أول خطوة في المشروع الكومي لتدمير التعليم (إمتحانات الكادر)مش كادر أصدق هذه الإهانة!

اقتباس:

---

المشاركة الأصلية كتبت بواسطة tutankhamoun

هي أيه الإهانة هنا يا باشمهندس أحمد ؟؟؟
في كل الدول المتقدمة بيتم أختبار المدرسين من آن لأخر ( لا أعرف ما هي المدة ) علشان المدرس على طول يطور نفسه .
و فعلا فيه مدرسين مش عارفين حاجة و أحنا الدليل و أحنا تلامذة في المدرسة زمان
فيهم الكويس المثقف اللي بيعرف يشرح و فيهم و لا مؤخذة الغبي اللي حافظ زي البغبغان .

خليهم يمتحنوا و يذاكروا علشان يرفعوا من مستواهم العلمي .

أنا مش شايف أي أهانة في الموضوع أطلاقا ( و لكن شايف تكبر من المدرسين على المذاكرة و الدراسة !!!)

ممكن فعلا يكون التطبيق على غير المستوى كما هو الحال في ج ع ع دائما .
و لكن الفكرة نفسها لا يوجد فيها أي اهانة في رأيي الشخصي البحت ( على فكرة لي أقارب كثير يعملون في التدريس )

---

تصدق بالله انا كنت عايز اقول كده ..

بس قلت بلاش احسن ..

خصوصا ان المدرسين اللى بيدوا دروس خصوصية وبيلهفوا دم قلب الاهالى بيبقوا مش عارفين اى حاجة تماااماا عن المنهج والطالب بيرح يحل زى ما الاستاذ شرح له ويجيب نتيجة وحشة ومحدش عارف السبب فين !!

لا يوجد أي إنسان يعترض على تقييم المعلمين أو غيرهم
والتفريق بين الجيد وغير الجيد
تشجيعاً للجيد وتحذيراً للمفرط

لكن هذا ليس المقصود من الموضوع

المقصود هو ما يقوله الأستاذ سمير:

اقتباس:

---

المشاركة الأصلية كتبت بواسطة سمير يونس

مع إحترامي لوجهة نظر سعادتك إلا إني أختلف معك في هذا الشأن

لازم يا أخواني نعرف إن مرتبات المدرسين تبدأ من 150 جنيه شهرياً و المدرس الي بقى له 20 سنة خدمة في وزارة التربية و التعليم

مرتبه قبل الكادر كان 500 جنيه

لازم الأول ندي له المرتب اللي يكفل له حياة كريمة و بعدين نمتحنه عشان نرقيه أو نزوده في مرتبه (اللي هو المفروض إنه مكفيه أصلاً)

---

ههههههههههه هوه محدش غيري اختار" مش كادر أختار حاجة من الإختيارين السابقين وسأوضح وجهة نظري في ردي بالموضوع "
مش كادر امسك نفسي من الضحك ههههههههههههه

هوه الحمدلله بقالي يومين مدخلتش الموضوع بس اما قريت الردود لقيت كلو تقريبا اتفق على نقطتين
1. نعم للتقييم
2. زيدوا مرتباتهم وخلوها ادميه

اقتباس:

---

المشاركة الأصلية كتبت بواسطة ahmed1981

أنا شايف إنهم يتم مساواتهم في المرتب اللي هو يدوبك الستر
وبعد كده المفاضلة تكون في الحوافز أو تكون في المكافآت

يبدو إن حضرتك لم تتابع مشكلة الكادر من بدايتها ثم بعد الإمتحان

الإمتحان الذي تم كان الغش فيه بطريقة فظيعة
واحد مدرس بيقللي إن اللجنة كانت كلها قاعدة قعدات سمر كل عشرين مع بعض بنظام الجمعيات التعاونية

تفتكر بعد كده لما الإمتحان ده يتوقف عليه مضاعفة مرتب شخص وحرمان شخص
هل هذا يكون عدلاً

---

كانوا بيغشوا و سقطوا , ده على كده المفروض يرجعوهم يذاكروا من ابتدائي تاني . أنا شايف ان خطوة الكادر دي مش مهينة إطلاقا للمدرس لو هو فعلا واثق من نفسه و من مادته العلمية مش مجرد حافظ المنهج و بيسمع زي الببغاء

اقتباس:

---

المشاركة الأصلية كتبت بواسطة mido01050

كانوا بيغشوا و سقطوا , ده على كده المفروض يرجعوهم يذاكروا من ابتدائي تاني . أنا شايف ان خطوة الكادر دي مش مهينة إطلاقا للمدرس لو هو فعلا واثق من نفسه و من مادته العلمية مش مجرد حافظ المنهج و بيسمع زي الببغاء

---

واضح إن سعادتك ما قرأتش المشاركات السابقة ... لب الموضوع يتلخص فيما يلي:

اقتباس:

---

اما قريت الردود لقيت كلو تقريبا اتفق على نقطتين
1. نعم للتقييم
2. زيدوا مرتباتهم وخلوها ادميه

---

لا أحد يعترض على التقييم و لكن الإعتراض على ربط نتيجة التقييم بزيادة المرتبات

تحياتي

- أنا مع التقييم الدائم والمستمر لجميع العاملين في كل القطاعات ولكن التقييم موجود للمعلمين من قبل اختراع الكادر، والمدرس لازم يمتحن عند النقل من مرحلة تعليمية لأخرى أو من درجة وظيفية لدرجة وظيفية أخرى.
- امتحانات الكادر كما بلغني لا تختبر قدرات المدرس في مجاله فقط، بل تحتوي على معلومات أكاديمية وفي مجالات مختلفة عن مجال تخصصه. يعني أنا عن نفسي لا أتخيل اختباري في ميكانيكا الموائع لترقيتي في مجال هندسة الحاسبات على الرغم من دراستي لهذه المادة.
- بالنسبة لاختبارات الكادر فيها استهتار بقيمة المعلم، كم من معلمة فاضلة تترفع عن الدروس، وتعتمد على دخلها الحكومي فقط وفي مسيس الحاجة لزيادة راتبها، هناك ألف طريقة غير هذه الطريقة السخيفة وخصوصاُ كما ورد بالمشاركات عن وجود لجان سمحت بالغش مما أهدر مبدأ تكافؤ الفرص.
- نقطة كمان، هل هذه الاختبارات تعتمد على الدرجة الوظيفية للمعلم؟ بمعنى هل المدرس ذو العشرين عام من الخبرة سيخوض نفس اختبار المعلم حديث التخرج؟
- الموضوع شكله كله غلط، ويدخل في إطار المنح والمنع من الحكومة لرعاياها حسب تصنيفهم "المُنعَم عليهم" أو"المغضوب عليهم"

ياريت يطبقوا النظام دة على اساتذة الجامعات ويدخلوهم امتحانات