قول انهى افضل فى الشكل : كولت الشكل القديم ولا الشكل الجديد (مرفق بالصور)

انا قلت اعمل مقارنة بسيط بين شكل السيارتين متسوبيشى كولت الشكل القديم والشكل الجديد
ايهما افضل ؟

العربيتين من الامام :-

[IMG]http://www.herosh.com/up/73952/833159065.jpg[/IMG]
http://www.herosh.com/up/73952/856386770.jpg

العربيتين من الخلف :-

[IMG]http://www.herosh.com/up/73952/518468621.jpg[/IMG]
http://www.herosh.com/up/73952/63659378.jpg

صالون السيارتين
الشكل القديم :-
http://www.herosh.com/up/73952/63740348.jpg
الشكل الجديد :-
http://www.herosh.com/up/73952/345566734.jpg

انا عارف ان هنا فى المنتدى محدش يمتلك السيارة دى (ممكن يكون فيه بس اعتقد قليل اوى)
بس فعلا العربية دى كويسة جدا جدا ومش واخدة حقها فى مصر (اللانسر طبعا متفوقة جدا)
وانا بعتبرها اخت اللانسر الصغيرة (الهاتش بالك)

طبعا انا واثق ان الراى فى شكل العربيتين هيكون من غير تحيز

بس انا هتكلم شوية عن موتور الكولت (الشكل القديم) لان (الشكل الجديد) منزلش مصر
هوا موتور بتكنولوجيا MIVEC (نفس موتور اللانسر الشارك)
1500 سى سى - 16 صباب - 4 سلندر
يولد 109 حصان صافى

اما بالنسبة للفتيس:-
فهوا فتيس ايزى ترونيك (زو ست سرعات امامية وواحدة خلفية) زى فتيس الاوبل فيكترا الشكل الجديد
فتيس تحفة بيحقق تسارع عالى وعدم الشعور بالنقلات
وبه امكانية التحول بين المانيول والاتوماتيك
انا خلصت كلام فاضل كلامك وتقيمكم

الشكل القديم موديل 2007 فيه 3 أعضاء بالمنتدى يملكوا العربية وفيه 2 بيفكروا وبيسألوا ويمكن يشتروها (وصل سعرها الزيرو الآن بالتوكيل 82500 ج)

الشكل الجديد 2009 اتعمل عنها موضوع قبل كده في المنتدى وكان رأي الأعضاء فيها لا يسر وبالتالي التوكيل لازم يفكر الف مرة قبل ما يجيبها

http://www.nilemotors.net/Nile/showthread.php?t=41056

الجديدة احلة بكتيرر


القديمة مش حلوة الفنوس بتاعة طويل وشكلة مش قد كدة

الجديدة شبة الجيتز بس مقطقطة وحلوة قوىىىىىى

اقتباس:

---

المشاركة الأصلية كتبت بواسطة مصراوي جدا

الشكل القديم موديل 2007 فيه 3 أعضاء بالمنتدى يملكوا العربية وفيه 2 بيفكروا وبيسألوا ويمكن يشتروها (وصل سعرها الزيرو الآن بالتوكيل 82500 ج)

الشكل الجديد 2009 اتعمل عنها موضوع قبل كده في المنتدى وكان رأي الأعضاء فيها لا يسر وبالتالي التوكيل لازم يفكر الف مرة قبل ما يجيبها

http://www.nilemotors.net/Nile/showthread.php?t=41056

---

الف شكر يا بشمهندس على المشاركة
وفعلا سعر الشكل القديم حتى لو كان 2008 يبقى تحفة
الشكل الجديد فعلا مش محبوب
وانا هقول رأيي فيه

اقتباس:

