يا أهل اللانسر افتوني في أمر الشارك..

**fars777** · 09-03-2009 10:46 PM

يا شباب أنا بفكر أجيب لانسر شارك 2008 اتومانك مستعملة... ومش ناوي أخليها معايا غير سنتين أو تلاته بالكتير ...تفتكروا اللانسر فعلا هي أقل عربية الواحد بخسر فيها فلوس عند إعادة البيع؟ مع الأخد في الاعتبار أن العربيات الأوربية هتبتدي جماركها تنزل 10% اعتبارا من السنة الجاية؟

سؤال تاني سمعت إن الشارك المستعملة 2008( أول فئة في الاتوماتك) اللي حالتها نضيفة جدا تعمل 108 - 110 في حين أن سعر الزيرو منها اللي متباعتش من السنة اللي فاتت في المعارض بيوصل 119 ألف ..تفتكرو الفرق يستاهل مغامرة المستعمل..؟

**mada121977** · 10-03-2009 12:19 AM

اللانسر والكورولا من افضل العربيات فى سعر اعاده البيع وحضرتك كمان هاتجيبها مستعمله يعنى هاتاخدها حاله ممتازه بسعر كويس ولما تيجى تبيع مش هاتخسر زى لو جبتها زيرو .. توكل على الله وربنا يوفقك

**fars777** · 10-03-2009 08:56 PM

شكرا يا ابوحميد على الرد...انا ميال لكدة فعلا...ربنا يركم والزيرو ما يلعبش في دماغ الواحد تاتي..:)

**meromar** · 11-03-2009 12:34 AM

نصيحة يافرس الزيرو زيرو وحتبقى عارف انك اول واحد ركبها وحتبقى عارف اللى فيها واول رجل عليها ..الزيرو زيرو مهما كان وخليك فالشارك لانها عربية بجد تحفة ومش حتندم ابدا انك جبتها وربنا يكرمك ويوفقك يارب

**Kareem Khattab** · 11-03-2009 03:18 AM

المشاركة الأصلية كتبت بواسطة fars777

يا شباب أنا بفكر أجيب لانسر شارك 2008 اتومانك مستعملة... ومش ناوي أخليها معايا غير سنتين أو تلاته بالكتير ...تفتكروا اللانسر فعلا هي أقل عربية الواحد بخسر فيها فلوس عند إعادة البيع؟ مع الأخد في الاعتبار أن العربيات الأوربية هتبتدي جماركها تنزل 10% اعتبارا من السنة الجاية؟

سؤال تاني سمعت إن الشارك المستعملة 2008( أول فئة في الاتوماتك) اللي حالتها نضيفة جدا تعمل 108 - 110 في حين أن سعر الزيرو منها اللي متباعتش من السنة اللي فاتت في المعارض بيوصل 119 ألف ..تفتكرو الفرق يستاهل مغامرة المستعمل..؟

119 الف ده سعر المانيوال مش الاتوماتيك

**fars777** · 11-03-2009 06:13 PM

شكرا يا Meromar بس مش كتير الواحد يدفع العشر تلاف جنيه زيادة في عربية هو عارف مقدما انها مش هتقعد معاه غير سنتين تتلاته؟

كريم باشا... ده سعر أقل فئة في الاتوماتيك 2008 الحقيقة انا اتصلت بالمعرض عشان اتأكد هما قالولي 120 ألف ولو لو انت جد في لشراء هنهزها تاني..