أخيراً حد قال اللي في نفسي! :biggrin24:
الإيذاء مش شرط يكون إيذاء مباشر بالمعنى الحرفي للكلمة....الأذية ممكن تكون بمنظر مقزز تشوفه قدامك أو بكلام خارج تسمعه غصب عنك
"عَنْ أَبِي سَعِيدٍ الْخُدْرِيّ رَضِيَ اللَّهُ عَنْهُ قَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ"
با جماعة اشهدوا ... المشرف بيشيل كل ردودى...... و بيصادر رأيى مش عارف ليه مع انى ما قلتش أى حاجة خارجة أو برا الموضوع....
ربنا يعميك يا أخى...
اللهم َضيق عليه الخناق حتى يلقاق..
صدق الرسول الله ص حين قال" دعوة المظلوم ليس بينها و بين الله حجاب و إن كان كافراً "
اتق الله بقى..
إيه يا عم yooyaa....مالك دخلت في الراجل شمال كده!!
الراجل ما حذفش غير مشاركة واحدة من مشاركاتك في الموضوع!
السلام عليكم .....
اولاً : انا بشكر كل الى شارك في الموضوع ده 000 و باى وجهة نظر هو مقتنع بيها 000 و الله يا جماعة انا مش قصدى من الموضوع ده اي خلافات بين الاخوة الاعضاء على اختلاف ارائهم 000 ولا قصدى من الموضوع ان الواحد يشتم في البلد و يفرغ شحنته 000 بالعكس الهدف من الموضوع حل لمشكلة كلنا فعلا بواجهها كلنا 0000
و كمان يا جماعة لازم نتعلم ازاى نتعامل مع بعض و مع الاخر و حتى ان كان مخالف ليا في الراى و دى حاجة طبيعية جدا 00لان لو الناس كلها متفقه على حاجة واحدة مش هيكون هناك اي مشكلة0000 و دى مستحيل و لم تحدث و لن تحدث 000 و مش معنى ان حد بيعارضنى في وجهة نظرى يبقى عدو و الى يوافقنى في وجهة نظرى يبقى صديق 000 المفهوم دا خطا جدا و بيولد مشاكل كتيرة جدا 00000 و لابد يتغير 0000
المهم انا تعمدت ما اكتبش ردى بسرعة غير لما اشوف معظم الناس هيكون ردهم ايه على الموضوع بتاعى ده 0000 و اطمن كل واحد و ان كان ليس بايده ان يغيير ان في ناس كتير رافضة هذا الوضع و هذه الظاهرة 0000 و دا حالة صحية جدا و تفكير كويس 00 اشكر كل الناس عليه و طبعا و الى يثبت كلامى ده ان تقريبا مجموع الي عارض فكرة هذا الموضوع لا يتعدوا اربع اعضاء فقط( مع اتفاقهم معنا بأن هذا الوضع خطا) 0000 و بروضو الاعضاء دول ماقدرش انى الومهم 000 علشان كل واحد و ليه وجهة نظر مختلفة عن الاخر و لو انا دخلت معاه في تحدى هو هيزداد تصميم على رايه 000 و لكن الامر محتاج مننا شوية صبر و تفاهم 000 و ما ينفعش ادعى عليه و اجرحة بكلمه تاذيه و اكلمه باسلوب مش كويس بالعكس 0000
المهم خلينا في الموضوع 0000 و اهم حاجة احب اوضحها و هى 000 في اكتر من واحد ذكر مشاكل اخرى لها الاهمية في التغيير قبل هذا الموضوع و ذكر بعض من عيوب البلد و هى لا تحصى طبعا 00
