-عايز اعرف اذا كان حساس الاكسجين هو هو حساس الشكمان ؟
-فين مكانه بظبط؟
-ممكن يكون بايظ بس لمبة تشك انجن متنورش؟
عرض للطباعة
-عايز اعرف اذا كان حساس الاكسجين هو هو حساس الشكمان ؟
-فين مكانه بظبط؟
-ممكن يكون بايظ بس لمبة تشك انجن متنورش؟
اة
الى راكب فى فرن الشكمان
لو فية مشكلة هتلاحظ مشاكل فى حرق و استهلاك البنزين
.....فيه ناس بتقول أن لو فقدت أشارته اللمبه مابتنورش بتاعة الأعطال.....,انا بأقول غير كده ( المفروض اللمبه تنور )....لأن له علاقه بعملية التحكم بتاعة المحرك....وعند حدوث أخفاق فى عمله ( المفروض يسجل كود عطل معين واللمبه تنور ) http://www.nilemotors.net/Nile/showthread.php?t=60684اقتباس:
ممكن يكون بايظ بس لمبة تشك انجن متنورش؟
بس انا قبل كدة كان عندى ال tps بايظ لكن الميكانيكى عرفه من صوت العربية لان فى السلانسيه صوتها كان بيعلى و يوطى لوحده من غير لمبة تشك بعد كده ظهرت لمبة تشك و كشف بالكمبيوتر وطلع فعلا tps
انا بقى قصدى ان ممكن يكون فى خطأ قرأة و ليس عطل كامل
ال tps عندك كان بيودى أشاره تعبانه (ممكن يكون اللينك بينه وبين البوابه ..هو اللى كان متنى أو الزراع المتحرك بتاع الحساس هواللى متنى)....وكده بتروح أشاره برضه لوحدة التحكم ( علشان كده لمبة الأعطال مش حتنور فى الحاله دى )..................علشان فيه أشاره ومش مظبوطه رايحه للوحده (والوحده متعرفش غيرأن رايحلها أشاره وبس وملهاش دعوه الأشاره جامده ومظبوطه وبتعبر عن وضع طبيعى وحقيقى للبوابه ولا أشاره تعبانه )...لأن الوحده دى حاجه (هارد وير ومتبرمج وخلاص ) يعنى متقدرش تقكر زى العقل البشرى ( وكفايه أن العقل البشرى هو اللى عاملها.)........مش كده ولا أيه_ أما حساس الأكسجين يا أبيض يا أسود (ده اللى أنا فهمه )
بالنسبة لحساس الأكسجين ساعات كتير بيكون بيودع ومنتهي ومش مدي أي إشارة عطل ولا لمبة التشيك بتنور وده عن تجربة، وبتتعرف من معدل القراءة بتاع الحساس . يعني هو المفروض بتحرك ما بين 250 إلى 750 تقريباً ساعات يكون ثابت عند 250 وبالتالي هو بايظ أو بيودع، وبيتعرف من استهلاك البنزين وغيره، وده حصل عندي وغيرته.
الصراحه الموضوع ده غريب.....وطبعا أكيد التجربه أكبردليل عن الوضع النظرى_ بس هل لمبة الأعطال شغاله عندك كويس (بمعنى بتنور أول ما بتفتح كونتاكت )
وطبعا أنا معاك....لو بيودى أشاره أو بيودع (فكده نحن متفقين )......أن اللمبه مش حتنور (لأن فيه أشاره حتى ولو الأشاره هزيله ولا تعبر عن وضع حقيقى لنسبة الأكسجين فى العادم ).........أما لو الحساس فاصل أشا ره كلية عن وحدة التحكم أو الفيشه فيها مشكله زى عدم أتصال جيد....... ...فلازم اللمبه تنور وألا فيه مشكله فى دايرة اللمبه بتاعة الأعطال.....وده نفس الكلام اللى قولته أنا عن حساس الtps فوق......
