اشتريت opel aut 2000cc

**abdelkader_love82** · 09-03-2009 03:32 PM

انا عضو جديد و اول مرة اركب عربيه
اشتريت opel 97 aut 2000cc و مش عارف اي حاجه ناس يقولولي جامدة.....
و ناس يقولوا مش حلوة ....
انا حاسس انها عربيه حلوة...

الرجاء الافادة و قولولي اعمل ايه مع العربيه...

**Ahmad Allawy** · 09-03-2009 03:55 PM

اولا..
الف مبروك علي العربية..
عربية حلوة جدا جدا.. وسع و فخامة و موتور قوي.. و شياكة و ثبات و كلام كتير

اول و اهم نصيحة.. تتعامل مع صنايعيه متخصصين في اوبل..
ميكانيكا و كهربا و تكييف و عفشة.. و تجيب قطع غيار اصلية من ناس موثوق فيهم.. و بكده العربةي باذن الله هتفضل معاك زي الفل..

النصايح العادية بقي مع اي عربية تشتريها مستعمله..
تغير كل السيور و الفلاتر و زيت الموتور و تتمم علي زيوت الباور و الفتيس و الفرامل.. و تكشف علي التكييف.. و تغسل دورة التبريد و تغير المية بميه حمرا موبيل او كالتكس..
بس كده.. و تركب و تمشي علي طول.
و تعمل ملف للعربية و تكتب فيه غيره ايه امتي و عند كام كم.. عشان تفضل متابع عمر كل حاجة غيرتها..
و ربنا يهديها و تفضل معاك زي الفل ان شاء الله..

**tananybasha** · 09-03-2009 04:39 PM

الف مبروك يا باشا و ربنا يكفيك شرها

**tamertamer** · 09-03-2009 09:33 PM

بص ياباشا انا معاية 97 بس 1600 عربية ممتازة جدا بس هو العيب شوية تتلخص فى الاتى
1- المريات الجانبية لازم تتعود على ابعاد المريات وليس ابعاد العربية الجانبية
2- المريات ثبتة ودة بيعرضهم للكسر عمال على بطال
3- التكيف بيعد فترة شوية عقبال مبيسقع بس كويس
4- العربية تقيلة فى الطلعة سواء 1600 او 2000
5- استهلاك البنزين مع التكيف خرافى
الموميزات
1- متور بيستحمل جدا
2- عزم قوى
3- اتزان ملوش حل مع المنحنيات
4- قطع غيار متوفرة بكثرة
5- من حيث الشكل فتعتبر من اجمل سيارات الاوبل
6- بتستحمل جدا لو محتطش فيها اى مكون غير الالمانى ونقطة دية خد بالك منها
7-الابشن فيها لا بأس بيها
8- الراحة فى المكوث فى الصلون وخصوصا الكنبة مع المسند المريح
9- عندك شنطة وراء انا شلت فيها ابل كدة نص ورانى لعربية ستروين عبى مكروباص
10- التكنولوجيا فيها مش علية وغير معقدة بالمرة ناس كتير بتفهم فيها
11 - بور بيفصل بعد سرعة معينة لسهولة التحكم
11-ونقاط ستكتشفها مع القيادة

وفى النهاية بص نصيحة واحد مجرب
اولا اعمل صيانة ال50 الف كيلو للمتور ونساة سنتين بعديها
وعمل معاها صيانة للعفشة ونسها بردة 3 سنين مرتاح
مش هيبقا عندك غير البوجيهات كل 20 الف والتيل الفرامل كل ما بين 10 الى 20
حسب الاستخدام طبعا
فلتر البنزين ولو استخدمت 92 انسا اى حاجة ممكن كل 20 الى 40
وتشيك على زيت الفرامل وزيت البور وتحط مية حمرا خضرة لا

وكدة تبقا ريحت دماغك خالص
ولو عزت اى حاجة انا حافظ العربية دية على ظهر قلب فى كل ما يخص العربية سواء قطع غيار جديد واستيراد ومكنيكا وعفشة وانا تحت امرك واهلا بيك معانة فى العصابة

**ASD peugeot** · 09-03-2009 09:37 PM

الف مبروك و ربنا يديك خيرها و يكفيك شرها

**M.Mokhtar** · 10-03-2009 03:07 PM

الف مبروك يا باشا
والعربيه مش هتلاقى احلى من كده
مصاريفها عاليه شوية بس لو شغل نظيف وقطع غيار اصلى هتعيش معاك ان شاء الله

مش هقدر ازود عن اللى قالوه اخواتى

بس ادينا معلومامت عن عربيتك
ماشيه قد ايه؟
وحالتها ايه؟ دهان صالون موتور كده يعنى
اللون؟
ولو عايز تقول جبتها بكام يبقى تمام

**abdelkader_love82** · 10-03-2009 05:30 PM

الف شكر يا جماعة و مش عارف اقولكم اية يارب يباركلي فيكم....
العربية عاملة 28000 كيلو بس العداد مش شغال مش عارف لية ناس قالولي الحساس ......
رحت التوكيل حاسيت بنصبة.....
قالولي الضفيرة عايزة تتغير....
مش عارف اي السبب.......
العربيه حالتها جيدة
الفرش و فرش السقف حالتة مش حلو
التكييف مش شغال كشفت عالية قالولي كله تمام بش محتاج شجرة التكييف واشحن......
انا اشتريتها ب (50000)
كدة كويس.....؟

**M.Mokhtar** · 10-03-2009 10:14 PM

يعنى ايه العربيه عامله 28 الف كيلو؟؟؟؟

**Ahmad Allawy** · 11-03-2009 09:16 AM

السرعة فعلا غالبا هتكون حساس او فيوزات او كده..
ان شاء الله مش هتطلع حاجة كبيرة يعني..
الفرش يتعمل فرش جلد نضيف في حدود 1000-1300 جنيه و كده تمام.. و فرش السقف بيتباع استيراد.. زي الفل..
شجرة التكييف مش غالية.. و السعر اللي اشتريتها بيه كويس.. بالنسبة للشغل اللي فيها..
بس كده هتلاقي العربية ماشية كتير.. و العداد اللي مش شغال ده بايخ قوي..

-

الموضوع: اشتريت opel aut 2000cc

LinkBack

أدوات الموضوع

عرض

-

-

-

-

-

-

المواضيع المتشابهه

2002/2003 opel vectra b eco tech 2000cc

2e 2000cc ولا BP 1800

كربراتير 132 2000cc

اوبل 99 2000cc

golf 2000cc 2e

الكلمات الدلالية لهذا الموضوع

المفضلات

المفضلات

ضوابط المشاركة