و احب اقول 0000ينفع يعنى لو مجلس الشعب مثلا بيطرحوا موضوع جديد مثلا زي تجميل و تزيين شوارع القاهرة حيث اننا بلد سياحية يطلع واحد من المجلس و يقول يا سيادة الرئيس البلد مليانة مشاكل و مليانة بطالة و مليانة سرقة و مليانة رشاوى و مليانة مخالفات في العقارات و مليانه احتكار للحديد و مواد البناء و الشقق غالية و مافيش شغل للشباب 00000 الخ الى اخر هذه المشاكل الى ملية البلد و يطلب من رئيس المجلس حل كل هذه المشاكل قبل قرار تزيين القاهرة 0000 طبعا ما يقدرش000 طيب ليه ؟؟ مع ان فعلا كل الحاجات دى ليها الأولوية في الاصلاح قبل تزيين القاهرة 0000 و لكن كل حاجة مستلقة بذاتها و اصلاح اي شئ ممكن لا يرتبط باصلاح شيئ اخر 000 و هو ده صلب الموضوع 000 حاجة ممكن الناس تتكاتف و تحلها و لكن تحلها ازاى ليس بالخناق و الشتيمة و لا بقلة الأدب و لكن بالتربية و انا برضو تعمدت ما اذكرش احكام الدين في الموضوع ده ليه علشان ممكن يكون معانا هنا مسيحيين أو غير مسلمين فكل هذه المواعظ و الايات و الاحاديث لا يقتنعون بها و لو كان اقتنوا بمثلها من قبل لاسلموا 000 المهم خلينا في الجانب الاجتماعي و الاخلاقى في الموضوع 0000
و احب اوجهه سؤال( و بكل حب و مودة و لطف و ليس فيه اي تجريح لأحد الا مجرد الاصلاح ) لاصحاب الدفاع عن الحرية لو انك تقدمت لخطبة بنت و فعلا تمت الجوازة و لكن اكتشفت انها كانت قبل الزواج كانت تمارس حريتها الشخصية مع أخريين 000 أيه رأيك ؟؟؟ تتصرف ازاى ؟؟؟ هتقول ايه ....ممكن تقول " دا أنا هعمل و اسوي فيها و في اهلها .... صح و لا أيه ؟؟" و على فكرة قبل الجواز انت ليس لك أي سيطرة على البنت 000 بس أفكرك بحاجة مهمة و هى كانت رأيك الشخصى و هى " الحرية الشخصية " ....أسيبك ترد على السؤال ده مع نفسك ....
و ممكن الناس تتفق معايا ان هذه الافعال ناتجة عن قلة و خلل في التربية الاجتماعية و الخلقية في البيوت 000 و ممكن برضو تكون ناتجة عن ضغط شديد عند الشباب و الشابات لتفريغ هذه الشحنة المكبوته في الحرام لعدم توفر و اتاحة ظروف فعلها في الحلال ....ممكن صح ؟؟؟ .... خلينا موضوعيين فى الكلام .....يبقى الحل أيه في حدود هذه الأمور الاخيرة فقط دون الدخول في انها غلط أو صح ..لأن الغالبية مقتنعيين فعلا انها غلط .....
و من وجهة نظرى ممكن يكون سبب كل هذا باختصار ما يلى :
- عدم قدرة الشباب على الجواز و بالتالى يشبع رغبته بهذه الطريقة .
- خلل في تربية الأولاد و البنات على الاخلاق و الأدب
- ظن الاباء و الأمهات ان عدم التضييق على الأولاد و البنات في أمور الاختلاط و الحرية في اختيار الملابس تربية صحية و تواكب العصر الحالى 00للتخلص من حياة التعقيد و الكبت النفسي للأولاد ......
و أظن ان الكي بورد بتاعتى ممكن تبوظ قبل ان اكمل كلامى ....فاسيب الناس تقول رأيها ...و أسف جدا ..جدا على الاطالة ....و أشكر لتانى مرة كل الناس كلهم بلا استثناء من أيد و من عارض....... و تذكر اننى احب لك الخير و ان لم تحبه انت لي ....
