يا باشا الاسبراتير اللى عندى بتاع بيجو فرنساوى وابلتين بيجو وكوندينسر بيجو
عرض للطباعة
نصيحه لو انت مذنوق فى البيع بيع دلوقت حالا
ولو مش معذور فيها خليها معاك اهى عربيه ومظبوطه معاك واحسن من غيرها
بس عاوزك تقول لو عاوز تبعها تطلب كام
خصوصا انها 74 و 2 باب
يعنى لو انت ف اسكندريه مثلا حتجبلك 7000
ايه حضرتك بتقول ايه 7الاف ولا 10 ولا 11 دة انا احطها قدامى واقعد اتفرج عليها عنها ما اتباعت دة انا كنت جايبها من سنة ب11 الف وكانت زبالة دة انا شدتها من الالف للياء دة ببقى ماشى فى الشارع بيقفو يتفرجو عليها وبيوقفونى فى الشارع وماكنتش برضا ابيعها انت بتقول ايه والله انا صارف عليها حوالى 7 الاف جنيه خليها بقى تتوارثها الاجيال هى عموما مش تعبانى فى حاجة اصلا ومكفيانى والحمد لله دة حتى كنا لسة فى احمد سعيد النهاردة ومركبلها حاجات جديدة وكلفانى 70 جنيه انا لغيت الموضوع من دماغى لو حد هايقدرها ماشى غير كدة خليها ولا بتاكل ولا بتشرب دى عاملة زى الاطفال حتى فى البنزين شماماة بنزين بفولها 3 مرات فى الشهر انت بتتكلم فى ايه ياعم الحج امال السيات بقت بكام (واحد صاحبى بايع سيات حقيرة مفيرسة ب8 الاف وموديل قديم وعربية محتاجة عربية)............
ياااه هو حضرتك طالب فيها اكتر من 11000 !!
اعتقد ان المبلغ ده صعب جـــــدا جدا حاليا ..
ولو صارف عليها جامد ومش عايز تبيع بخسارة خليها افضل ..
السلام عليكم لو عايز تبعها ممكن اشتريها ب8 الاف جنيه --ولو السعر ما عجبكش انصحك لو بتفكر تبيع بسعر انت طاليه بيع دلوقتى ممكن يجيب السعر اللى عايزه بس دلوقتى الاسعار المده القادمه فى المستعمل بينزل بسرعه رهييه جدا--شكرا
استاذى الفاضل لو بتتكلم فى عربيتك باكتر من 11 الف مش حتبيع خالص ولو 20 سنه قدام
لو ممكن نتقابل وتقدر تبيعلى عربيتى اتمنى ذالك وخصوصا انك بتتكلم فى اسعار جميله خالص بالنسبه للسوق اليومين الزفت دول
عارف بيجو 305 كماناقتباس:
يا باشا الاسبراتير اللى عندى بتاع بيجو فرنساوى وابلتين بيجو وكوندينسر بيجو
ده لان الاسبيراتير بتاعها مش موجود بس خللى حد يبص لك عليه وعلى الوش بتاعه والاكس بتاع الاسبيراتير والفحمات والحداف
الف الف شكر ليك يا باشا وهى فعلا عزيزة عليا جدااااااااا وخلاص انا كبرت دماغى من موضوع البيع دة الا فى حالة لو لقيت ريتمو سبور نضيفة فى الحالة دى انا ممكن ابدل وخصوصا عربيتى مش تعبانى خالص وزى الفل والحمد لله على النعمة دى وربنا يباركلنا فى العربات ال127 اللى عاملة زى الدهب(الايطالى بس الفيورا لاااااااا ياعم الحج:36_1_35[2]:)