السلام عليكم ورحمة الله وبركاته
ازيكو يا وحوش الرينو ..
انا الحمد لله بقيت وحش مشترك بين الميجان 1 و 2 , وبكده اكون انضميت لقائمة مالكي اكثر من سيارة رينو في المنتدى ..
بفضل الله ربنا وفقني وجبت ميجان 2006 وان شاء الله ربنا يكتب فيها الخير والبركة زي اختها الكبرى ..
وطبعا لسه ملاحظاتي مش هقدر اقولها لحد ما استعمل العربية فترة كويسة تخليني اقدر ابدي الملاحظات ..
بس اول حاجة لاحظتها اول ما استلمتها اني حسيت بنفس الاحساس اللي حسيته لما اشتريت الميجان 1 وهو ان العربية بترحب بيك وبتحتضنك وبتحس بالألفة السريعة معاها ..
انا فورا اول ما اشتريتها وطلعت على الطريق حسيت ان العربية معايا من زمان وحاسس بالراحة والاطمئنان ووالله بجد حسيت اني مغيرتش العربية وان فطرتي بتتعامل مع العربية بمنتهى الطلاقة ..

وان شاء الله اشوفكم انا والميجان 2 في المقابلة الجاية على خير ...