و تحياتى
حسبى الله و نعم الوكيل
إنا لله و إنا إليه راجعون
ربنا يهدينا و يهدى كل الناس
* (الساكت عن الحق شيطان أخرس)
* ( إن لم تستحى فاصنع ما شئت )
* (أساس الحرية و الديمقراطية هى الإيجابية و ليس السلبية )
أين النخوة و الرجولة و الغيرة و الشهامة !!!!!!!!!!!!!!!
عارفين يا جماعة بغض النظر عن الموضوع الاساسي
اقسم بالله انا اكتر حاجة مستغربالها في الموضوع ده كله هو عدد الناس اللي شكروا العضو deee
هل بجد كل العدد ده ممكن يكون مقتنع بالرأي ده؟
انا كنت فاكرة اني لما اسمع راي زي ده في يوم من الايام هيبقي رأي شاذ و متفرد و مش هلاقي اكتر من اتنين مقتنعين بيه
لكن اني اسمي الفجور و الانحطاط حريه شخصية يبقي احنا فعلا في اخر زمن
و الاقي اللي جاي يقول سايبين المجاعات و الفقر و الرشوة و الاعاصير و الزلازل و البراكين و جايين تتكلموا عن ولد و بنت بيبوسو بعض
يا نهار اسود!!!!!!!!!!!!
هو للدرجة دي مبقاش عندنا نخوة كمصريين؟
لدرجة اني لما اشوف حاجة زي دي اقول دي حرية شخصية و مش انت اللي هتصلح الكون و دور وشك الناحيه التانية؟
حضرتك عارف يا استاذ انو حرام اصلا اني ادور وشي الناحيه التانية؟
و انو لازم اني الفت نظرهم او اهزقهم بطريقه او باخري
لانو متل ما حكي العضو المحترم osoo
من راي منكم منكرا....
الي نهاية الحديث الشريف
و لا اول ما يتفتح موضوع زي ده في المنتدي لازم علطول الاقي سادة الحجر الفكري ظهروا و طالبوا بشنق و تكفير ودبح الكاتب لانه بيتدخل في ما لا يعنيه و ( دي حرية شخصية)؟
و تليفزيون ايه اللي بيجيب الموقف من اوله لاخره فاحنا مادام كده كده هنشوف يبقي نشوف علي الطبيعه بالمرة؟
اي نوع من التفكير ده بالظبط؟
هو حضرتك لو عندك ولاد او لما يبقي عندك ولاد و جه منظر زي ده مبتحولش التليفزيون؟؟؟؟؟؟؟؟؟؟؟؟؟؟؟ ؟؟؟
بتسيبهم يكملو المشهد عادي؟؟؟؟؟؟؟؟؟؟
اصل لو ده بيحصل او ممكن يحصل عند حضرتك فده مبيحصلش في كل البيوت
كمان حضرتك ممكن تسمي دي (خصوصيات المصريين) لما (المصريين) يبقوا يعملو كده في بيوتهم مش في شوارعنا و طرقنا الي هي ملكنا كلنا مش ملك شوية عيال بايظة تصرفاتهم لا تنم عن ادني قدر من التربيه.
واضح كمان ان القدر ده من الحرية غير كافي بالنسبة لحضرتك لانو برغم كل ده فأنت شايف برضه ان ( إنت جبت الحرية اللى فى مصر دى منين )
بصراحة مش عارفه ايه اللي ممكن يحصل في الشارع اكتر من كده عشان حضرتك تقتنع ان مصر فيها حرية
بصراحة لو هيبقي هو الدليل ان مصر بقي فيها حرية فأنا افضل اننا نبقي عبيد.
بعدين بالنسبة للاستاذ اللي بيقول اننا داخلين نفضي شحنه الكراهيه و نشتم في مصر.
