العربية بتوطى أوي مع الحمل

**ZALABANY** · 10-03-2009 10:04 AM

العربيه من غير ما احمل فيها او لو راكب فيها 2 بتبقى عاديه لكن لو حملت 3 ورا العربية بتوطى جدا وبتحك في كل المطبات هل ده عادي ولا ممكن تكون السوست فيها حاجه

**ZALABANY** · 10-03-2009 12:25 PM

فين الشباب

**محمد فريد** · 10-03-2009 12:35 PM

المساعدين عندك خفاف

**Mohamed.Raafat** · 10-03-2009 12:35 PM

شوف المساعدين اللى ورا
ممكن تكون عايزة تتغير

**wasta** · 10-03-2009 02:33 PM

يابوب أنا كان عندى نفس المشكله وأجمد كمان كان كل مطب العربيه لازم تسلم عليه بس أنا معايا سوزوكى سويفت وروحت لبتاع العفشه وقال لى عندك حلين ياتجيب سوست ناشفه وده الحل الكويس وده مهما تركب حد معاك مش هتنزل خالص ألا حاجه بسيطه قالى ده هيكلفك فى حدود 200 جنيه وفى حل تانى قالى هركبلك علايات على السوست بتاعتك وده اللى أنا عملته وكلفتنى حوالى 70 جنيه أو أقل وبصراحه بقت حلوه والحمد لله العلايات ديه عباره عن كاوتش بيكب تحت السوسته فكأنه بيطول السوسته بتاعت العربيه وإعمل الحوار ده وإدعيلى

**ZALABANY** · 10-03-2009 02:35 PM

طيب العلايات دي مش بتأثر على ثبات العربية في السرعات

**samirayad** · 10-03-2009 03:16 PM

المشاركة الأصلية كتبت بواسطة zalabany2007

طيب العلايات دي مش بتأثر على ثبات العربية في السرعات

لا تؤثر طالما زاوية أنقلاب الشاسيه للأمام معقوله

**wasta** · 14-03-2009 04:53 PM

تمام زى ما قالك المهندس سمير

**samirayad** · 14-03-2009 07:20 PM

المشاركة الأصلية كتبت بواسطة wasta

يابوب أنا كان عندى نفس المشكله وأجمد كمان كان كل مطب العربيه لازم تسلم عليه

بس أنا معايا سوزوكى سويفت وروحت لبتاع العفشه وقال لى عندك حلين ياتجيب سوست ناشفه وده الحل الكويس وده مهما تركب حد معاك مش هتنزل خالص ألا حاجه بسيطه قالى ده هيكلفك فى حدود 200 جنيه وفى حل تانى قالى هركبلك علايات على السوست بتاعتك وده اللى أنا عملته وكلفتنى حوالى 70 جنيه أو أقل وبصراحه بقت حلوه والحمد لله العلايات ديه عباره عن كاوتش بيكب تحت السوسته فكأنه بيطول السوسته بتاعت العربيه وإعمل الحوار ده وإدعيلى

_ الصراحه العفشجى اللى بتقول عليه ده راجل كويس وبيفهم لأنه جابلك من الأخر فى الحلول اللى ممكن تتعمل لمنع أحتكاك بدن السياره من أسفل مع المطبات...............................