http://www.moheet.com/show_news.aspx?nid=231174&pg=1
لاحول ولاقوة الا بالله
عرض للطباعة
http://www.moheet.com/show_news.aspx?nid=231174&pg=1
لاحول ولاقوة الا بالله
بوص شويه ولاد التيت دول المفروض كانو يتلمو ويرحو الجيش عشان يبقو رجاله
يادى القرف.... ايمو ايه و زبالة ايه بس.... ارحمنا يارب برحمتك من التقليد الاعمى..... طب هم شبعوا حضارة علشان كده من حقهم يهرتلوا زى ما هم عايزين، ورغم كده تيار الحضارة العام هو اللى بينتصر و بيمشى المجتمع..... لكن احنا.... ايه الحضارة اللى عملناها.... ايه التقدم اللى حققناه لانفسنا و بلدنا.... ايه التكنولوجيا اللى اخترعناها..... للاسف المحصلة صفر شفناه مجلجل و متجسد فى صفر المونديال، و لا يبقى غير التقليد الاعمى...... ارحمنا يارب برحمتك
العيال دى عايزة تبقى عبرة عشان مش كل شوية يطلع علينا حد بالمنظر ده
عايزين يتحطوا فى عبارة من بتاعة ممدوح اسماعيل ونرتاحوا منهم ومن مشاكلهم
تفتكروا ايه سبب ان في ناس بتفكر بالاسلوب ده؟
يادى القرف احنا ناقصين
بصوا من الاخر العيال دول اتفرج عليهم لما يروحوا منطقة التجنيد بلاش هانداخلهم الجيش شوف الى هايحصلهم من الصولات ولا العساكر الى هناك يا ربنا انا متخيل منظرهم والله الواحد منهم ممكن تجيلة سكتة قلبية من هول الشتايم والسب الى هايسمعوها وابقى خلى ال emotion بقى تنفعهم
ياعم الحاج دى ناس فاضية من الاخر ومش لاقيين حاجة يعملوها
اما عيال ولاد ايمو بصحيح
يا جماعة عايزين نفكر بهدوء ليه الناس دي بقو كدا
لاحظوا ان اي حد فينا كان ممكن يبقى كدا في ظروف تانية ولا ايه؟
يا استاذنا هتلاقيهم من صفوة المجتمع زى عبدة الشيطان سابقا او اهليهم مسافرين برة وسبوهم وبيبعتلهم فلوس وخلاص يعنى من الاخر ناس معاها فلوس وفاضية وملاقوش حد يربيهم ويعرفهم دينهم صح
او فيهم الى اتعلم فى الخارج ولما رجع قال يطبق الى شافة هناك هنا ويبقى هو الزعيم بتاعهم
اوهما فاضين داخلوا على النت لاقوا الجماعة دى وعرفوا معتقداتهم قالوا نجرب نبقى زيهم ونفتح فرع ليهم فى مصر
ا
وعلى فكرة الجماعة دى بتتقابل فى سيتى سنتر ودة الى خلى الناس تاخد بالها منهم يعنى مش مستخبين يبقى اكيد مسنودين
دة اجتهاد شخصى منى والله اعلم
تربية خطأ + زيرو دين + ثقافة تليفزيونات وإنترنت + غالباً أب وأم فى الطراوة + عيشة مرتاحة بدون إحساس بالمسئولية مش عاتل هم القرش هيجى منين ولا مايجيش أصلاً داد معاه فلوس = اللى حصل ده
ماعتقدش إن الإنسان السوى ممكن يتحول لكدة أياً كانت ظروفه قاسية ، وأعتقد كلنا مرينا وهنمر بظروف قاسية ومش بنتحول ولا حاجةاقتباس:
يا جماعة عايزين نفكر بهدوء ليه الناس دي بقو كدا
لاحظوا ان اي حد فينا كان ممكن يبقى كدا في ظروف تانية ولا ايه؟
المشكلة ان الناس دي غالبا ظروفهم كويسة مش قاسية ولا حاجة يعني ممكن تلاقي حد فيهم بقى ايمو عشان قطته ماتت فقرر انه يعيش بقية حياته حزين عليها
واعتقد ان البلاء مش بيفرق بين انسان و انسان تاني يعني اعتقد ان اي انسان لو اتحط في ظروفهم ممكن يبقى زيهم
مشكلتهم دي في رايي اولا قلة الايمان الشديدة لان الانسان المؤمن بيبقى مؤمن بالقضاء و القدر و بيبقى عنده رضى بقضاء الله و غالبا اصلا الجانب الديني عندهم مهمش للغاية
و ثانيا غياب الرقابة من الوالدين و غياب صحبة صالحة
هتلاقي الوالدين مسافرين او موجودين بس برضو مسافرين و كل همهم انهم لما يقعدوا مع اصحابهم يقولولهم انا ابني في المدرسة الفلانية او الجامعة العلانية و يفضل لو اكاديمية و محدش فيهم بيسال ابنه صليت ولا لا او يساله مصاحب مين و اصحابك دول عاملين ازاي
"يأيها الذين أمنوا قوا أنفسكم و أهليكم نارا وقودها الناس و الحجارة عليها ملائكة غلاظ شداد لا يعصون الله ما أمرهم و يفعلون ما يؤمرون"
هههههههههه لو حد يفتكر إحنا ناقشنا موضوع الإيمو من زمان انا و دكتور أحمد و برو درايف قبل أي حد .. هنا عالمنتدي :)
مبدئياَ و مرة أخري يا جماعة .. متصدقوش أي كلام عن أي ظاهرة بيقوله الإعلام .. لأن اللي بيكتبوا خاصة في مواقع الإنترنت الإخبارية جهلة جهلة جهلة أو في بعض الصحف بيبقي صحفي مزنوق في خمسين جنيه، و انا عايش وسط الوسط ده و بعرف الأشكال دي من أول سطر .. إنه عايز "ينحت" موضوع و خلاص و مش مهم عنده هيضر سمعة مين زي الإنسان القذر اللي كتب في قضية هبة و نادين و لوث سمعتهم و هم لسة دمهم مبردش .