مصر مين اللي شتمها هلا؟
احنا بنحكي عن ناس
افراد
تصرفات فردية لازم تُنتقد عشان لما ننتقدها ممكن نوصل لحلول
و لو موصلناش لحلول اهو علي الاقل احنا بنعرف ايه بيجري في الشارع لانو مش كلنا بنشوف هيك مناظر
و لما نعرف اهو لينا اخوات و ولاد و قرايب و جيران شباب و لما نتكلم معاهم في حاجة زي دي ممكن بطريقه او باخري يفهموا ان ده غلط و حتي لو مكانوش بيعملوا الغلط بس ممكن يكون ليهم اصدقاء بيعملوه و هما ممكن يوجهوهم.
يكون في نوع من التوعية و الارشاد لاخواتنا و ولادنا
انا بس عاوزة اعرف شعور حضرتك او ردك هيكون ايه لو بتبص في العربيه دي و لقيت البنت دي حد يخصك؟
هل برضه ساعتها هتقول و انا مالي دي حرية شخصية؟
و لا ساعتها بس هتنفجر و تتعصب و ممكن تنزل تضرب الولد ده علقه موت و تقتل البنت دي تحت عجل العربيه؟
عاوزة اقول بس ان اي بنت الواحد يشوفها في الشارع بتتعاكس و لا حد بيضايقها المفروض اي حد عنده كرامة او نخوة هيقف للي بيعاكسها و يوقفه عند حده حتي لو اتضرب لانها اخته في الله.
ما بالك لما يشوف حاجة زي كده من غير ما يعترض و لو حتي بلسانه؟
بتهيالي يبقي عيب علينا
و حتي لو كان اللي بيحصل ده بمزاج البنت
لازم حتي تنبهها و لو بلسانك انك اخدت بالك و ان كده عيب و لو هي بنت فعلا عندها ذرة اخلاق من جواها ممكن اوي ضميرها يأنبها و متكررهاش تاني.
زي ما قولنا
اضعف الايمان
بصراحة اول مرة اخلص رد ممكن يكون صادم لبعض الناس من غير ما اقول سوري لو حد زعل و الاختلاف في الرأي لا يفسد للود قضية
بصراحة يعني
مع احترامي الشديد لكل الاعضاء
المرة دي اللي يزعل يزعل
كل واحد حر بصراحة....انا مش لاقي سبب لمضايقة اي حد
اتنين بيعملوا اللي بيعملوه....انا مالي؟ انصب نفسي حاكم عليهم ليه؟
تحية ل deeآرائك عاجباني
لا أتفق مع أصحاب رأي الحرية الشخصية.. حريتك الشخصية يا بابا انت و هي ورا باب مقفول عشان ما تئذوش الناس.. ما ترميش زبالتك في وشي و انا ماشية في الشارع و تقول لي حرية شخصية (و بالزبالة هنا انا أقصد الفعلة نفسها، حتى و لو قبلة) أمال همه سموه طريق عام ليه؟ مش عشان بتاع كل الناس؟ ده حتى العلاقة الحميمة بين الرجل و المرأة بيسموها العلاقة "الخاصة".. معنى كده ان لما الخاص يسيح ع العام و ما نعرفهمش من بعض يبقى بالتأكيد فيه حاجة غلط.
أما بأه مناقشة حتة هل هو منظر مؤذي و لا لأ.. فعذرا، انا شايفة ان دخول نقاش من النوع ده مضيعة للوقت.. المنظر مؤذي على الأقل بالنسبة لي، و لو ماشية مع أخويا هايكون مؤذي لينا احنا الاتنين.. و لو معانا في العربية أمي هايكون مؤذي و صادم و يحرق الدم ليها.. و انا اللي يتسبب في حرق دم أمي شوفوا بأه يبقى إحساسي ناحيته أيه :dontudear:
يا رب يكون أنصار حزب الحرية الشخصية فهموا وجهة نظر أنصار حزب الطريق العام في الموضوع المنيل على عينه ده. و بالموضوع المنيل على عينه مش أقصد الموضوع اللي في الاجتماعي يعني، انا أقصد موضوع النقاش نفسه.