معايا رخصي كلها وبيقولي وريني التوكيل؟؟؟

**himatros** · 10-03-2009 05:12 PM

انا النهاردة راجع من الجامعة ووقفوني في الكمين وعلى فكرة لسه اول يوم ليه النهاردة واول مشوار بالرخصة يعني اصطباحة المهم العربية ملك والدتي وانا معايا رخصتي فبيقولي فين التوكيل قلتله انا معرفش توكيل ايه ده المهم خلصت معاه الحوار ومشيت والحمد لله جت سليمة
فممكن اسالكم هو ايه التوكيل ده وهل ممكن امشي بشهادة الميلاد وارح دماغي ولا ايه بالظبط

**kemo0o** · 10-03-2009 05:37 PM

التوكيل ده بيكون توكيل من صاحب العربية
هو مالوش لازمة اساسا بس خللي والدتك تعملهولك وتريح دماغك
انا عربيتي باسم والدي ومبيوقفونيش عشان طبعا هو شايف اسمي واسم والدي
وعربية صاحبي باسم والدته وعمر مافيه حد كلمه بس انت حظك كده بقى

فكرة شهادة الميلاد كويسة عشان اسم والدتك مثبوت فيه واعتقد ساعتها مش هيكلمك ولكن برضه انت تريح دماغك واعمل التوكيل

**mr_kenawy** · 10-03-2009 05:40 PM

توكيل قيادة السيارة صادر من والدتك ليك , لو والدك مش لازم توكيل لانه باين من اسمك انه والدك , اما والدتك فمش باين مكن اسمك انها والدتك , و اعتقد ان شهادة الميلاد تفى بالغرض المطلوب.

**حماده المصري** · 10-03-2009 05:44 PM

وبرضو في ناس بترخم على الرخصه لما بتكون باسم الاب ومعكش توكيل

الموضوع في الحقيقه عادي وصعب الا في حالات قليله جدا يتخذ اجراء ضدك

بس الموضوع شكله انه امين شرطه معفن عايز يعمل مصلحه والمفروض انه لو ضابط مش هيمعل لك حاجه