عرض للطباعة
انا النهاردة راجع من الجامعة ووقفوني في الكمين وعلى فكرة لسه اول يوم ليه النهاردة واول مشوار بالرخصة يعني اصطباحة المهم العربية ملك والدتي وانا معايا رخصتي فبيقولي فين التوكيل قلتله انا معرفش توكيل ايه ده المهم خلصت معاه الحوار ومشيت والحمد لله جت سليمة
فممكن اسالكم هو ايه التوكيل ده وهل ممكن امشي بشهادة الميلاد وارح دماغي ولا ايه بالظبط
التوكيل ده بيكون توكيل من صاحب العربية
هو مالوش لازمة اساسا بس خللي والدتك تعملهولك وتريح دماغك
انا عربيتي باسم والدي ومبيوقفونيش عشان طبعا هو شايف اسمي واسم والدي
وعربية صاحبي باسم والدته وعمر مافيه حد كلمه بس انت حظك كده بقى
فكرة شهادة الميلاد كويسة عشان اسم والدتك مثبوت فيه واعتقد ساعتها مش هيكلمك ولكن برضه انت تريح دماغك واعمل التوكيل
توكيل قيادة السيارة صادر من والدتك ليك , لو والدك مش لازم توكيل لانه باين من اسمك انه والدك , اما والدتك فمش باين مكن اسمك انها والدتك , و اعتقد ان شهادة الميلاد تفى بالغرض المطلوب.
وبرضو في ناس بترخم على الرخصه لما بتكون باسم الاب ومعكش توكيل
الموضوع في الحقيقه عادي وصعب الا في حالات قليله جدا يتخذ اجراء ضدك
بس الموضوع شكله انه امين شرطه معفن عايز يعمل مصلحه والمفروض انه لو ضابط مش هيمعل لك حاجه
اعمل التوكيل علشان ماحدش يرخم عليك تانى
طيب الى سايق عربيه بتوكيل لوالدته :)
كلامكم صحيح لكن هل شهادة الميلاد تفي بالغرض ومفيش بني ادم يقلي انت رايح فين
ياباشا انا زيك العربية باسم والدتي وبخرج عادي جدااا ولما حد بيوقفني بوريلو الرخص مش بيتكلم هو جايز كان عاوز يعمل مصلحة عليك مش اكتر
كبر دماغك منهم
هما لازم يعملوا نفسهم فاهمين وانت اللى غلطان
اللى يكلمك شوطه
لو انت من النوع اللى بيقلق
توكيل ب 15 جنيه فى المرور يريحك
بس اروح المرور اللي رخصت فيه العربية ؟
اى مرور فيه وحده شهر عقارىاقتباس:
المشاركة الأصلية كتبت بواسطة himatros
اسمه توكيل اداره
بيبقى فيه التعامل مع المرور وخلافه عدا البيع
فعلا القانون كدة يعنى لو حب يرخم من حقة يسأل على التوكيل ويوقفك لحد مصاحب العربية يجى (رغم اعتراضى على القانون )دة حقة . مرة ابن خالتى سايق عربيتى باسم والدى على اسكندرية الصحراوى فى الكمين سالة على التوكيل قالة ابنة معايا اهة راح قالى ورينى البطاقة جيت اطلعها الى خلاص خلاص اتفضلوا
يا جماعه عايزين نبص للموضوع ده من الناحيه الكويسه
مش ممكن عربيت حد فينا(قدر الله)تتسرق وتكون سايب فيها الرخصه ويعدي من كل الكماين ويكون اختفي بالعربيه قبل ما انت تبلغ عنها
ده سبب ان محدش يسيب رخصه في العربيه برضوا
هي لو لجنه رخمه و عايزين يلموا مخالفات و خلاص ممكن يرخموا عليك جامد بس مش عارف هيعملوا معاك ايه...؟؟؟
آه صحيح هو الموضوع ده عقوبته ايه في القانون الجديد...؟؟؟ حد يعرف...
امشي بشهاده الميلاد و التوكيل و لو ممكن والدتك تكون معاك دايما و لو العربيه استعمال خلي صاحبها السابق موجود و لو صاحبها السابق جايبها استعمال خليه يجيب الي اشتراها منه و لو جديده خلي الي بعهالك معاك برضوا و صاحب التوكيل و يا ريت صاحب الشركه كمان و اعضاء مجلس الاداره
حصلت معايا ..ومعدنيش غير لما وريته عنواني ..اللي هو نفس عنوان امي...هو خد وقت عقبال ما فهم :36_6_3[1]:...بس عديت الحمد لله
كبر دماغك بلا توكيل بلا قرف
امشى عادى لا توكيل ولا حاجة واللى يكلمك بجح فى وميهمكش.. بقالنا عشرين سنة بنسوق عربيات مش بتاعتنا ومحدش فكر يسال سؤال متخلف زى دة (فين التوكيل) متحطش فدماغك وخلى بس معاك اى اثبات فى اسم والدتك لا توكيل ولا بتاع..بطاقتك الشخصية كافية اوى لان ببساطة فيها نفس عنوان الوالدة ورخصة السواقة كمان كافية اوى لان فيها نفس العنوان بردو
*طالما أن الرخصة غير مكتوب فيها أنه مشترك عن سائق (يدفع له تأمينات إجتماعية ويبقي له ملف في التأمينات )فالمفترض قانوناً أن لا يقودها إلا مالكها
* طبيعي ممكن الواحد يسوق عربية والدة أو أخوة أو أختة ويبقي مطمئن لأنه الأسم في رخصة السيارة ورخصة القيادة بيوضح وجود صلة القرابه
* لما الواحد يسوق عربية والدتة أو زوجتة فيجب الأخذ بالأحوط وهو وجود ما يثبت صلتة بمالك السيارة .(صورة بطاقة الزوجة أو الوالدة قد تكفي )
بأختصار لابد من وجود مايثبت صلة قائد السيارة بمالكه ؛ أو وجود توكيل رسمي بإدارة السيارة والتمثيل أمام المرور وإلا من حق ضباط الشرطة (وليس المرور فقط ) إحتجازة والسيارة إلي حين تقديم ما يثبت صلتة الفعلية بمالكها
طيب سؤال لو العربية متاجرة ايه الحل
انا ماشي بشهادة الميلاد دلوقتي على فكرة