مجتمعنا بيحب يعلق مقصلة الإعدام لأي حد .. لأنه مجتمع فاشل .. و أحياناَ بعض الناس بتحس بنوع من الصلاح و التميز اما تحقر من ناس تانية .. مع إن كلنا بني أدمين .
و بإختصار العيال دي لا شواذ ولا ملحدين ولا خليفة عبدة الشيطان (اللي مكانوش موجودين أصلاَ) إلي أخر العبارات الرنانة اللي أشجانا بها الأخ الصحفي كاتب الموضوع .. العيال دي شوية شباب أهبل عاجبه اللبس و الستايل و "الإنتماء" لحاجة معينة بكل الحاجات اللي فيها .. يمكن لو كانوا حسوا بإنتماء لأي حاجة في البلد مكانوش بقوا كدة .. انا عرفت من العيال دي كتير أوي ايام ما كنت بلعب في باندات .. ناس عادية جداَ بيحاولوا يلفتوا الإنتباه بشكل لا واعي .
مع اني لازلت مبحبهمش ابداااا و بكرهم بكل استايل اللبس بتاعهم بس عارف ناس منهم
و الموضوع كله شويه معلومات مش منظمه علي خيال خصب من اللي عامل الموضوع
المشكله بقي ان الايموز في ناحيه و المزعوم انهم عبده شياطين في ناحيه تانيه خااالص !! بس هو الكلام عليه جمرك !!
جماعه الايمو دى واحده من جماعات كتير منتشره بلذات فى امريكا زى ال gothecs و ال nerds
بس الايمو اكثرهم انتشارا و منتشر بدرجه ملحوظه فى مصر و اتعرفت على اتنين ايمو منهم واحده بنت على النت
اذكر مره ان والدها توفى بعتتلى صوره مقطعه ايديها بشفره حاده
الموضوع داخل دماغهم و مقتنعين بيه وكتير اوى منهم معندوش دين ومش كدا و بس هو بينكر وجود الديانات
يعنى هما مش Religious لكن spiritual
بيحاولوا يقلدوا الاشكال بتاعه كرتونات الانيمى بلهدوم السودا و الوشم و الكحل الكثيف على العين و الشعر المتسشور الواقف ومايل على الوش والعينين و كمان الحلقان اللى بيحطوها فى كل جسمهم و بأعداد كتيره جداااا
للاسف فى مصريين شباب ولاد وبنات كدا
ربنا يهديهم ويبعد عنا افات المجتمعات المريضه دى
فراغ ..... ثم فراغ ..... ثم فراغ
ثم تحول الفراغ الى خواء ....
خواء فكري ...
خواء معنوي .....
خواء سياسي ......
خواء اسري ......
خواء قدوة ........
خواء تربية .....
خواء ديني .......
خواء قضية ينتموا اليها
والله صعبانين عليا ...... شباب في عمر الزهور ... ممكن يكونو سبب ازدهار بلاد وبلاد .....ربنا يجازي اهلهم اللي وصلوهم لكده
بما ان حضرتك شكلك فاهم ومتابع الموضوع فأسمحلى اسألك ايه الفرق بين الـ emo والـ gothic هما حاجتين زى ما حضرتك قولت ولا هما حاجة واحدة ؟؟
طبعا الـ nerds معروفين الل بيكون ليهم شكل تانى شكل موضة الستينات القمصان الفاتحه المقفول زرايرها كلها والشعرال بيكون على جنب واهم حاجة النضارات الكبيرة :36_1_37[1]: ومقتنعين انهما العباقرة الل فاهمين الدنيا كلها
انا شايف الصورة دى معبرة أكتر من كلام كتير
يارب تكونو فاهمين قصدي
http://www.thedailygreen.com/cm/thed...s/emo-cow.jpeg
طب ما هو ياما ناس مش لاقيين شغل ومعندهمش استقرار ومبقوش ايموز ولا اي حاجة من دي اعتقد الموضوع مرتبط بالوازع الديني اللي بيرد الانسان عن فعل الحرام وكمان بيربي عنده شخصية سوية خالية من المشاكل النفسية اللي عند الناس دول
والأهل ليهم أكيد دخل لأنهم فاهمين معنى حرية الأبناء غلط ومش عارفين انهم هيتسالو عنهم يوم القيامة
كلامك مظبوط ولكن لكل قاعدة شواذ .
