الموضوع: الى كل وحوش رينو ... وحوش الصعيد في السكه

انا لو دورت على عربيه تتصين في اسيوط يبقى هاحصر الاختيارات في الميتسوبيشي والتويوتا وبالتالي لو قارنت امكانيات اي عربيه فيهم وبنفس حدود سعر الميجان اكيييييد الميجان هاتكون افضل بكتير ده غير اني بحكم شغلي مابيعديش شهر الا وبكون في القاهره يعني كده كده نازل فابلتالي بستغل تواجدي في القاهره من وقت للتاني في عمل الصيانه

كان بس قلقي ان العربيه تعطل في اسيوط ومبقاش عارف ازاي اوصلها للتوكيل بس بعد ما عرفت ان التوكيل ممكن يبعت ونش ياخد العربيه الصيانه وكمان ممكن يرجعها تاني والكلام ده لاي مكان في مصر استريحت تماما

تالت حاجه من المعروف ان توكيل رينو من احسن التوكيلات واكثرها احتراما في مصر وللعلم كمان كل ما عدد المستخدمين قل كل ما كان اهتمام الوكيل بالعملاء اقوى واحسن يعني عدم انتشار الميجان او الرينو عامه زي التويوتا والميتسوبيشي يعتبر من وجهه نظري ميزه اكتر منو عيب لانك بتاخد حقك في الservice و زياده

كمان كان مخوفني شويه موضوع الرفارف الفيبر واللي اكتشفت بعد ما استخدمت العربيه انو نعمه كبيره .... يكفي اقولك ان الرفارف عندي اتعرضت لكام خبطه بس خفيفه ومره منهم كنت راكن العربيه وواقف جنبها واللي شفتو تحديدا كان كالاتي : عربيه ماتريكس متركبلها ال defenders من قدام ريحت على الرفرف الي ورا لدرجه انو دخل لجوا اثناء الخبطه واول ما صاحب الماتريكس جاب مرشدير لاقيت الرفرف رجع لشكلو بالظبط تاني وكأنو ماتلمسش زي ما يكون مطاط بالظبط وطبعا ده لو كان صاج كان زمانو جوا الشنطه

اهم ميزه بقى في الرينو اكتشفتها حديثا هيا انتو ياوحوش يعني الواحد ميخافش على اي حاجه او مشكله تخص العربيه من هنا ورايح عشان بقيت مطمن ان ليا اخوات ينصحوني في وقت الشده

وعلى فكره هيا فعلا العربيه بانوراما مش اكستريم واسف على اللبس