---

المشاركة الأصلية كتبت بواسطة hotboja

الجديدة احلة بكتيرر


القديمة مش حلوة الفنوس بتاعة طويل وشكلة مش قد كدة

الجديدة شبة الجيتز بس مقطقطة وحلوة قوىىىىىى

---

شكلك كدة هتبقى المعجب الوحيد بالشكل الجديد فى المشاركات كلها

بصراحة انا شايف ان الشكل القديم احسن
رغم ان الاتنين تقليد للشارك والبوما
1-بس الشكل الجديد مطلعش بحلاوة الشارك ولا تحفة تصميم الشارك
انما الشكل القديم تحس ان فيه حاجة حلوة
2- من الخلف
اعتقد ان الفانوس الصغير بتاع الشكل الجديد افضل ومش مخلى منظرها منفر وكمان هيكون ارخص فى التكلفة لو اتكسر ولا حاجة
3- من الامام
الخطوط جميلة بس الجديد وقع برضو فى مشكلة الفيبر اللى هوا مقدمة العربية
وكمان الفانوس كان ممكن يبقى احسن من كدة
4-من الصالون
بجد الشكل الجديد انا شايف انو احسن فى ظل تغيير الاضاءة الخضراء واستعمال البرتقالى او الاحمر وكمان منظر العدادات تغير وكمان السى دى بلاير
بس التصميم الجديد مبنى على القديم مع بعض التعديل

انا عايز اضيف اضافة بسيطة ان ابعاد العربيتين نفس بعض
وكمان نفس الشاسيه
ودى نقطة لصالح الشكل القديم دا لو كان كمان نفس الموتور)
عكش الشارك والبوما (اختلاف فى كل شىء بكل ما تحتوى الكلمة من معانى

فى النهاية الشكل القديم (بصرف النظر عن الصالون) هوا الفائز

اقتباس:

---

المشاركة الأصلية كتبت بواسطة مصراوي جدا

الشكل القديم موديل 2007 فيه 3 أعضاء بالمنتدى يملكوا العربية وفيه 2 بيفكروا وبيسألوا ويمكن يشتروها (وصل سعرها الزيرو الآن بالتوكيل 82500 ج)

الشكل الجديد 2009 اتعمل عنها موضوع قبل كده في المنتدى وكان رأي الأعضاء فيها لا يسر وبالتالي التوكيل لازم يفكر الف مرة قبل ما يجيبها

http://www.nilemotors.net/Nile/showthread.php?t=41056

---

متنساش أ طارق ان زى ما التوكيل حيفكر الف مرة قبل ما يجيب موديل 2009 لانه خايف من الخسارة
المشترى برده لازم يفكر 100 الف مرة قبل ما يشترى عربية موديل 2007 واحنا فى شهر 3 2009وبالسعر المبالغ فيه ده لانه اول ما حيرخص العربية ويعلق نمر حيبقى خسر فيها مش اقل من 10 الاف جنية على الاقل والمشترى برضه خايف من الخسارة زى التوكيل بالظبط ويمكن اكتر
وبعدين التوكيل خد قرار خاطىء واستورد عربية ملهاش سوق هنا ومحتاجة بنزين 95 وعملت مبيعات ضعيفة فى 2007 ومرضيتوش تخفضوا سعرها لحد ما 2007 خلصت والعربيات لسه متبعتش جت 2008 وبرضه مش راضين تخفضوا لحد ما 2008 قربت تخلص بدئتوا تخفضوا مبالغ رمزية الف والفين وجنية لحد ما 2008 خلصت بدئتوا تعرضوا نسب تخفيض اكبر
ودلوقتى احنا فى شهر 3 2009 ولسه مصرين على سعر مبالغ رغم ان عربية بالشكل ده والموديل القديم ده اى سعر حتتباع بيه حتى لو اتباعت بخسارة 30 او 40 فى المية حيكون مكسب ليكوا

علي فكرة يا جماعة
أنا لما رحت التوكيل من كام اسبوع أشوف العربية، سألت المسئولة اللي كنت بكلمها هناك عن أخبار الكولت موديل 2009 قالتلي بالحرف لأ الحقيقة مش هنجيبها وأنا التوكيل أهه وبقولك اني مش هطلبها السنة دي خالص (طبعا علشان الخسارة اللي خسروها في موديل 2007)

رأييي شكل الموديل القديم الخارجي أحلي من الجديد لكن طبعا تابلوه الجديد أحلي بكتير.

وعموما عيب العربية دي للأسف هنا في مصر هو شكلها اللي فعلا ميرضيش أذواق مستهلكين كتير حيث ان المستهلك المصري أساسا العربية الهاتشباك مهياش اولي اهتماماته، وطبعا سعرها في البداية اللي نزلت بيه أكيد كان عالي اوي وبالتالي لم تلاقي اقبال كبير نظرا لشكل مش هيكون مقبول من ناس كتير وكمان سعر غالي.

