة من كدة و لا لازم اجيب التانى و هكذا (هى مسالة كسل بس)
و الف شكر يا استاذ احمد
لو مش بتكركر بيكون مافيش مشكله بس احسن انك تديها التاني علشان الموتور يستريح ويكون على طبيعته وفي نفس الوقت تستجيب السياره معاك على طول فى المشي
ولو المساله مساله كسل ركب اوتوماتيك احسن
يسمع منك ربنا يا احمد باشا هو الميكانيكى لعب فى دماغى و بيقولى ممكن يخليها اتوماتيك بس ما رضيتش
بس الحمد لله موسم الصيف خلص عندنا فى اسكندرية و الزحمة قلت و مش ح يبقى فى توقفات كتير
هو انت عاربيتك نوعها ايه
بيجو 405
يا باشا ممكن تركب فتيس اوتوماتيك فى العربيه بس ده هياخد شغل كتير وتغيير حاجات كتير لو عندك استعداد للتغير انا اعرف ناس كويسين جدا ومتخصصين في البيجو ممكن نعمل مقايسه بالتغيير ونشوف هتتكلف كام والوقت اد ايه ؟
بس المشكله من وجه نظري انها في القاهره
و الله يا استاذ احمد انا مش من انصار التعديل لانى باعتقد ان مهما كان كفاءة اللى ح يعدل لا يمكن ح تكون زى الفابريكة و اكيد ح تظهر مشاكل حتى لو مش ح تظهر فورى انما ممكن تظهر على المدى البعيد ده رأى و الله اعلم
يعنى مثلا الغيار العكسى ده هو الكيك داون ولا ايه