الموضوع: فوجات الفيكترا

لو سمحت يا جماعه انا عايز اركب فوجات في الفيكترا بتاعتي هو الكصدام فيه الفتحات يتعتهم
بس سالت عليهم استيراد بيقولي ب 400 ينزلوا كام مش عارف و سالت عليهم جديد لقيت العدين ب 180 و الي بعدسات ب 200 عايز اعرف اجيب اهني احسن يعني الجديد حيكون حلو ولا ايه و اجيب العدسات ولا العادي و اشغله علي نور التبلوه ولا ايه
ودلوقتي انا عندي زينون عالي و واطي هل انزل واحد منهم في الفوجات ولا ايه لاني مش عايز نور الفوجات اصفر ولا اجيب اللمض التلجي ولا البيضه ديه احسن

علاوي باشاااااااااااااااااااااا اا حبيب هارتي
انا برضو كنت بفكر كدهكنت مستني حد يحمسني
طيب هو الفوج بيشتغل مع نور التابلوه ولا اييييييه
و بعدين لما انزلوه في الفوج اجيب لمض ايه في العالي
و بعدين كده كل مادخل علي لجنه اطفي نور التابلوه عشان الفوجات ولا ايههه

بص يا خالد والله انا في البلاله في الزينون و الحاجات ديه
هو انا شاريها كده بس انا عندي الفانوس فيه لمبتين واحده عاليه و واحده للواطي و لما بفتح الكبوت بالقي مكنه عند الفانوس ده و مكنه عند التني بس
بس النور عندي حاسس انو ضعيف اوي مش عارف ليه حنزل انهارده اسال الكهربائي و اشوف و الزينون اول مارعش بيكون ضعيف طبعا ولما بعلق عليه الول و بعدين ارعش بيكون اقوي انا اعرف انه بيسخن عشان كده لازم تشغله الاول

تاني حاجه بقي انا بحب الفوج شكله جامدعلي تافيكترا و بعدين ينوور شويه لاني ساعات ادخل في حته ضلمه فا مش كل شويه حشغل النور الواطي واطفيه ف الفوج يكون شغال علي طول احسن
بس برضو عايز اعرف هو الفوج ممنوع ولا ايه و حيشتغل علي نور التابلوه ولا ايه
ولما اشيا الزينون من العالي اجيب لمض اسمها ايه

طيب اناعندي زرار جنب البكره الي بتعلي و يوطي نور التابلوه بس مش بيعمل حاجه لما اتكا عليه ممكن اخليه يكون بتاع الفوج ولا ايه و هو النور بتاع الفوج بيكون جامد و لونه ايه ؟؟؟؟؟

المشاركة الأصلية كتبت بواسطة manabedo

طيب اناعندي زرار جنب البكره الي بتعلي و يوطي نور التابلوه بس مش بيعمل حاجه لما اتكا عليه ممكن اخليه يكون بتاع الفوج ولا ايه و هو النور بتاع الفوج بيكون جامد و لونه ايه ؟؟؟؟؟

دة زرار نور الفوجات الخلفى
فى جنب الزرار دة طبة المفروض دة مكان الفوجات الامامية
علشان تجيب زرار الفوجات هتغير وحدة النور دى على بعضها مش هتلاقى زرار لوحدة ..250 جنية
ممكن توصلها على نور التابلوة
الفوجات مش ممنوعة انا على طول منورها ومفيش حاجة .. لو حد وقفك وقالك ممنوعة اخرم عينية

المشاركة الأصلية كتبت بواسطة venus-doom

الزرار ده مرسوم عليه ايه ؟؟
لو بكره برده يبقى ده الى بيعلى و يوطى نور العربيه ...
انما الى انا اقصده ده هتلاقيه مش مرسوم عليه حاجه ...
زرار اسود و مينفعش تضغط عليه كمان ...
بالنسبه للون الفوج فهو بيكون ابيض بس مش اوى يعنى ...
لكن فرق اللون هيبان بينه و بين الزينون لما تكون منور الاتنين ...
و بالنسبه لقوته فهو بيختلف من عربيه للتانيه ..
بس عموما مش بيدى اضاءه لمسافه بعيده لالالا
ده بينور ادام العربيه ...

فوجات الفكترا فيها رجلاش علشان تعلى وتوطى

ايوه كده يا ابو حميد انت جيبت من الاخر ..
بس انا اعرف ان الفوجات ممنوعه من زمان ده حتى كانو وقفو والدى من كام سنه بعربيه عيون 1998 علشان فكروه مركبه بس والدى قاله و هى دى عربيه اخرم اكصدامها علشان اركب فوج ؟؟
ممكن حاليا بقى عادى و انا عمرى ما حد وقفنى بيه و اساسا انا مش بشغله

انا على طول مشغل الفوجات وبعدى من لجان ومحدش بيتكلم
مرة كنت معدى من صلاح الدين فى بداية قانون المرور وكان مليان عساكر وظباط لحد عميد وكنت منور الفوجات والنور الواطى وماشى وقف مقدم قدام العربية وبيشاورلى على النور روحت طافى الواطى وسبت الفوجات راح مشاورلى اتفضل