فعلا الشعب المصرى بيدور على عربيات سيدان عائلة اكتر من عربية هاتش باك
بس برضو العربية تعتبر مظلومة لو تم المقارنة بينها وبين
الماتركس - الماتريا
ومستنى رأى بقية الاعضاء

اقتباس:

---

المشاركة الأصلية كتبت بواسطة kingaya

متنساش أ طارق ان زى ما التوكيل حيفكر الف مرة قبل ما يجيب موديل 2009 لانه خايف من الخسارة
المشترى برده لازم يفكر 100 الف مرة قبل ما يشترى عربية موديل 2007 واحنا فى شهر 3 2009وبالسعر المبالغ فيه ده لانه اول ما حيرخص العربية ويعلق نمر حيبقى خسر فيها مش اقل من 10 الاف جنية على الاقل والمشترى برضه خايف من الخسارة زى التوكيل بالظبط ويمكن اكتر
وبعدين التوكيل خد قرار خاطىء واستورد عربية ملهاش سوق هنا ومحتاجة بنزين 95 وعملت مبيعات ضعيفة فى 2007 ومرضيتوش تخفضوا سعرها لحد ما 2007 خلصت والعربيات لسه متبعتش جت 2008 وبرضه مش راضين تخفضوا لحد ما 2008 قربت تخلص بدئتوا تخفضوا مبالغ رمزية الف والفين وجنية لحد ما 2008 خلصت بدئتوا تعرضوا نسب تخفيض اكبر
ودلوقتى احنا فى شهر 3 2009 ولسه مصرين على سعر مبالغ رغم ان عربية بالشكل ده والموديل القديم ده اى سعر حتتباع بيه حتى لو اتباعت بخسارة 30 او 40 فى المية حيكون مكسب ليكوا

---

معلومات حضرتك خاطئة جدا

العربية نزلناها اول مرة في معرض فورميلا الأهرام في يناير2007 وكان سعرها 119000 ج مع نهاية 2007 نزل السعر الى 105000 ج ثم خلال 2008 نزل السعر الى 99000 ج ثم 95000 ج ثم 90000 ج ثم 85000 ج وأخيرا 82500 ج

بالتأكيد مش محتاج اقول لك ان العربية دلوقتي بتتباع بخسارة وخسارة كبيرة كمان الا لو كنت من انصار حملة خليها تصدي وبتعتقد زي كثيرين ان الوكيل بيربح من 50 الى 60 % من سعر العربية علشان موظف في توكيل تويوتا السعودية عبد اللطيف جميل طردوه من الشركه فقال انا هافضحهم واعرف الناس هم بيكسبوا قد ايه - رغم ان المثل بيقول اذا كان المتكلم مجنون فالمستمع عاقل

عموما لا اعتقد ان العربية سعرها هينزل اكتر من كده لأن اساسا باقي 15 عربية

اقتباس:

---

المشاركة الأصلية كتبت بواسطة مصراوي جدا

معلومات حضرتك خاطئة جدا

العربية نزلناها اول مرة في معرض فورميلا الأهرام في يناير2007 وكان سعرها 119000 ج مع نهاية 2007 نزل السعر الى 105000 ج ثم خلال 2008 نزل السعر الى 99000 ج ثم 95000 ج ثم 90000 ج ثم 85000 ج وأخيرا 82500 ج

بالتأكيد مش محتاج اقول لك ان العربية دلوقتي بتتباع بخسارة وخسارة كبيرة كمان الا لو كنت من انصار حملة خليها تصدي وبتعتقد زي كثيرين ان الوكيل بيربح من 50 الى 60 % من سعر العربية علشان موظف في توكيل تويوتا السعودية عبد اللطيف جميل طردوه من الشركه فقال انا هافضحهم واعرف الناس هم بيكسبوا قد ايه - رغم ان المثل بيقول اذا كان المتكلم مجنون فالمستمع عاقل