لمبة التشيك مش بتنور نهائيا لو حصل اى حاجة فى سنسور الاوكسجين
عن تجربة فك الفيشه بتاعت السنسور وامشى بيها ولا هاتحس بأى حاجة
بس اعتقد انك هاتحتاج بنزينة ماشية وررااااااااااااك
انا عايز اعرف هل حساس الاكسجين ده موجود في كل الموديلات بتاعت اللانوس ؟؟ انا عربيتي 2002 هاف اوبشن هل فيها حساس اكسجين ولا لا ؟؟ اصل عندي استهلاك البنزين عالي قوي
مسميات مختلفة لنفس الحساس
فى فرن الشكماناقتباس:
-فين مكانه بظبط؟
yesاقتباس:
-ممكن يكون بايظ بس لمبة تشك انجن متنورش؟
الحساس ممكن يدى قراية خاطئة و دة يعتبر بايظ لكن الكونترول شايف ان الحساس بيدى قرايد داخل المدى الطبيعى للحساس و بالتالى اللمبة مش حتنور
انا قبل كدة فكينت فيشة الحساس و اللمبة منورتش
MMamdouh
بالضبط... ممكن الحساس يدى قراية مخالفة للطبيعى بس الكونترول ميعتبرش دة خطاء و بالتالى اللمبة متنورش
لما الTPS بباظ عندى اللمبة منورتش
MMamdouh
لانوس 2
هاف اوبشن
يبقى معندكش حساس اكسجين... انت عندك بوتنشيوميتر
راجع الموضوع المثبت و افتح موضوع "مواتير اللانوس المختلفة" لمزيد من المعلومات
MMamdouh
لو حساس الشكمان بايظ لازم يصحبة دخنة من الشكمان لان الحرق بيكون مش مظبوط بسبب الأشارات الي مش مظبوطة
وهتلاقي البوجيهات مهببة كمان طلعة سوداء بدل ما تحرق ابيض واستهلاك عالي جدا في البنزين
ده الي حصل معايا
الكلام دة على حسب معلوماتي الضعيفة محدش يخدها مسلمات :U_thin1[1]:
والكمبيوتر هو الي بيحكم في النهاية
طب ولو حساس tps بايظ إيه هو تاثيره على العربية وهل بيأثر في استهلاك البنزين برده؟؟
بيرفع الRPM
MMamdouh
طبعا مع زيادة الRPM بيحصل زيادة فى الاستهلاك
الTPS راكب على البوابة و حتلاقية تحت الايدل كونترولر
تمنة من كذا سنة كان 125 من المنير و 185 من التوكيل
MMAmdouh
حساس الtps بينقل الأشاره لوحدة التحكم عن الوضع المتواجده فيه البوابه وهو على أتصال بالزراع المتحكم فى تغيير وضع البوابه عند الضغط على الأكسراتير.......وبالتالى أى أخفاق فى آداء البوابه (حتى لو كان هناك أى بوش فى محور البوابه ) فأن هذا بالطبع يؤثر على أشارة الحساس الذاهبه لوحدة التحكم......_ أساسا وظيفة حساس الtps نقل صوره حيه عن البوابه لوحدة التحكم فى صورة أشاره كهربيه............
برضه دى فكره بسيطه عن نظرية تشغيل حساس (البوابه ).........................http://www.nilemotors.net/Nile/showthread.php?t=61461
طيب ماهو الكنترول أهو بيشوف أشاره حساس الأكسجين ( وده كلامك الحالى ) وطبعا أنا مقتنع بالمقطع ده من كلامك مائه بالمائهاقتباس:
الحساس ممكن يدى قراية خاطئة و دة يعتبر بايظ لكن الكونترول شايف ان الحساس بيدى قرايد داخل المدى الطبيعى للحساس و بالتالى اللمبة مش حتنور
عاوزين بخبرتك بقه ياكبير......تفهمنا أيه السبب العلمى للموضوع ده (طالما الحساس بأشارته داخل فى عمليبة الكنترول).....بس جمع الكلام مع الحته اللى فوق.......(نفسى أفهم الحته دى ياأبو حميد ....أصلها بصراحه مش راكبه معايا خاااااااااااالص )....أن لم الحساس مايوديش أشاره خالص للوحده (مش ضعف أشاره ...لأن الوضع حيفرق )......أن لمبة الأعطال مش حتنور (وأنا قريت كلام كتير عن حتة عدم أضاءة اللمبه فى حالة فصل أشارة الحساس .....بس بدورلها عن سبب ومش لاقى ).......وطبعا البركه فيك....أكيد حتفهمنى أيه السبب..........!!!!!!!!!!!!!!!!!!اقتباس:
انا قبل كدة فكينت فيشة الحساس و اللمبة منورتش
..
اذا احنا بنتكلم فى الحالة الفنية للبوابة و الاكس مش نظافة البوابة
MMamdouh
انا نفسى مش فاهم ليه و عايز حد يفهمنى
الاحلى من كدة بقى ان لما حساس الTPS باظ فى عربية الوالد برضة اللمبة منورتش :_Alshmokh08[1]:
MMamdouh
هو عامة عملية النظافه للبوابه......مع أحداث عملية تليين بحركة الأكسراتير (للسماح بأزالة الرواسب وخلافه والتى ممكن أن تعيق سهولة عمل البوابه ).....تعتبر عنصر مهم من عناصر الصيانه لرفع كفاءة الحاله الفنيه لعمل حساس الtps_ ويدرج هذا النوع من أعمال الصيانه تحت بند صيانه وقائيه..............
