الموضوع: تسعير 316 bmw

مسقط مكنة عندو بردو

مبروك الموتور الجديد ..
سقط موتور قد ايه ؟؟

المشاركة الأصلية كتبت بواسطة AudiQ7

هاتلي بالاسعار دي و انا شاري .. انا بابحث عن كده بالظبط و مش لاقي .. اقل حاجه باسمعها 55 في ال M40 و في ال E30 باسمع 45 .. و في الدبانه اقل حاجه 65 .. و ده لبدايات الموديلات و كل ما الموديلات رفعت كلما الاسعار ما زادت .
انا فلوسي جاهزه بس مش عاوز عربيه مغيره نص ولا الكلام ده :)
وشكراً مقدماً

فعلا انا مشفتش دبانة خالص بالأسعار اللي بتقولوا عليها دي

تنبيه للعضو بمخالفة القاعدة 6 بند ب

ممنوع الكتابة بالفرانكو أراب
الرجاء مراجعة قوانين المنتدى
________________
مشرف القسم

يااااا نااااااااااس
قولتها و بقولها و حفضل أقولها
أسعار البى ام مجهوله عند معظم الناس و ملاك البى ام عارفين كدا كويس علشان كدا بيضرب فى العالى علشان كدا أسعارها متفاوته جدا
و متسدقش اسعار السيارات المعروضه على النت
الساده الزملاء الى عايزين e30 انت لو دخلت على واحده 316 مو 84 مش حتزيد عن 25 لو نضيفه و مش عايزه مصاريف مع ان هى هى العربيه ممكن تتباع ب35 الف و ممكن 45 الف
سوق البى ام المستعمل يعتمد على التلبيس فى الاسعار
ادخل على صاحب العربيه و عرفه ان انت فاهم كويس وعاشق البى ام ساعتها حتعرف تخلص معاه

حضرتك مش واخد بالك بان احنا سوقنا مالناش علاقه بالسوق الاوروبي .. في اوربا الدول المتقدمه العربيات دي رينجها من 1000 - 5000 يورو ..

مبدأيا أقول لسيتك سوق أوروبا ماشى ازاى
العربيه الى تعدى عليها فتره 5 او 6 سنين ليها نظام فى فى الضريبه و القياده يعنى العربيه متمشيش أيام العطلات (الاحد) والا تدفع غرامه , سيبك من السوف الاروبى و كمان ال e36 أخدها زميلى فى ايطاليا من واحد علشان ميدفعش ضريبتها ( خدها بدل مع ساعه أورينت سوسرى) قيمة الساعه 800 يورو

انا راجل مش باقتنع غير باللي باشوفه . و حضرتك كررت رينج الاسعار ده كتير . هاتلي الاي ثرتي اللي انا جاهل تمنها دي و قدامك ب 25 دي و انا اشتري حالاً . غير كده انا اقتنع باسعار السوق اللي انا شايفها قدامي حتي لو مش ده السعر اللي العربيه تسوااه .. علي كلامك كده بقي العربيات الفيات تسوي 2000 جنيه بس ..

بالنسبه للفيت سعرها عالى علشان الطلب زايد عليها قوى أما البى ام العكس تماما ( دا اقتصاد السوق ) معرفش حضرتك تعرف النسب ولا لاء
أنا كنت من مالكى ال e30 320i مو 86 والحمد لله دلوقتى e36 318 مو 95
انا كنت بايع e30 من شهر 5 الى فات ب 40 الف مع انى شاريها ب28 الف
لو لقيتلك عربيه نضيفه حبلغ حصرتك أولى من اى حد ( على الاقل انت زميلى فى المنتدى)

الحياه واقع يا استاذي و الواقع بيقول غير اللي انت بتقوله .معلش ان كنت متحمل عليك شويه لكن ان كنت حضرتك لا تعلم الواقع فانا بادعوك للبحث و المعرفه .

بالنسبه انت تسأل طبيعى حتسمع سعر اما لو اتكلمت فى تخليص و شراءفى الحدود الى اتكلمنا فيها حتلاقيه جاى معاك سكه و بتاخد و تدى معاه فى الكلام و أهم حاجه انك تعرفه انك عارف قيمتها الحقيقيه و الى بيقود الحديث كله طريقه كلامه و كلام حضرتك