ما هو المقصود

**hic** · 03-09-2007 02:05 PM

ما معنى ان الموتور بيسقف
و كمان ما هو المقصود بالغيار العكسى علشان انا كتير اسمع هذه التعبيرات لكن ما اعرفش ماذا تعنى

**tandeshaker** · 03-09-2007 02:44 PM

الموتور بيسقف يعني واخد غيار عالي بعني ان سرعه السياره لا تتناسب مع غيار الفتيس يعني بتكون حضرتك ماشي على 40كم مثلا ومديها الرابع او الثالث مثلا تلقي السياره بتسقف او بتكركر فلازم تديها غيار عكسي بمعني انك تنزل على التاني لو كنت ماشي على الثالث على سرعة 40 كم مثلا والعربيه سقفت او كركرت
وممكن يكون التسقيف نتيجه ان الموتور مش مضبوط عايز ضبط كهرباء او نوع البنزين 80 مثلا
لاكن الغيار العكسي هو انك تنزل بلغيار عن الى انت ماشي عليه .

**hic** · 03-09-2007 02:57 PM

طاب مثلا احيانا اكون ماشى و عاطى الغيار التالت و اضطر انى اقلل سرعتى يمكن لحد 10 كم و انا لسة على التالت و اطلع بعد كدة على طول لحد 60 كم ثم اجيب الرابع و الحمد لله مش باحس باى كركرة فهل فى مشكلة من كدة و لا لازم اجيب التانى و هكذا (هى مسالة كسل بس)
و الف شكر يا استاذ احمد

**tandeshaker** · 03-09-2007 03:01 PM

لو مش بتكركر بيكون مافيش مشكله بس احسن انك تديها التاني علشان الموتور يستريح ويكون على طبيعته وفي نفس الوقت تستجيب السياره معاك على طول فى المشي
ولو المساله مساله كسل ركب اوتوماتيك احسن

**hic** · 03-09-2007 03:06 PM

يسمع منك ربنا يا احمد باشا هو الميكانيكى لعب فى دماغى و بيقولى ممكن يخليها اتوماتيك بس ما رضيتش
بس الحمد لله موسم الصيف خلص عندنا فى اسكندرية و الزحمة قلت و مش ح يبقى فى توقفات كتير

**tandeshaker** · 03-09-2007 03:08 PM

هو انت عاربيتك نوعها ايه

**hic** · 03-09-2007 03:18 PM

بيجو 405

**tandeshaker** · 03-09-2007 03:25 PM

يا باشا ممكن تركب فتيس اوتوماتيك فى العربيه بس ده هياخد شغل كتير وتغيير حاجات كتير لو عندك استعداد للتغير انا اعرف ناس كويسين جدا ومتخصصين في البيجو ممكن نعمل مقايسه بالتغيير ونشوف هتتكلف كام والوقت اد ايه ؟
بس المشكله من وجه نظري انها في القاهره

**hic** · 03-09-2007 03:30 PM

و الله يا استاذ احمد انا مش من انصار التعديل لانى باعتقد ان مهما كان كفاءة اللى ح يعدل لا يمكن ح تكون زى الفابريكة و اكيد ح تظهر مشاكل حتى لو مش ح تظهر فورى انما ممكن تظهر على المدى البعيد ده رأى و الله اعلم

**عزوز** · 03-09-2007 07:08 PM

يعنى مثلا الغيار العكسى ده هو الكيك داون ولا ايه

الموضوع: ما هو المقصود

LinkBack

أدوات الموضوع

عرض

-

-

-

-

-

المواضيع المتشابهه

ايه المقصود بالرسالة دى ؟؟؟؟؟

شكر خاص لأحمد عبد المقصود

الكلمات الدلالية لهذا الموضوع

المفضلات

المفضلات

ضوابط المشاركة