الفقر والاكتئاب واوقات الفراغ والملل .
ومش بعيد الاهل يكونوا بيعانوا من نفس المشاكل دى هما كمان مش الابناء بس ..
التربية السليمة هى اساس كل شيء (كلام سليم)
و لكن لو شفت الدوافع اللى خلت فتيات الليل وتجار المخدرات والمجرمين و و و و و يوصلوا لكده مش هتلاقيها التربية ...
ولو جينا وحللنا اسباب اوقات الفراغ دى هنلاقى ان اول عامل من عوامل الفراغ هو البطالة والاكتئاب مش التربية ...
45 % من شباب مصر دلوقتى بيتعاطوا مخدرات ويمكن اكتر كمان ولانى شاب و عارف وبشوف كل يوم من كل مكان بشوف الغنى بيتعاطى قبل الفقير وده دليل على ان اوقات الفراغ والبطالة والملل هما اقوى دوافع للانحراف .
لا حول ولا قوة الا بالله
انتم اختلطم بلناس دى يعنى !!!
لو مشككين فى كلامى جرب تكتب قى جوجل كلمه gothics
واقرى المقالات او ادخل على الموقع دا مثلا
http://www.thebestpageintheuniverse.net/c.cgi?u=gothics
انا كنت أعرف gothics أو goths المسمي الصحيح من فترة .. و كنت أعرف مصريين و غير مصريين عايشين في مصر و غير مصريين بيزوروا مصر .. طبعاَ مش الكلام ده خالص .. برضه يا جماعة كل دي حاجات تجارية بيجري وراها الشباب و يقلدها ! إنما مش "جماعة" و "طقوس" و الكلام ده !
في كلمات قصيرة .. أي حد عامل حاجة خارجة عن المعتاد سواء بقي ايمو او جوث او بيلبس هدوم الهيب هوب الواسعة أو عامل أي حاجة غريبة في شكله فا هو بيبقي غالباَ إنسان داخله شئ من التمرد علي حاجة في حياته .. و بيعبروا عنه أحياناَ بشكل كويس و أحياناَ بشكل مش كويس.. و مع الوقت بتبتدي حاجات تتضح له و بيبتدي يصحح من حياته .. خلينا برضه فاهمين إننا بنتكلم عن شباب 16 و 15 سنة معندهمش خبرة في الحياة و ممكن يمشوا ورا حاجات كتير بدون وعي .
الجيش فى حاجة ليهم عشان يسترجلوا شوية قلة عقل ودين وحاجات تانية كتييييييييييييييييييييييي ييييييييييييييييييييييييي يييييييييييييييييييييير
باذن الله امن الدولة تخلصنا منهم
زي ما خلصت من عبدة الشيطان
انا قريت الموضوع و قريت كل المشاركات و كونت نظره شخصيه و هى :
الناس دى فاضيه و مش لاقيه حاجه تعملها ...
و طبعا مفيش دين او بمعنى اصح معندهمش ايمان زى كتير من المصريين ...
مثال بسيط :
لو اى شاب مننا نازل يخرج مع اصحابه و اليوم خنيق ...
مش ممكن حد منهم يعمل حاجه عبيطه و هابله و غريبه و الشارع كله ينفرج عليه ؟؟
يطلع من العربيه يغنى ..
يرقص ..
يشتغل الى ماشيين فى الشارع ...
اى حاجه يضيع بيها وقت على ما اليوم يخلص ...
الناس دى كده ...
اهلهم ناسينهم ...
و مفيش وراهم حاجه و قاعدين نت ليل نهار ...
جالهم اكتئاب لاى سبب زى مثلا البنت بتاعه قلبته ...و العكس ...
او بدون اكتئاب ولا حاجه ...
فى ناس بتحب تجرب كل حاجه ...
موضوع بقى انهم شواذ و عبده الشيطان و كده اعتقد انه مجرد تحابيش من الشعب المصرى الجميل ...
يعنى من الاخر مجرد كلام علشان يدى الموضوع شويه اهميه ...
و بعدين فى ناس بتحب التميز و بيعملوه بأى طريقه ...
انت ممكن فى عربيتك تعمل حاجه غريبه موووووت لمجرد لفت الانتباه ..
بعد فتره الناس هتقلدك ..
هتشيل انت الحاجه دى و تعمل غيرها ....
طبها دى مش مبررات للى بيعملوه ...
انا بس حبيت اقول وجهه نظرى و ممكن تكون صح او غلط ...
ربنا يهدى ...
دى تربية مش كويسة يعنى كل واحد اتعود على حجاة بيمشى عليها اما دول حياتهم فارغة فبيملوها بالايمو هههههههه فكرنى ب umo مسحوق غسيل ههههههههه
venus doom
بالضبط الله ينور عليك هو ده الوضع بالضبط