عموما لا اعتقد ان العربية سعرها هينزل اكتر من كده لأن اساسا باقي 15 عربية

---

بغض النظر عن حملة خلوها تصدى رغم ان انا مش شايف ليها علاقة بالكلام اللى انا قلته

وطبعا مقدرش اتناقش معاك فى الارقام لان اكيد معلوماتك صحيحة
لكن فى النهاية لازم نبقى متقفين ان مفيش توكيل بيخسر فى عربية لكن ممكن يخسر من هامش الربح فقط
لان لو توكيل بحجم ميتسوبيشى خسر فى عربية بيبعها يعنى معناها ان ادارة الشركة فيها مشكله

ومعنى ان التوكيل فى شهر 3 2009 لسه عارض عربية كولت موديل 2007 للبيع ده برده معناه ان فى خطأ فى سياسة الشركة التسويقية على الاخص ودراسات السوق وسياسة التسعير للشركة

على العموم تخفضوا سعر العربية او متتخفضوش مش حيفرق كتير لان قرار شراء عربية كولت متخزنة من يناير 2007 ل شهر 3 2009
حيكون مخاطرة كبيرة جدا للمشترى بغض النظر عن سعرها خصوصا لو اخدنا فى الاعتبار سعر اعادة البيع وطريقة تخزين العربية مدة السنتين

وربنا يوفقكوا فى بيع ال15 عربية الباقيين قبل ما السنة دى تخلص

هي فعلا مش بتاخد غير بنزين 95؟؟

المانيوال بتاع السيارة بالفعل مكتوب به وينصح باستخدام بنزين 95 ومذكور انه الحد الادني الموصي به وهذا ما ذكره أحد الاعضاء هنا بالمنتدي والذي يمتلك السيارة بالفعل وقد قال سابقا انه وضع بنزين 92 مرة واحدة فقط ولكن السيارة لم تؤدي أداء جيد وكانت بتقطع لكن اداءها اصبح ممتاز بعد وضع بنزين 95.
في حين أن هناك عضو آخريمتلك السيارة كذلك ولكنه ذكر أنه يضع بنزين 92 والسيارة تعمل معه بدون اي مشاكل. وبالتالي يظهر كده ان موضوع البنزين ده ممكن يختلف من سيارة لاخري ولكن يجب ان نضع في الاعتبار احتمالية الا تعمل السيارة جيدا الا باستخدام بنزين 95.
واللينك التالي فيه كل الكلام اللي أثير عن موضوع بنزين الـ Colt وفيه الكلام اللي قالوه ملاك السيارة

http://www.nilemotors.net/Nile/showt...highlight=Colt

تحياتي

اقتباس:

---

المشاركة الأصلية كتبت بواسطة nour3alanour

المانيوال بتاع السيارة بالفعل مكتوب به وينصح باستخدام بنزين 95 ومذكور انه الحد الادني الموصي به وهذا ما ذكره أحد الاعضاء هنا بالمنتدي والذي يمتلك السيارة بالفعل وقد قال سابقا انه وضع بنزين 92 مرة واحدة فقط ولكن السيارة لم تؤدي أداء جيد وكانت بتقطع لكن اداءها اصبح ممتاز بعد وضع بنزين 95.
في حين أن هناك عضو آخريمتلك السيارة كذلك ولكنه ذكر أنه يضع بنزين 92 والسيارة تعمل معه بدون اي مشاكل. وبالتالي يظهر كده ان موضوع البنزين ده ممكن يختلف من سيارة لاخري ولكن يجب ان نضع في الاعتبار احتمالية الا تعمل السيارة جيدا الا باستخدام بنزين 95.
واللينك التالي فيه كل الكلام اللي أثير عن موضوع بنزين الـ Colt وفيه الكلام اللي قالوه ملاك السيارة

http://www.nilemotors.net/Nile/showt...highlight=Colt

تحياتي

---

شكرا على الرد الوافي

الجديده طبعا
انا والحمد لله مش بطيق القديمه دي ابدا

الجديده طبعا احلي بكتير و شكلها تحفه ياريت التوكيل ينزلها مصر

انا شايف ان الجديده احسن واشيك ...ومن جوه تقريبا زي بعض

الجديدة شكلها احلى بكتير من بره ومن جوة شكل الفوانيس والشبكة والتابلوه كمان احلى