ربنا ييسر ونلاقى حد يفهمنا أحنا الأثنين...............:C_laugh[1]:
آسف لفتح الموضوع مرة اخرى و لكن انا اتأكدت من ان حساس الشكمان بيبئا بايظ و لمبة تشك ما بتنورش
يتعرف انه بايظ ولا لأ عن طريق(فى حالة الرشاشات سليمة يعنى لا غيب فى الدوارة ولا الدخنة سوداء فى بداية الدوارة)
-استهلاك بنزين زائد
-رائحة بنزين فى العادم
الاختبار الصح بيبقى عن طريق السكانر
MMamdouh
ربنا يكرمك ويهىء لك الخير كله.......................وأنا شاكر جدا لزوقك العالى ده......وهو أن تجعل هذا الكلام الطيب عنى فى توقيعك......وتصبحوا جميعا على خير وسعاده........وخصوصا أخى الفاضل : محمد ممدوحاقتباس:
إدعولى انجح فى الترم الاول(قوى ميكانيكية)
وابقى من تلامذتك يا م/سمير
المهندس سمير بعد التحية
وشكرا على مجهود فى الرد على الاعضاء
حضرتك كنت بتتكلم عن خرطوم حساس الماب الواصل للمانفول وقلت انة بيوصل الهواء للحساس
لكن انا لما خلعت الخرطوم من عند المانفول وجدت المخرج الواصل للخرطوم بسحب هواء فهل دة طبيعى مع العلم ان عندى مشكلة فى العربية ظهرت على السكانر خليط غنى بالهواء واعتقد ان العيب دة من اسباب زيادة استهلاك البنزين عندى وشكرا لك
العربية لانوس 2003 هاف 68000 كيلو
فعلا الوضع كده طبيعى وبالضبط كانت المكنه فى الحاله دى بتأخذ هواء من خلال بلف الأيدل ومن المخرج ده (لأن البوابه لسه قافله ولسه ما حصلش تخلخل ) ودى من الظواهر اللى ممكن تخللى المكنه ترعش معاك على السلانسيه............................... قط [quote][ مع العلم ان عندى مشكلة فى العربية ظهرت على السكانر خليط غنى بالهواء واعتقد ان العيب دة من اسباب زيادة استهلاك البنزين /quote] أنا معتقدش أن ده عيب أساسا زى ماقدرت أفسر فى التعليق السابق........وأعتقد العيب عندك حيكون حاجه غير كده خالص.......وتفكيرنا معاك حيتوقف على البيانات اللى حتقولهلنا عن موقف أستهلاك الزيت وحالة الشكمان ( مكتوم ولا لا )....وحالة الفلاتر وحالة الرشاشات وحالة البوجيهات وكابلاتها وايه أخبار قوة شرارة البوبينا .................وهكذا....وبرضه حنأخذ دعم أو تصحيح من الزملاء (لأننى بحللك فقط من الوجهه النظريه......وممكن تكون حاجه غايبه عنى )اقتباس:
لكن انا لما خلعت الخرطوم من عند المانفول وجدت المخرج الواصل للخرطوم بسحب هواء فهل دة طبيعى
السلام عليكم
انا عندى مشكلة فى عربيتى دايو لانوس 2 هيدروماتيك كورى الصنع
العربية متبرجلة و عندما اشغل التكييف بتذيد اوى و السحب وحش جدا و ساعات تكون كويسة بس لما اركب معايا واحد او اتنين يكون السحب وحش اوى اوى و بتنتش كتير و بشم ريحة بنزين نى كتير اوى خصوصا فى الدوارة الاولى
كشفت بالجهاز قالى حساس الشكمان بايظ وهو الى عامل كل ده
بس المشكله انى مش لاقيه خالص لانه ب 2 طرف و ليس طرف واحد كالمعتاد
ارجو الافادة لان العربية مزهقانى اوى اوى اوى
شوف حساس الافيو او الاوبترا
MMamdouh
انا عايز اعرف ان العربية متبرجله و السحب وحش جدا و ذلك بسبب حساس الشكمان
وهل ان الحساس يسبب كل هذا فى العربية
و انا من بورسعيد منين اقدر اجيب الحساس ده من القاهرة منين
و السعر كام ارجو الرد عليا
و هل لما اجيبه اركبه و خلاص ولا اشيك على الرشاشات كمان
وهل هترجع العربية زى ما كانت ولا لا؟
الحساس لو فعلا بايظ يعمل كدة
لازم تحط العربية على سكانر عشان تعرف المشكلة منه فعلا ولا من الرشاشات
الحساس ممكن تسال عليه عند حد بتاع شيفرولية... ابو الحسن مثلا
MMamdouh