ايه اصغر مقاس للكاوتش للفيورا ؟؟

**sleepyhammer** · 10-03-2009 08:05 AM

سؤال على السريع كده يا جماعة من فضلكم
ايه اصغر مقاس لإطار كاوتش الفيورا 127 من حيس الارتفاع مش من حيث العرض
والسبب علشان عندى الكاوتش الى فى الخلف من ناحية الشمال لو حد كان قاعد ناحيتها بيحك فى الرفرف ( يعنى العجلة مرحلة ورا شوية ) بس حاولت اعمل فيها حاجات كتير منفعش ، المهم فدلوقتى عاوز اجيب كاوتش يكون حجمه اقل من حيث الارتفاع من الارض لحد الجنط
*** وهل ينفع اساسا الكاوتش ده لو موجود يتحط عندى فى الفيورا ولا لازم اجيب جنوط كمان معاهم ؟؟

ارجوا انى مكنش طولت عليكم
وربنا يكرم الجميع بإذن الله

**Maged_Samy** · 10-03-2009 08:48 PM

مقاس الفابريكة 135/80/13 وممكن تركب 155/70/13
و135 معناه العرض 13.5 سم و13 مقاس الجنط واللى بيحدد الارتفاع هو 80 معناها ان الارتفاع 80% من العرض يعنى 13.5×80%= 10.8سم
طبعا سيبك من موضوع تغيير الكاوتش ده عشان انا احترت ذيك فى الموضوع ده واحسن حل ان تروح لبتاع زوايا محترم بيفك المسمار اللى ورا المقص شويه ويحط ورده مفتوحة او اكثر حسب الحاجة ودى بتقدم العجلة قدام شوية ومتخليهاش تحك ابدأ مهما كان فى ناس كتير فى العربية او فى مطبات الهبوط المفاجئ . تحياتى